Odisha Janamata : ବାଲିଗୁଡା ଜଗନ୍ନାଥ ମନ୍ଦିର ପ୍ରତିଷ୍ଠା ଉତ୍ସବ ରେ ଯୋଗ ଦେଲେ ଭଞ୍ଜନଗର ବିଧାୟକ |

ବାଲିଗୁଡା ଜଗନ୍ନାଥ ମନ୍ଦିର ପ୍ରତିଷ୍ଠା ଉତ୍ସବ ରେ ଯୋଗ ଦେଲେ ଭଞ୍ଜନଗର ବିଧାୟକ |

18-Nov-2024

ବାଲିଗୁଡା ଶ୍ରୀଜଗନ୍ନାଥ ମନ୍ଦିର ପ୍ରତିଷ୍ଠା ମହୋତ୍ସବ,
ସାମିଲ ହେଲେ ଭଞ୍ଜନଗର ବିଧାୟକ ପ୍ରଦୂମ୍ନ ନାୟକ |

ଓଡିଶା ଜନମତ ବ୍ୟୁର,

ବାଲିଗୁଡା,୧୮/୧୧: ---- କନ୍ଧମାଳ ଜିଲ୍ଲା ବାଲିଗୁଡ଼ା ସ୍ଥିତ ଶ୍ରୀ ଜଗନ୍ନାଥ ମନ୍ଦିରରେ ପାର୍ଶ୍ଵ ଦେବାଦେବୀ ଙ୍କ ନୂତନ ମନ୍ଦିର ନିର୍ମାଣ ଓ ବିଗ୍ରହ ପ୍ରତିଷ୍ଠା ମହୋତ୍ସବର ତୃତୀୟ ଦିନ ରେ ଭଞ୍ଜନଗର ବିଧାୟକ ପ୍ରଦୂମ୍ନ ନାୟକ ପହଞ୍ଚି ଜଗନ୍ନାଥଙ୍କ ଦର୍ଶନ କରିଥିଲେ । ସ୍ଥାନୀୟ ପୂର୍ତ୍ତ ବିଭାଗ ଡାକ ବଙ୍ଗଳା ରେ ତାଙ୍କୁ ସ୍ଵାଗତ କରିବା ପରେ ମନ୍ଦିର ଟ୍ରଷ୍ଟ ପକ୍ଷରୁ ନଦିଆ ସଙ୍କୀର୍ତନ ରେ ହରେ କୃଷ୍ଣ ହରେ ରାମ ନାମ ଗାଈ ମନ୍ଦିର ନିକଟ ପର୍ଯ୍ୟନ୍ତ ପାଛୋଟି ଆଣି ଥିଲା । ତାଙ୍କ ସହ ଭଞ୍ଜନଗର ସାଂସଦପ୍ରତିନିଧି ରବୀନ୍ଦ୍ର ଗୌନୀଳମାଧବପାତ୍ର,ଧୋବା ଗୌଡ଼ ମାନସଜେନା ,ଧୀରେନ ମହାନ୍ତି ପ୍ରମୁଖ ଆସି ଯଜ୍ଞ ରେ ସାମିଲ ହୋଇଥିଲେ । ମନ୍ଦିର ଟ୍ରଷ୍ଟ ବୋର୍ଡର ଟି.ଶ୍ରୀନିବାସ ରାଓ ଫୁଲ ଚନ୍ଦନ ଓ ଉପ ଢୌକନ ଦେଇମନ୍ଦିର ପରିସର କୁ ପାଛୋଟି ନେଇଥିଲେ । ଶ୍ରୀଜଗନ୍ନାଥ ଚତୁର୍ଦ୍ଧା ମୂର୍ତ୍ତିଙ୍କ ଦର୍ଶନ ପରେ ନାମ ଯଜ୍ଞ ଓ ଘୃତ ଯଜ୍ଞ ରେ ସାମିଲ ହୋଇ ଆଶ୍ରିବାଦକାମନା କରିଥିଲେ । ଅତିଥି ଙ୍କୁ ସ୍ଵାଗତ କରିବାପାଇଁ ଭାରତୀୟ ଜନତା ପାର୍ଟି ତର ଫରୁ ସୁରେନ୍ଦ୍ର ପାତ୍ର ,ରଞ୍ଜିତ ଚୌଧୁରୀ ସୂର୍ଯ୍ୟନାୟକ ,ପୁରୁଷୋତ୍ତମ ଡାକୁଆ ,ଅମିୟ ବେହେରା,ଗଙ୍ଗାଧରସାହୁ , ସ୍ବରୂପା ନନ୍ଦ ପଟ୍ଟନାୟକ ପ୍ରମୁଖ ଉପସ୍ଥିତ ରହିଥିବା ବେଳେ ରାଷ୍ଟ୍ରୀୟ ବଜରଙ୍ଗ ଦଳ ପ୍ରଦେଶ ଅଧକ୍ଷ ବିଶ୍ଵଜିତ ପାତ୍ର ,ଧର୍ମଜାଗରଣ ସମୁଖ୍ୟର ଅନ୍ତର୍ଯ୍ୟାମି ବେହେରା , ପ୍ରମୁଖ ସାମିଲ ହୋଇଥିଲେ ।