Odisha Janamata : ପୋଲସରା ଏନଏସିରେ ଚଞ୍ଚକତା କରି ଧନିବ୍ୟକ୍ତି ପାଇଛନ୍ତି ଆବାସ ଯୋଜନା |

ପୋଲସରା ଏନଏସିରେ ଚଞ୍ଚକତା କରି ଧନିବ୍ୟକ୍ତି ପାଇଛନ୍ତି ଆବାସ ଯୋଜନା |

23-Dec-2024

ସୋସିଆଲ ମିଡ଼ିଆରେ ଦୁଇ ମହଲା ଆବାସ ଘର ଭାଇରାଲ,

(ଗରିବ ଦୌଡ଼ି ଦୌଡ଼ି ନୟାନ୍ତ |

ଓଡିଶା ଜନମତ ବ୍ୟୁରୋ,

ପୋଲସରା ୨୨/୧୨/୨୪ ଏବେ କିଛି ଦିନଧରି ବିଭିନ୍ନ ସୋସିଆଲ ମିଡ଼ିଆରେ ଏକ ଫୋଟ ଘୁରି ବୁଲୁଥିବା ଦେଖାଯାଇଛି। ଯାହାକି ଆବାସ ଯୋଜନାରୁ ଏକ ଦୁଇ ମହଲା କୋଠାର ଫୋଟ ହୋଇଥିବା ବେଳେ ଉକ୍ତ ଘର ଆଗର ଲେଖାରୁ ଜଣାପଡିଛି ଯେ ଘରଟି ପ୍ରଧାନମନ୍ତ୍ରୀ ଆବାସ ଯୋଜନାରୁ ସିଲା ପ୍ରଧାନ ଯାହାର ହିତାଧିକାରୀ ଆଡି ନମ୍ବର ୦୩୨୧୮୦୭୦୫୮୪୩୨୩୩୯୮ ପୋଲସରା ଏନ୍ ଏ ସି ଅଟେ। ଶୁଣିବାକୁ ମିଳୁଛି ଯେ ଏହି ମହିଳାଙ୍କ ଘର ଥାଇ ମଧ୍ଯ ସେ କିପରି ଘର ପାଇଲେ। ୨୦୨୩/୨୪ ଆର୍ଥିକ ବର୍ଷରେ ପୋଲସରା ଏନ୍ ଏ ସି ର ଗରିବ ଓ ଭୂମିହିନ ଙ୍କ ପାଇଁ ୨୮୧ ଗୋଟି ପ୍ରଧାନମନ୍ତ୍ରୀ ଆବାସ ଯୋଜନା ରେ ଘର ଆସିଥିବା ବେଳେ ସେଥିମଧ୍ୟରୁ ଏହି ଆବାସ ଘରଟି ଦେଖିବାରୁ ଜଣାପଡିଛି ଯେ ଜଣେ ଧନିଶାଳି ବ୍ୟକ୍ତି ଘର ପାଇଥିବା ବେଳେ ବିଭିନ୍ନ ସୋସିଆଲ ମିଡ଼ିଆରେ ମୋବାଇଲ ରୁ ମୋବାଇଲ ଘୁରି ବୁଲୁଛି। ସେଥିରେ ଲୋକଙ୍କ ମତାମତ ଦ୍ବାରା ଜଣାପଡିଛି ଯେ ଯେଉଁ ମହିଳା ଜଣକ ପାଇଛନ୍ତି,ସେ ଧନିଶାଳି ହୋଇଥିବା ବେଳେ ତାଙ୍କର ଆହୁରି ଘର ଅଛି ଏବଂ ସେ ଏନ୍ ଏ ସି ଅଧିକାରୀଙ୍କୁ କିଛି ହାତ ଖର୍ଚ୍ଚ ଦେଇ ହାତେଇ ଥିବା ସହିତ ଅନେକ ଲୋକ ଅନେକ ମତାମତ ଦେଇଛନ୍ତି। ଏପଟେ ନିରୀହ ଗରିବ ଲୋକଟି ଦୌଡ଼ି ଦୌଡ଼ି ନୟାନ୍ତ ହୋଇଗଲେ ସୁଦ୍ଧା ଆବାସ ଯୋଜନା ରେ ଘର ପାଇବା ସାତ ସ୍ବପ୍ନ ହୋଇଯାଉଛି।ପୋଲସରା କାର୍ଯ୍ୟନିର୍ବାହୀ ଅଧିକାରୀ ଦେଇଥିବା ଘର ମଧ୍ୟରୁ ଜଦି ଗୋଟିଏ ଘର ବିଷୟରେ ଜଣାପଡ଼ିଲା। ତାହେଲେ ବାସହୀନ ଓ ଗରିବ ଲୋକଙ୍କୁ କିଭଳି ଭାବେ ଚୟନ କରାଯାଇଥିବ ଏଥିରୁ ଅନୁମାନ କରାଯାଇଛି। ଫଳରେ ଏନ୍ ଏ ସି ର ନାଗରିକମାନେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ଏଥିପ୍ରତି ଉପରସ୍ଥ ଅଧିକାରୀ ଗଞ୍ଜାମ ଜିଲ୍ଲା ଦୃଷ୍ଟି ଦେଇ ତଦନ୍ତ କରନ୍ତି ତାହେଲେ ପ୍ରଧାନମନ୍ତ୍ରୀ ଆବାସ ଯୋଜନା ରେ ହୋଇଥିବା ଅନିୟମିତତା ପଦାକୁ ଆସିପାରିବ ବୋଲି ଅନୁମାନ କରାଯାଇଛି।