Odisha Janamata : ବୁଗୁଡ଼ା ନିୟୁ ଏରା ପବ୍ଲିକ ସ୍କୁଲ ରେ ବାର୍ଷିକ କ୍ରୀଡା ଅନୁଷ୍ଠିତ |

ବୁଗୁଡ଼ା ନିୟୁ ଏରା ପବ୍ଲିକ ସ୍କୁଲ ରେ ବାର୍ଷିକ କ୍ରୀଡା ଅନୁଷ୍ଠିତ |

22-Dec-2024

ନିୟୁ ଏରା ପବ୍ଲିକ୍ ସ୍କୁଲର ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,,

ବୁଗୁଡ଼ା :ତା୨୨/୧୨/୨୪ : ସ୍ଥାନୀୟ ନିୟୁ ଏରା ପବ୍ଲିକ୍ ସ୍କୁଲର ତ୍ରିଦିବସୀୟ ବାର୍ଷିକ କ୍ରୀଡା ଉତ୍ସବ ଉଦଘାଟିତ ହୋଇଯାଇଛି । ସ୍କୁଲ ଉପା ଧ୍ୟକ୍ଷ ଅନିରୁଦ୍ଧ ଗୌଡ଼ ଙ୍କପୌର ହିତ୍ୟରେ ଅନୁଷ୍ଠିତ ଉକ୍ତ କାର୍ଯ୍ୟ କ୍ରମରେ ଅତିଥି ଭାବେ ବୁଗୁଡ଼ା ମିଡ଼ିଆ କ୍ଳବ୍ ସଭାପତି ଅନୀଲ ପଟ୍ଟନାୟକ ଯୋଗଦେଇ ପ୍ରତିଯୋଗୀଙ୍କୁ ମାର୍ଗ ଦର୍ଶନ ସହ ଉତ୍ସାହିତ କରିଥିଲେ । ବିଦ୍ୟାଳୟର ସ୍କାଉଟ ଛାତ୍ରଛାତ୍ରୀ ବଳଦେବ ମନ୍ଦିରରୁ କ୍ରୀଡାଜ୍ଯୋତି ଆଣି ପହଞ୍ଚିବା ପରେ ମୁଖ୍ଯ ଅତିଥି ଙ୍କ ଦ୍ଵାରା କ୍ରୀଡା ପତାକା ଉତ୍ତୋଳନ ସହ ପ୍ରତିଯୋଗୀ ଙ୍କ ଶପଥ ପାଠ କରାଯାଇ ଥିଲା । ଏ ଅବସରରେ ଦୌଡ, ଲଙ୍ଗଜମ୍ପ୍, ହାଇଜମ୍ପ୍, ସ୍କିପିଙ୍ଗ୍, ସଟପୁଟ୍ ଥ୍ରୋ, ଡିସକ୍ସ୍ ଥ୍ରୋ, ମ୍ୟୁଜିକ୍ ଚେୟାର୍, ତ୍ରିପଲ୍ ଜମ୍ପ ଆଦି ପ୍ରତି ଯୋଗିତା ଅନୁଷ୍ଠିତ ହୋଇ କୃତି ପ୍ରତିଯୋଗୀଙ୍କୁ ଚୟନ କରାଯାଇଥିଲା । କ୍ରୀଡା ପ୍ରମୁଖ ବୈଷ୍ଣବ ଚରଣ ଦାଶଙ୍କ ତତ୍ତ୍ୱାବଧାନରେ ଆୟୋଜିତ କ୍ରୀଡା ପ୍ରତିଯୋଗିତା ଗୁଡିକୁ ସିମାଞ୍ଚଳ ଦାଶ, ରୁଦ୍ର ପ୍ରତାପ ପ୍ରଧାନ, ନାରାୟଣ ସେଠୀ, ସୁଦିପ୍ତା କୁମାରୀ ମିଶ୍ର,ନମିତା ପଟ୍ଟନାୟକ, ସୋନମ୍ ଦାଶ, କବିତା ସେଠୀ, ସୁନୀତା ପଟ୍ଟନାୟକ, ରୋଜାଲିନ ସ୍ବାଇଁ, ଜ୍ୟୋତ୍ସ୍ନା ମହାରଣା, ଅଦିତି ପୋଲାଇ, ରମାଦେବୀ ତ୍ରିପାଠୀ, ଶିଳ୍ପା ମହାନ୍ତି, ଶୁଭଶ୍ରୀ ଜେନା, ଶିବାନୀ ସେଠୀ, , ମିନତୀ ବିଷୋୟୀ ପ୍ରମୁଖ ଶିକ୍ଷକ-ଶିକ୍ଷୟିତ୍ରୀ ମାନେ ପରିଚାଳନା କରିଥିଲେ ।