Odisha Janamata : ଲୋକସଭା ର ସରିଲା ଶୀତ ଅଧିବେଶନ ||

ଲୋକସଭା ର ସରିଲା ଶୀତ ଅଧିବେଶନ ||

21-Dec-2024

ସରିଲା ଲୋକସଭା ର ଶୀତ ଅଧିବେସନ,

ଓଡିଶା ଜନମତ ବ୍ୟୁରୋ,

ନୂଆଦିଲ୍ଲୀ: ଲୋକସଭା ଅଧୂବେଶନ ଅନିର୍ଦ୍ଦିଷ୍ଟ କାଳ ଲାଗି ମୁଲତବି। ନଭେମ୍ବର ୨୫ ଅଧୂବେଶନ ଆରମ୍ଭ ଦିନ ଠାରୁ ସମ୍ବି ଧାନ, ଆଦାନୀ, ସମ୍ଭଲ ଓ ଅନ୍ୟାନ୍ୟ ପ୍ରସଙ୍ଗରେ ଗୃହରେ ଲାଗି ରହିଥୁଲା ଅଚଳାବସ୍ଥା। ଆଦାନୀ ପ୍ରସଙ୍ଗରେ ସ୍ଵତନ୍ତ୍ର ଆଲୋଚନା କରି ବାକୁ ସରକାରଙ୍କ ଅଗ୍ରାହ୍ୟକୁ ନେଇ ଉଭୟ ଗୃହ ସୁରୁଖୁରୁରେ ଚାଲିପାରିନଥ୍‌ଲା। ଗତକାଲି ସଂସଦ ଭବନ ଗେଟରେ ଠେଲାପେଲା ଘଟଣାକୁ ନେଇ ଉଭୟ ଏନଡିଏ ଓ ଇଣ୍ଡି ମେଣ୍ଟ ସାଂସଦଙ୍କ ମଧ୍ୟରେ ଚାଲିଥିଲା ବୟାନବାଜି।
ସେହିପରି ଆମ୍ବେଦକର ପ୍ରସଙ୍ଗରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବିବୃତିକୁ ନେଇ ସଂସଦର ଉଭୟ ଗୃହରେ ସୃଷ୍ଟି ହୋଇଥିଲା ଝଡ | ଆଜି ବିରୋଧୀ ଦଳ ନେତା ରାହୁଲ ଗାନ୍ଧିଙ୍କ ବିରୋଧରେ ରୁଜୁ ହୋଇଥିବା ମାମଲାକୁ ନେଇ ଇଣ୍ଡି ମେଣ୍ଟର ବିରୋଧ ପ୍ରଦର୍ଶନ କରାଯାଇଛି। ଦିଲ୍ଲୀର ବିଜୟ ଚୌକରୁ ସଂସଦ ପର୍ଯ୍ୟନ୍ତ ବିରୋଧୀ ସାଂସଦ ଶୋଭାଯାତ୍ରା କରିଛନ୍ତି। । ଏଥିରେକଂଗ୍ରେ ସାଂସଦ ପ୍ରିୟଙ୍କା ଗାନ୍ଧି ମଧ୍ଯ ସାମିଲ ହୋଇଛନ୍ତି। ତେବେ ଏତଲା ହୋଇଥିବାଚ୍ କଂଗ୍ରେସ ସାଂସଦ ତଥା ବିରୋଧୀ ଦଳ ନେତା ରାହୁଲ ଗାନ୍ଧି ଏହି ଶୋଭାଯାତ୍ରାରେ ସାମିଲ ହୋଇନାହାନ୍ତି।
ଗତକାଲି ସଂସଦ ପରିସରରେ ଶାସକ ଓ ବିରୋଧୀ ସାଂସଦ ମୁହାଁମୁହିଁ ଘଟଣାର ବିଜେପି ସଂସଦ ମାନ ମାର୍ଗ ଥାନାରେ ରାହୁଲ ଗାନ୍ଧି ଙ୍କ ବିରୋଧରେ ଏତଲା ରୁଜୁ କରିଥିଲା। ସେପଟେ ଶାସକ ବିଜେପି ସାଂସଦ ସଂସଦ ପରିସରରେ ଥିବା ଗାନ୍ଧୀ ମୂର୍ତ୍ତି ନିକଟରେ କଂଗ୍ରେସ ବିରୋଧରେ ପ୍ରତି ପ୍ରତିବାଦ କରିଛନ୍ତି।
ଶୀତ ଅଧୂବେଶନର ତୃତୀୟ ପର୍ଯ୍ୟାୟରେ ମୁଲତବୀ ଓ ହଟ୍ଟଗେ ଗୋଳ ଯୋଗୁ ଲୋକସଭାର ୬୫ ଘଣ୍ଟା ନଷ୍ଟ ହୋଇଛି ସେହିପରି ୩ଟି ଯାକ ଅଧୂବେଶନରେ ଲୋକସଭା ୭୧ ଘଣ୍ଟାରୁ ଅଧିକ ସମୟ କୌଣସି କାମ କରି ନାହିଁ । ଶୀତ ଅଧୂବେଶନର ତୃତୀୟ ପର୍ଯ୍ୟାୟ ନଭେମ୍ବର୨୫ରେ ଆରମ୍ଭ ହୋଇଥିବା ବେଳେ ଆଜି ଶେଷ ହୋଇଛି। ସରକାରୀ ତଥ୍ୟ ଅନୁସାରେ, ଶୀତ ଅଧୂବେଶନରେ ଲୋକସଭାରେ ପ୍ରବଳ ହଟ୍ଟଗୋଳ ଦେଖିବାକୁ ମିଳିଛି। ଏଥିଯୋଗୁ ଶୀତ ଅଧୂବେଶନ ର ପ୍ରଥମ ପର୍ଯ୍ୟାୟରେ ଲୋକସଭାର ୫ ଘଣ୍ଟା ୩୭ ମିନିଟ, ଦ୍ବିତୀୟ ପର୍ଯ୍ୟାୟରେ ୧ ଘଣ୍ଟା ୫୩ ମିନିଟ ଓ ତୃତୀୟ ପର୍ଯ୍ୟାୟରେ ୬୫ ଘଣ୍ଟା ୧୫ ମିନିଟ ନଷ୍ଟ ହୋଇଛି।

ଲୋକସଭାରେ ବିତର୍କ ସମୟକୁ ବିଚାରକୁ ନେଲେ ପ୍ରଥମ ପର୍ଯ୍ୟାୟରେ ୩୪.୧୬ ଘଣ୍ଟା, ଦ୍ଵିତୀୟ ପର୍ଯ୍ୟାୟରେ ୧୧୫.୨୧ ଘଣ୍ଟା ବିଭିନ୍ନ ପ୍ରସଙ୍ଗରେ ବିତର୍କ ହୋଇଥିଲା। କିନ୍ତୁ ତୃତୀୟ ପର୍ଯ୍ୟାୟରେ ଗୃହ ଆଦୌ ଠିକ ଭାବେ ଚାଲି ପାରି ନାହିଁ । ଏହି ପର୍ଯ୍ୟାୟରେ ମାତ୍ର ୬୨ ଘଣ୍ଟା ବିତର୍କ ହୋଇପାରିଛି।
ପ୍ରଥମ ପର୍ଯ୍ୟାୟରେ ୭ଟି, ଦ୍ଵିତୀୟ ପର୍ଯ୍ୟାୟରେ ୧୫ଟି ଓ ତୃତୀୟ ପର୍ଯ୍ୟାୟରେ ୨୦ଟି କାର୍ଯ୍ୟ ଦିବସ ରହିଥିଲା। ପ୍ରଥମ ପର୍ଯ୍ୟାୟରେ ସାଂସଦମାନେ ଅତିରିକ୍ତ ୭ ଘଣ୍ଟା କାମ କରିଥିବା ବେଳେ ଦ୍ଵିତୀୟ ପର୍ଯ୍ୟାୟରେ ୩୩ ଘଣ୍ଟା ଗୃହ କାର୍ଯ୍ୟରେ ସାମିଲ ହୋଇଥିଲେ।
ତୃତୀୟ ପର୍ଯ୍ୟାୟରେ ସବୁଠାରୁ ଅଧିକ ହଟ୍ଟଗୋଳ ହୋଇଥିଲେ ହେଁ ସାଂସଦମାନେ ଅତିରିକ୍ତ ୨୧.୭ ଘଣ୍ଟା କାମ କରି ନଷ୍ଟ ହୋଇଥିବା ସମୟକୁ ପୂରଣ କରିବାକୁ ଚେଷ୍ଟା କରିଛନ୍ତି।

ସରକାରଙ୍କ ପକ୍ଷରୁ ଶୀତ ଅଧିବେଶନର ପ୍ରଥମ ପର୍ଯ୍ୟାୟରେ କୌଣସି ବିଲ୍ ଆଗତ କରାଯାଇ ନଥୁଲା। ଦ୍ବିତୀୟ ପର୍ଯ୍ୟାୟରେ ୧୨ଟି ବିଲ ଆଗତ କରାଯାଇଥିବା ବେଳେ ଲୋକସଭାରେ ୪ଟି ବିଲ ପାରିତ ହୋଇଛି। ତୃତୀୟ ପର୍ଯ୍ୟାୟରେ ସରକାର ମୋଟ ୫ଟି ବିଲ ଆଗତ କରିଥିଲେ। ଏହା ମଧ୍ୟରୁ ୪ଟି ବିଲ୍ ଗୃହର ଅନୁମୋଦନ ହାସଲ କରିଛି।