Odisha Janamata : ୨କୋଟି ଟଙ୍କାର ବ୍ରାଉନ ସୁଗାର ଜବତ କଲା ବାଲେଶ୍ୱର ଅବକାରୀ ଅଫିସ |

୨କୋଟି ଟଙ୍କାର ବ୍ରାଉନ ସୁଗାର ଜବତ କଲା ବାଲେଶ୍ୱର ଅବକାରୀ ଅଫିସ |

09-Dec-2024

୨କୋଟି ଟଙ୍କା ର ବ୍ରାଉନ ସୁଗାର ଜବତ ଜଣେ ଗିରଫ,

ଓଡିଶା ଜନମତ ବ୍ୟୁରୋ ,

ବାଲେଶ୍ୱର: ୨ କୋଟି ଟଙ୍କାର ବ୍ରାଉନ୍ ସୁଗାର ଜବତ, ଜଣେ ଗିରଫ, ବାଲେଶ୍ବର ଅରଡ଼ ବଜାରରୁ ୨ କେଜି ବ୍ରାଉନ୍ ସୁଗାର ଜବତ କଲା ଅବ କାରୀ ବିଭାଗ। ବ୍ରାଉନସୁଗାର କାରବାର କରୁଥିବା ଅଭିଯୁକ୍ତ ଅମଜାଦ ଖାନକୁ ଗିରଫ କରାଯାଇ ଥିବାବେଳେ ଅନ୍ୟ ଜଣେ ଅଭିଯୁକ୍ତ ଫେରାର୍ ହୋଇଯାଇଛି । ଏମାନେ ମଧ୍ୟପ୍ରଦେଶରୁ ବ୍ରାଉନ୍ ସୁଗାର ଆଣି କାରବାର ପାଇଁ ଅରଡ଼ ବଜାରରେ ନିଜ ଘରେ ଗଚ୍ଛିତ ରଖୁଥିଲେ ।

ଏମାନେ ଅରଡ଼ ବଜାରରୁ ଓଡିଶାର ବିଭିନ୍ନ ଜିଲ୍ଲାକୁ ଏହି ବ୍ରାଉନ୍ ସୁଗାର ଚାଲାଣ କରାଯାଉଥିଲା ବୋଲି ଜଣା ପଡ଼ିଛି । ତେବେ ଏନେଇ ଗୁଇନ୍ଦା ସୂଚନା ଆଧାରରେ ଅବକାରୀ ବିଭାଗ ଚଢାଉ କରିଥିଲା । ଆଜି ସକାଳେ ଚଢ଼ାଉ ସମୟରେ ବାଲେଶ୍ବର ଅରଡ଼ ବଜାର ନିକଟରେ ଗୋଟିଏ ଘରୁ ଦୁଇ କେଜି ବ୍ରାଉନ୍ ସୁଗାର ସହ ୫ ହଜାର ୫୭୦ ଟଙ୍କା, ଗୋଟିଏ ମୋବା ଇଲ୍ ଫୋନ୍ ଓ ଜଣେ ଅଭିଯୁକ୍ତ ଅମଜାଦ ଖାନକୁ ଧରିବାରେ ସଫଳ ହୋଇଛି ବାଲେଶ୍ଵର ଅବକାରୀ ବିଭାଗ । ଜବତ ଦୁଇ କେଜି ବ୍ରାଉନ୍ ସୁଗାରର ଆନୁମାନିକ ମୂଲ୍ୟ ଦୁଇକୋଟି ଟଙ୍କା ବୋଲି କୁହାଯାଉଛି |
ଏନେଇ ବାଲେଶ୍ଵର ଅବକାରୀ ଅଧକ୍ଷକ ସୁଶାନ୍ତ ପାଢ଼ୀ କହି ଛନ୍ତି ଯେ ବାଲେଶ୍ଵର ଅରଡ଼ ବଜାରରୁ ବ୍ରାଉନ୍ ସୁଗାର ଚାଲାଣ ହୋଉଥିବା ଖବର ଆମେ ପାଇଥିଲୁ । ଏହାକୁ ଧରିବା ପାଇଁ ଏକ ୧୫ ଜଣିଆ ଟିମ ଗଠନ କରାଯାଇଥିଲା |ସ୍ଥାନୀୟପୁଲିସର ସହାୟତା ମଧ୍ୟ ଆମେ ନେଇଥିଲୁ । ଅମଜାଦ ଖାନ ଓ ଶବିର ଖାନ ନାମକ ଦୁଇ ଅଭିଯୁକ୍ତଙ୍କଘରକୁ ରେଡ୍ କରାଯାଇଥିଲାସେଠାରୁ ୨ କେଜି ବ୍ରାଉନ୍ ସୁଗାର ସମେତ ଅନ୍ୟାନ୍ୟ ସାମଗ୍ରୀ ଜବତ କରାଯାଇଥିଲା। ତେବେ ଅମଜାଦ ଖାନକୁ ଗିରଫ କରାଯାଇଥିବାବେଳେ ଶବିର ଖାନ ଫେରାର୍ ଅଛି । ଘଟଣାରେ ଆଉ କାହାର ଲିଙ୍କ୍ ଅଛି ସେନେଇ ତଦନ୍ତକରାଯାଉ ଥିବା ଅବକାରୀ ଅଧ୍ୟକ୍ଷକ କହିଛନ୍ତି ।