Odisha Janamata : ପୋଲିସ ଏସପି ଙ୍କ ନିର୍ଦ୍ଧେଶ ରେ ଲକ୍ଷ, ଲକ୍ଷ ଟଙ୍କାର ଗଞ୍ଜେଇ ଗଛ ନଷ୍ଟ କଲେ ପୋଲିସ |

ପୋଲିସ ଏସପି ଙ୍କ ନିର୍ଦ୍ଧେଶ ରେ ଲକ୍ଷ, ଲକ୍ଷ ଟଙ୍କାର ଗଞ୍ଜେଇ ଗଛ ନଷ୍ଟ କଲେ ପୋଲିସ |

18-Dec-2024

ପୋଲିସର ଗ୍ରୀନ ଅପେରସନ ଜାରି ,

ଓଡିଶା ଜନମତ ବ୍ୟୁରୋ ,

ଆର,ଉଦୟଗିରି, 18/12: ଗଜପତି ଜିଲ୍ଲା ଆର,ଉଦୟଗିରି ଥାନା ଅନ୍ତର୍ଗତ ଅନୁଗୁରୁ ଗ୍ରାମ ପଞ୍ଚାୟତର କେଡିପଦର ମୋଉଜାରେ ଥିବା ଆମ୍ବାଝରି ଗ୍ରାମରେ ଥିବା ପାହାଢିଆ ଜମିରେ 42. 600 ଏକରରେ ବେଆଇନ ପାହାଡିଆ ଜମିରେ ଚାଷ ହୋଇଥିବା ୪୯, ୨୦୦ ଗୋଟି ଗଞ୍ଜେଇ ଗଛକୁ କାଟି ପୋଡି ନଷ୍ଟ କରିଛନ୍ତି । ଆର,ଉଦୟଗିରି ପୋଲିସ ସହ ଅବକାରୀ ବିଭାଗ, ନୁଆଗଡ ତହସିଲିଦାର ଓ ଆର,ଉଦୟଗିରି ରାଜସ୍ବ ବିଭାଗ ଗଜପତି ଜିଲ୍ଲା ଆରକ୍ଷୀ ଅଧିକ୍ଷକ ଜତିନ୍ଦ୍ର ନାଥ ପଣ୍ଡାଙ୍କ ନିର୍ଦ୍ଦେଶ କର୍ମେ ଓ ଆର. ଉଦୟଗିରି ଉପ ଆରକ୍ଷୀ ଅଧକ୍ଷଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ହୋଇଥଲା । ଏହାର ଅନୁମାନୀକ ମୂଲ୍ୟ ୪୦ କୋଟି ୯ଲକ୍ଷରୁ ଉଦ୍ଧ୍ବ ଟଙ୍କା ଗଞ୍ଜେଇ ହେବ ଵୋଲି ସୂଚନା ମିଳିଛି। ଗତ କିଛି ଦିନ ଧରି ଗଜପତି ଜିଲ୍ଲାର ବିଭିନ୍ନ ବ୍ଲକ ଅଞ୍ଚଳରେ ବେଆଇନ କୋଟି କୋଟି ଟଙ୍କାର ଗଞ୍ଜେଇ ଚାଷକୁ ନଷ୍ଟ କରିଥିବା ଜଣାପଡିଛି। ସେହିପରି ଆଗାମୀ ଦିନରେ ମଧ୍ୟ ଗଞ୍ଜେଇ ଚାଷ ବ୍ୟାପକ ଭାବେ ନଷ୍ଟ କରାଯିବ ବୋଲି ଆର, ଉଦୟଗିରି ଥାନା ପକ୍ଷରୁ ସୂଚନା ମିଳିଛି।କିନ୍ତୁ ସାଧାରଣରେ ଚର୍ଚ୍ଚା ହେଉଛି ଏତେ ପରିମାଣ ରେ ଗଞ୍ଜେଇ ଚାଷ କିଏ ଚାଷ କରିଛି ତାଙ୍କ ବିରୁଦ୍ଧରେ କାହିଁକି ପୋଲିସ ବାବୁମାନେ ଦୃଢ଼ କାର୍ଯ୍ୟ ଅନୁଷ୍ଠାନ ନେଉନାହାନ୍ତି ତାହା ବୁଦ୍ଧିଜୀବୀ ମାନେ ପ୍ରଶ୍ନ କରିଛନ୍ତି ।