Odisha Janamata : ସ୍ୱାମୀ ଆଗରେ ସ୍ତ୍ରୀର ଗଳା କାଟି ହତ୍ୟା କଲେ ମାଓବାଦୀ |

ସ୍ୱାମୀ ଆଗରେ ସ୍ତ୍ରୀର ଗଳା କାଟି ହତ୍ୟା କଲେ ମାଓବାଦୀ |

08-Dec-2024

ମାଓବାଦୀ ମାନେ ସ୍ଵାମୀର ଆକ୍ଷି ଆଗରେ ସ୍ତ୍ରୀର ଗଳାକାଟି ହତ୍ୟା କଲେ |

ଓଡିଶା ଜନ ମତ ବ୍ୟୁରୋ ,

ମାଲକାନଗିରି, ୮୦୧୨ ;
ମାଲକାନଗିରି ଛତିଶଗଡ ସୀମାନ୍ତ ବିଜାପୁର ଜିଲ୍ଲାରେ ପୁଣି ମାଓ ହିଂସା ଦେଖିବାକୁ ମିଳିଛି। ସ୍ଵାମୀଙ୍କ ସମ୍ମୁଖରେ ସ୍ତ୍ରୀଙ୍କୁ ଅତି ନିର୍ମମ ଭାବେ ଗଳାକାଟି ହତ୍ୟା କରିଛନ୍ତି ଲାଲ୍ ବାହିନୀ । ତେଲେଙ୍ଗାନା ପୋଲିସ ଇନଫର୍ମର ସନ୍ଦେହ ରେ ଏହି ହତ୍ୟାକାଣ୍ଡ ଘଟିଛି। ଛତିଶଗଡ଼ ବିଜାପୁରରେ ମାଓବାଦୀମାନେ ରବିବାର ଜଣେ ମହିଳାଙ୍କୁ ହତ୍ୟା କରିଛନ୍ତି । ସେ ହେଲେ ସୁକରା ୟାଲାମ । ବିଜାପୁର ର ଲୋଦେଡ ଗ୍ର|ମରେ ଏକ ଦମ୍ପତିଙ୍କୁ ଘରୁ କେତେ ଜଣ ମାଓବାଦୀ ଶନିବାର ଅପହରଣ କରି ଗାଁଠାରୁ ୩ କି.ମି. ଦୂରରେ ଥିବା ଜଙ୍ଗଲକୁ ନେଇଯାଇଥିଲେ। ପରେ ମାଓବାଦୀମାନେ ସ୍ଵାମୀ ରାମାୟା ଯାଲମଙ୍କୁ ନିସ୍ତୁକ ମାଡ଼ମାରି ଆଖୁ ଆଗରେ ସ୍ତ୍ରୀ ସୁକରାୟାଲାମ ଙ୍କ ଗଳା କାଟି ହତ୍ୟା କରିଥିଲେ । ପରେ ସ୍ଵାମୀ ରାମାୟାଙ୍କୁ ଛାଡି ଦେଇ ଥିଲେ।

ତେଲଙ୍ଗାନା ପୋଲିସର ସୂଚନାଦାତା ଅଭି ଯୋଗରେ ସୁକରାଙ୍କୁ ହତ୍ୟା କରାଯାଇ ଥିବା ନେଇ ମାଓବାଦୀମାନେ ଏକହାତଲେଖା ଚିଠିରେ ଉଲ୍ଲେଖ କରିଛନ୍ତି। ରବିବାର ଘଟଣାସ୍ଥଳ ସ୍ଥଳରେ ପୋଲିସ ଟିମ୍ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି। ତେବେ ଗତ ୩ ଦିନ ମଧ୍ୟରେ ଦୁଇଜଣ ପୂର୍ବତନ ସରପଞ୍ଚଙ୍କ ସମେତ ଦୁଇ ମହିଳାଙ୍କୁ ହତ୍ୟା ଘଟଣାକୁ ନେଇ ଅଞ୍ଚଳବାସୀ ଆତଙ୍କିତ ହୋଇ ପଡିଛନ୍ତି । ପୋଲିସ ପକ୍ଷରୁ ଅଞ୍ଚଳରେ ପେଟ୍ରୋଲିଙ୍କୁ ଜୋରଦାର କରାଯାଇଛି। ଘଟଣା ସଂପର୍କ ରେ ସୂଚନା ଦେଇଛନ୍ତି ବିଜା ପୁର ଏସ୍‌ପି ଜିତେନ୍ଦ୍ର ଯାଦବ।