Odisha Janamata : ଖବର ପ୍ରସାରଣ ପରେ ସାମ୍ବାଦିକ ଙ୍କୁ ଧମକ ଦେଲେ ପୋଲସରା ପୂର୍ବତନ ତହସିଲଦାର |

ଖବର ପ୍ରସାରଣ ପରେ ସାମ୍ବାଦିକ ଙ୍କୁ ଧମକ ଦେଲେ ପୋଲସରା ପୂର୍ବତନ ତହସିଲଦାର |

18-Dec-2024

ବଦଳି ପରେ ସରକାରୀ କ୍ୱାର୍ଟର ନଛାଡିବା ଖବର ପ୍ରକାଶ ଯୋଗୁ ସାମ୍ବାଦିକ ଙ୍କୁ ଧମକ।

. ଓଡିଶା ଜନମତ ବ୍ୟୁରୋ ,

ପୋଲସରା ୧୮/୧୨/୨୦୨୪
ଏଠାରୁ ବଦଳି ହୋଇ ଯିବା ପରେ ମଧ୍ୟ ସରକାରୀ କ୍ୱାର୍ଟର ନଛାଡିବା ଖବର ପ୍ରକାଶ ପାଇବା ଯୋଗୁ ପୋଲସରା ର ପୂର୍ବତନ ତହସିଲଦାର ଦୈନିକ ଆଶା ଖବର କାଗଜର ପୋଲସରା ପ୍ରତିନିଧି ଙ୍କୁ ଅଶାଳୀନ ବ୍ୟବହାର କରିବା ସହିତ ଧମକ ଦେଇଥିବା ଅଭିଯୋଗ ହେଉଛି। ମିଳିଥିବା ସୂଚନା ଅନୁଯାୟୀ ପୋଲସରା ର ତତ୍କାଳୀନ ତହସିଲଦାର ରୁବୀ ବେହେରା ଙ୍କ ର ଭୁବନେଶ୍ଵର ମହାନଗର ନିଗମ ଡେପୁଟି କମିଶନର ଭାବେ ବଦଳି ହୋଇଯିବା ଯୋଗୁ ସେ ଅକ୍ଟୋବର ମାସ ୨୮ ତାରିଖ ଦିନ ପୋଲସରା ଗୋଷ୍ଠୀ ଉନ୍ନୟନ ଅଧିକାରୀ ଙ୍କୁ ଦାୟିତ୍ବ ହସ୍ତାନ୍ତର କରି ସାରିଛନ୍ତି। ମାତ୍ର ଏହା ମଧ୍ୟ ରେ ପାଖାପାଖି ୨ ମାସ ବିତିଯାଇଥିଲେ ବି ରୁବୀ ବେହେରା ସରକାରୀ କ୍ୱାର୍ଟର ଛାଡ଼ୁ ନାହାଁନ୍ତି। ଫଳରେ ତାଙ୍କ ସ୍ଥାନରେ ପୋଲସରା ତହସିଲଦାର ଭାବେ ଯୋଗ ଦେଇଥିବା ଦୀପ୍ତିମୟୀ ପାତ୍ର ଅସୁବିଧା ର ସମୁଖୀନ ହେଉଛନ୍ତି ବୋଲି ଦୈନିକ ଆଶା ଖବରକାଗଜରେ ପ୍ରକାଶ ପାଇଥିଲା। ଏହି ଖବର ପ୍ରକାଶ ପାଇବା ପରେ ପୂର୍ବତନ ତହସିଲଦାର ରୁବୀ ବେହେରା ଦୈନିକ ଆଶା ର ପୋଲସରା ପ୍ରତିନିଧି ରୋହିତ ପ୍ରଧାନ ଙ୍କୁ ଫୋନ କରି ଅଶାଳୀନ ଭାଷାରେ ଧମକ ଚମକ ଦେଇଛନ୍ତି। ସୂଚନାଯୋଗ୍ୟ ଯେ ରୁବୀ ବେହେରା ଙ୍କର ଏଠାରୁ ବଦଳି ହୋଇ ଯାଇଥିଲେ ବି କେତେକ ଅଜଣା କାରଣରୁ ନିଜର ବଦଳି କୁ ବାତିଲ କରି ପୁନର୍ବାର ପୋଲସରା ତହସିଲଦାର ଭାବେ ଯୋଗ ଦେବାକୁ ଚାହୁଁଛନ୍ତି। ଏହି କାରଣରୁ ବଦଳି ପରେ ମଧ୍ୟ ସରକାରୀ କ୍ୱାର୍ଟର ଛାଡ଼ୁ ନାହାଁନ୍ତି। ଏଣୁ ଖବର ପ୍ରକାଶ ପରେ ସେ ଉତକ୍ଷିପ୍ତ ହୋଇ ରୋହିତ ପ୍ରଧାନ ଙ୍କୁ ଅଶାଳୀନ ବ୍ୟବହାର କରିଥିବା ରୋହିତ କହିଛନ୍ତି। ଏଥି ସହିତ ଗଞ୍ଜାମ ଜିଲ୍ଲାପାଳ ଏବଂ ମତ୍ସ୍ୟ ଓ ପଶୁ ସଂପଦ ଓ ଅଣୁ ଓ କ୍ଷିଦ୍ର ,ମଧ୍ୟମ ଉଦ୍ୟୋଗ ମନ୍ତ୍ରୀ ଗୋକୁଳାନନ୍ଦ ମଳିକ ଏଥି ପ୍ରତି ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ନେବାକୁ ନିବେଦନ କରିଛନ୍ତି।