Odisha Janamata : ପ୍ରଭୁ ଆୟପ୍ପା ଠାକୁର ଙ୍କୁ ଦର୍ଶନ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ |

ପ୍ରଭୁ ଆୟପ୍ପା ଠାକୁର ଙ୍କୁ ଦର୍ଶନ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ |

27-Oct-2025

ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଙ୍କ ପ୍ରଭୁ ଆୟପ୍ପାଙ୍କୁ ଦର୍ଶନ |

ଓଡିଶା ଜନ ମତ ବ୍ୟୁରୋ,

ଯେକୌଣସି ବ୍ୟକ୍ତି ବିଶେଷ ହୁଅନ୍ତୁନା କାହିଁକି ସେମାନେ ନିଜ ଧର୍ମ ର ଇପ୍ସିତ ଠାକୁର କିମ୍ବା ଠାକୁରାଣୀ ଙ୍କ ଦର୍ଶନ ପାଈଁ ସମସ୍ତେ ତତ୍ପର ରହିଥାନ୍ତି | ସେଥିରୁ ବାଦ ପଡ଼ିନାହାନ୍ତି ଭାରତର ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ | ନିଜର ତଥା ଜଗତର ମଙ୍ଗଳ ନିମନ୍ତେ ସେମଧ୍ୟ କେରଳରାଜ୍ୟରେ ଥିବା ସାବରୀମାଳା ମନ୍ଦିର ଯାଇ ପ୍ରଭୁ ଆୟାପ୍ପା ସ୍ବାମୀଙ୍କ ବ୍ରତ ପୂରଣ କରି ଛନ୍ତି | ସେ କଳା ଶାଢ଼ୀ ପିନ୍ଧି, ମୁଣ୍ଡରେ ଧଳା ପୁଟୁଳି ଧରି ପ୍ରଭୁ ଆୟପ୍ପା ଙ୍କ ଦର୍ଶନ କରି ମନସ୍କାମନା ପୂର୍ଣ୍ଣ କରିଛନ୍ତି | ଏହି ଐତିହାସିକ ଘଟଣା ଦେଶବ୍ୟାପୀ ଆଲୋଚନା ସୃଷ୍ଟି କରିଥିଲା କାରଣ ପ୍ରଥମ ଥର ପାଇଁ ଜଣେ ମହିଳା ରାଷ୍ଟ୍ରପତି ଏହି ମନ୍ଦିରରେ ପ୍ରବେଶ କରି ପୂଜା କରିଥିଲେ । ଏହା କେବଳ ଏକ ଧାର୍ମିକ ତୀର୍ଥଯାତ୍ରା ନଥିଲା ବରଂ ଏକ ମୁହୂର୍ତ୍ତ ଥିଲା ଯାହା ବିଶ୍ବାସ, ପରମ୍ପରା ଏବଂ ସାମାଜିକ ପରିବର୍ତ୍ତନ ମଧ୍ୟରେ ଏକ ନୂତନ ଅଧ୍ୟାୟ ରଚିଥିଲା । ସାବରୀମାଳା ମନ୍ଦିରରେ ପ୍ରଭୁ ଆୟାପ୍ପାଙ୍କ ପୂଜା ପାଇଁ ନିର୍ଦ୍ଦିଷ୍ଟ ନିୟମ ରହିଛି ଯେଉଁଥୁରୁ ଗୋଟିଏ ହେଉଛି ୧୦ ରୁ ୫୦ ବର୍ଷ ବୟସର ମହିଳାମାନଙ୍କୁ ମନ୍ଦିରରେ ପ୍ରବେଶ କରିବାକୁ ଅନୁମତି ନାହିଁ । ଏହି ପରମ୍ପରା ବହୁ ଦିନ ଧରି ବିବାଦର ଉତ୍ସ ହୋଇ ରହିଥିଲା । ଯଦିଓ ସୁପ୍ରିମ କୋର୍ଟ ୨୦୧୮ରେ ଏହି ପ୍ରଥାକୁ ଅସାମ୍ବିଧାନିକ ଘୋଷଣା କରିଥିଲେ । ଯାହା ଫଳରେ ରାଷ୍ଟ୍ରପତିଙ୍କ ଗସ୍ତକୁ କେବଳ ଏକ ଧାର୍ମିକ କାର୍ଯ୍ୟ ନୁହେଁ ବରଂ ସାମାଜିକ ସ୍ତରରେ ଏକ ସାହସିକ ପଦକ୍ଷେପ ବୋଲି କୁହାଯାଉଛି।