Odisha Janamata : ଆସନ୍ତା ମାସରେ ଏଲପିଜି ଗ୍ୟାସ ଦର କମିବା ନେଇ ଗଣ ମାଧ୍ୟମରେ ସୂଚନା ||

ଆସନ୍ତା ମାସରେ ଏଲପିଜି ଗ୍ୟାସ ଦର କମିବା ନେଇ ଗଣ ମାଧ୍ୟମରେ ସୂଚନା ||

29-Nov-2025

ଡିସେମ୍ବର ଏକ ରୁ ଏଲ୍‌ପିଜି ଗ୍ୟାସ୍ ମୂଲ୍ୟ କମିବା ନେଇ ସୂଚନା ମିଳୁଛି |

ଓଡିଶା ଜନ ମତ ବ୍ୟୁରୋ

ଏଲପିଜି ଗ୍ୟାସ ବୃଦ୍ଧି ଯୋଗୁଁ ଖାଉଟିଙ୍କ ମନୋବଳ ଦୁର୍ବଳ ହୋଇଯାଏ | ବିଶେଷ କରି ଗରିବ ଲୋକଙ୍କ ମନରେ ଏକ ଶକ୍ତ ଧକ୍କା ଲାଗିଯାଏ, ଯେତେବେଳେ ଗ୍ୟାସ ଦର ବୃଦ୍ଧି ଶୁଣି | ତେବେ ସେମାନଙ୍କ ପାଇଁ ଖୁସି ଖବର ଏଲପିଜି ଗ୍ୟାସ ଦର ଆସନ୍ତା ମାସରେ କିଛି କମିବ ବୋଲି କେନ୍ଦ୍ର ବିଭାଗରୁ ସୂଚନା ମିଳିଛି | ପତି ମାସର ପ୍ରଥମ
ତାରିଖକୁ ନେଇ ଦେଶବାସୀ ସାମାନ୍ୟ ଭୟଭୀତ ହୋଇପଡିଥାନ୍ତି । କାରଣ ଏଲ୍‌ପିଜି ସିଲିଣ୍ଡର ମୂଲ୍ୟ ସମ୍ପର୍କୀତ ଯାହାକିଛି ବି ବଡ଼ ଘଟଣା ଘଟେ ସେସବୁ ପ୍ରତ୍ୟେକ ମାସର ପହିଲା ତାରିଖରେ ଦେଖୁବାକୁ ମିଳିଥାଏ ଏଲ୍‌ପିଜି ଗ୍ୟାସ୍ ଦାମ୍ ବୃଦ୍ଧି କ୍ଷେତ୍ରରେ ଏହା ଖାଉଟିମାନଙ୍କ ପକେଟ୍ ଉପରେ ଗୁରୁତର ଭାବେ ପ୍ରଭାବ ପକାଇଥାଏ। କିନ୍ତୁ ଏଥର ଆସନ୍ତା ମାସ ଅର୍ଥାତ୍ ଡିସେମ୍ବର ପ୍ରହିଲାରେ ଘରୋଇ ଏଲ୍‌ପିଜି ସିଲିଣ୍ଡର ମୂଲ୍ୟ ୨୦ ଟଙ୍କା ପର୍ଯ୍ୟନ୍ତ ହ୍ରାସ ପାଇପାରେ ବୋଲି ଆଶା କରାଯାଉଛି। ଏହି ପରିମାଣର ହ୍ରାସ ନିଶ୍ଚିତ ଭାବରେ ଗ୍ରାହକମାନଙ୍କୁ ମୁଦ୍ରାସ୍ପିତିରୁ କିଛି ଆଶ୍ବସ୍ତି ପ୍ରଦାନ କରିବ । ମୂଲ୍ୟ ହ୍ରାସ ସମ୍ପର୍କରେ ଏପର୍ଯ୍ୟନ୍ତ ଯଦିଓ ସରକାରୀ ସ୍ତରରେ କୌଣସି ସ୍ପଷ୍ଟ ସୂଚନା ଦିଆଯାଇନାହିଁ କିନ୍ତୁ ଦେଶର ଅନେକ ଗଣମାଧମ ସଂସ୍ଥା ସେମାନଙ୍କ ରିପୋର୍ଟରେ ଏପରି ଦାବି କରୁଥିବାର ଦେଖ‌ିବାକୁ ମିଳୁଛି । ଯଦି ଏହା ସତ ହୁଏ ତେବେ ଗରିବ ପରିବାର ବିଶେଷ କରି ଖୁସିବ୍ୟକ୍ତ କରିବେ |