Odisha Janamata : ପୁରୀରରେ ହେବ ବିଶ୍ୱ ସ୍ତରୀୟ ବସ ଟର ମିନାଲ, ସ୍ଥାନ ଖୋଜା ଚାଲିଛି ||

ପୁରୀରରେ ହେବ ବିଶ୍ୱ ସ୍ତରୀୟ ବସ ଟର ମିନାଲ, ସ୍ଥାନ ଖୋଜା ଚାଲିଛି ||

01-Sep-2026

ସ୍ଥାନାନ୍ତର ହେବ ପୁରୀ ପୌର ବସଷ୍ଟାଣ୍ଡ ! ୧୦-୧୨ ଏକର ଜମିରେ ହେବ ବିଶ୍ୱସ୍ତରୀୟ ବସ୍ ଟର୍ମିନାଲ |

ଓଡିଶା ଜନ ମତ ବ୍ୟୁରୋ,

ପୁରୀର ପୁରୁଣା ବସଷ୍ଟାଣ୍ଡ ଆଉ ସମ୍ଭାଳିପାରୁନି ବଢୁଥିବା ଭିଡ଼। ବସ୍‌ ସଂଖ୍ୟା ବଢିଛି, ପର୍ଯ୍ୟଟକଙ୍କ ସଂଖ୍ୟା ମଧ୍ୟ ବଢିଛି । ହେଲେ ଦୀର୍ଘ ବର୍ଷ ତଳେ ଯେଉଁ କ୍ଷେତ୍ରଫଳରେ ବସଷ୍ଟାଣ୍ଡ ନିର୍ମାଣ ହୋଇଥିଲା, ସେହି ସ୍ଥାନ ଏବେ ଆଉ ଯଥେଷ୍ଟ ହେଉନାହିଁ।
ପୁରୀରେ ବଦଳିବ ବସଷ୍ଟାଣ୍ଡର ଠିକଣା । ବଢୁଥିବା ବସ୍ ଓ ପର୍ଯ୍ୟଟକଙ୍କ ଭିଡ଼ ସମ୍ଭାଳି ନପାରିବାରୁ ନୂଆ ଜାଗା ଖୋଜୁଛି ପ୍ରଶାସନ । ବରମୁଣ୍ଡା ଓ ନେତାଜୀ ବସ୍ ଟର୍ମିନାଲ ଭଳି ପୁରୀରେ ମଧ୍ୟ ନିର୍ମାଣ ହେବ ଅତ୍ୟାଧୁନିକ ବିଶ୍ୱସ୍ତରୀୟ ବସ୍ ଟର୍ମିନାଲ । ଏଥିପାଇଁ ଚାଲିଛି ଜମି ଖୋଜା । ଆଗାମୀ ଶହେ ବର୍ଷର ଆବଶ୍ୟକତାକୁ ଦୃଷ୍ଟିରେ ରଖି ଟର୍ମିନାଲ ତିଆରି ହେବ |
ତେଣୁ ଏବେ ନୂଆ ବସଷ୍ଟାଣ୍ଡ ପାଇଁ ଚାଲିଛି ଜାଗା ଖୋଜା । ୧୯୮୭ ମସିହାରେ ଶ୍ରୀଗୁଣ୍ଡିଚା ମନ୍ଦିର ନିକଟରେ ମାତ୍ର ୩ ଏକର ଜମିରେ ନିର୍ମାଣ ହୋଇଥିଲା ପୁରୀ ପୌର ବସଷ୍ଟାଣ୍ଡ। ସେତେବେଳେ ମାତ୍ର ୫୦ଟି ବସ୍ ଚଳାଚଳ କରୁଥିଲା। ହେଲେ ଏବେ ବସ୍ ସଂଖ୍ୟା ପ୍ରାୟ ୧୦ ଗୁଣ ବଢିଥିବା ବେଳେ ପର୍ଯ୍ୟଟକଙ୍କ ସଂଖ୍ୟା ମଧ୍ୟ ବହୁଗୁଣିତ ହୋଇଛି ।
ସ୍ଥାନାଭାବରୁ ବସ୍ ପାର୍କିଂ ନେଇ ସମସ୍ୟା ହେଉଛି । ଅନେକ ସମୟରେ ଟ୍ରାଫିକ ସମସ୍ୟା ମଧ୍ୟ ଗୁରୁତର ହେଉଛି। ଏହାର ପ୍ରଭାବ ପଡୁଛି ଯାତ୍ରୀ ସେବା ଉପରେ । ଏଥିପାଇଁ ପ୍ରଶାସନିକ ସ୍ତରରେ ଚାଲିଛି ଘନଘନ ବୈଠକ। ଆଞ୍ଚଳିକ ପରିବହନ ଅଧିକାରୀ ଓ ଘରୋଇ ବସ୍ ମାଲିକ ସଂଘ ମିଳିତ ଭାବେ ସମ୍ଭାବ୍ୟ ସ୍ଥାନ ମଧ୍ୟ ପରିଦର୍ଶନ କରିଛନ୍ତି । ନୂଆ ବସ୍ ଟର୍ମିନାଲ ପାଇଁ ୧୦ରୁ ୧୨ ଏକର ଜମି ଆବଶ୍ୟକ ଥିବାବେଳେ ଏଠାରେ ଏକକାଳୀନ ପ୍ରାୟ ୩୦୦ ବସ୍ ପାର୍କିଂ କରିବାର ବ୍ୟବସ୍ଥା ରହିବ । ବିବାଦମୁକ୍ତ, ଜବରଦଖଲମୁକ୍ତ ଓ ଯୋଗାଯୋଗ ଦୃଷ୍ଟିରୁ ସୁବିଧାଜନକ ଜମିକୁ ପ୍ରାଥମିକତା ଦିଆଯାଉଛି ।
ଏପଟେ କୁମ୍ଭାରପଡ଼ା ଥାନା ପଛପଟେ ମୂଷାନଦୀ ନିକଟ ସମଙ୍ଗ ମୌଜାରେ ଥିବା ୩୩ ଏକର ଜମିକୁ ନେଇ ମଧ୍ୟ ଚର୍ଚ୍ଚା ହେଉଛି । ଅବଢ଼ା ଯୋଜନାରେ ଓଡ଼ିଶା ସେତୁ ନିର୍ମାଣ ନିଗମ ପକ୍ଷରୁ ଏହି ଜମିକୁ ସମତଳ କରାଯାଇଥିବା କୁହାଯାଉଛି । ପୁରୀ-ଭୁବନେଶ୍ୱର ୭୦ ଫୁଟ୍‌ ରାସ୍ତା ସହ ଏହି ଅଞ୍ଚଳକୁ ମଙ୍ଗଳାଘାଟ ଦେଇ ବାଇପାସ୍‌ ସହ ଯୋଡ଼ିଲେ ଟ୍ରାଫିକ ସମସ୍ୟା ଅନେକାଂଶରେ କମିପାରିବ ବୋଲି ବସ୍ ମାଲିକ ସଂଘ କହିଛି ।
ରଥଯାତ୍ରା ସମୟରେ ତାଳବଣିଆରେ ବସ୍ ପାର୍କିଂ ପାଇଁ ହେଉଥିବା ବିପୁଳ ଖର୍ଚ୍ଚ ମଧ୍ୟ କମିପାରିବ ବୋଲି ମତ ପ୍ରକାଶ ପାଇଛି । ତେବେ ଏଯାଏଁ କୌଣସି ଜମି ଚୂଡ଼ାନ୍ତ ହୋଇନଥିବା ବେଳେ ଜାଗା ଚିହ୍ନଟ ପ୍ରକ୍ରିୟା ଜାରି ରହିଛି ବୋଲି କହିଛନ୍ତି ପୁରୀ ଜିଲ୍ଲାପାଳ । ନୂଆ ବସ୍ ଟର୍ମିନାଲ ନିର୍ମାଣ ହେଲେ ପୁରୁଣା ବସଷ୍ଟାଣ୍ଡକୁ ଟୁରିଷ୍ଟ ଓ ଟାଉନ୍ ବସ୍‌ଷ୍ଟାଣ୍ଡ ଭାବେ ବ୍ୟବହାର କରାଯିବ । ତେବେ ଆଗାମୀ ଶହେ ବର୍ଷର ଆବଶ୍ୟକତା ପୂରଣ କରିବା ଭଳି ବିଶ୍ୱସ୍ତରୀୟ ବସ୍ ଟର୍ମିନାଲ କେବେ ନିର୍ମାଣ ହେବ, ଏବେ ତାହାକୁ ହିଁ ଅପେକ୍ଷା