Odisha Janamata : ସିଙ୍ଗାରି ଅଞ୍ଚଳର 300ରୂ ଉର୍ଦ୍ଧ କର୍ମୀ ଓସମର୍ଥକ ବିଜେପିରେ ମିଶିଲେ ||

ସିଙ୍ଗାରି ଅଞ୍ଚଳର 300ରୂ ଉର୍ଦ୍ଧ କର୍ମୀ ଓସମର୍ଥକ ବିଜେପିରେ ମିଶିଲେ ||

23-Oct-2026

ବିଜେପିରେ ମିଶିଲେ ସିଙ୍ଗାରି ଅଞ୍ଚଳର ୩୦୦ରୁ ଊର୍ଦ୍ଧ୍ୱ କର୍ମୀ ଓ ସମର୍ଥକ

ପୂର୍ବରୁ ବିଜେଡିରେ ଥିବା କର୍ମୀଙ୍କ ଯୋଗଦାନକୁ ନେଇ ବିଜେପିର ମିଶ୍ରଣ ପର୍ବ
ଓଡିଶା ଜନମତ ରାୟଗଡା,୨୩/୧୦,

କାମେଶ୍ୱର କରକରିଆ:----

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକର ସିଙ୍ଗାରି ପଞ୍ଚାୟତ ସଦରଠାରେ ଭାରତୀୟ ଜନତା ପାର୍ଟି (ବିଜେପି) ପକ୍ଷରୁ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଛି। ଏହି ଅବସରରେ ସିଙ୍ଗାରି ଓ ଏହାର ଆଖପାଖ ଗ୍ରାମର ୩୦୦ରୁ ଊର୍ଦ୍ଧ୍ୱ ମହିଳା ଓ ପୁରୁଷ କର୍ମୀ ତଥା ସମର୍ଥକ ବିଜେପିରେ ସାମିଲ ହୋଇଥିବା ଦଳୀୟ ସୂତ୍ରରୁ ଜଣାପଡ଼ିଛି। ଏହି ଯୋଗଦାନକୁ ନେଇ ସ୍ଥାନୀୟ ଅଞ୍ଚଳରେ ରାଜନୈତିକ ଚର୍ଚ୍ଚା ଆରମ୍ଭ ହୋଇଛି କଲ୍ୟାଣସିଂହପୁର ‘କ’ ଜୋନ୍‌ର ସଭାପତି ଅଜିତ ପାଣିଗ୍ରାହୀଙ୍କ ନେତୃତ୍ୱରେ ଆୟୋଜିତ ଏହି ସଭାରେ ବିଜେପି ରାୟଗଡ଼ା ଜିଲ୍ଲା ସଭାପତି ଗୋପୀ ଆନନ୍ଦ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଅନ୍ୟ ଅତିଥିଙ୍କ ମଧ୍ୟରେ ରାଜ୍ୟ ଯୁବମୋର୍ଚ୍ଚା ଉପସଭାପତି ଉମେଶ ଖସଲା, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅଶ୍ୱିନୀ ଚଞ୍ଚଡ଼ା, ଜିଲ୍ଲା ସମ୍ପାଦକ ତରୁଣ ଗରଡ଼ିଆ, ଆଦିବାସୀ ଉନ୍ନୟନ ସଂସ୍ଥାର ଉପାଧ୍ୟକ୍ଷା ମଞ୍ଜୁଳା ମିଣିଆକା ଏବଂ ଜିଲ୍ଲା ସଭାନେତ୍ରୀ ରଜିତା କୋରଡ଼ା ପ୍ରମୁଖ ମଞ୍ଚାସୀନ ଥିଲେ। ଶତ୍ରୁଘ୍ନ ବାଗଙ୍କ ନେତୃତ୍ୱରେ ସିଙ୍ଗାରି, ବାରିଭଟ୍ଟା ଓ ସାନବ୍ରାହ୍ମଣଗୁଡ଼ା ଗ୍ରାମର ବହୁ ମହିଳା ଓ ପୁରୁଷ ଏହି ମିଶ୍ରଣ ପର୍ବରେ ଯୋଗଦେଇଥିଲେ। ସେମାନେ ପୂର୍ବରୁ ବିଜୁ ଜନତା ଦଳ (ବିଜେଡି) କଂଗ୍ରେସ ରେ ରହିଥିବା ବେଳେ ବିଜେପିର କାର୍ଯ୍ୟକଳାପରେ ସନ୍ତୁଷ୍ଟ ହୋଇ ଦଳରେ ସାମିଲ ହୋଇଥିବା ଯୋଗଦାନକାରୀମାନେ କହିଥିବା ଜଣାପଡ଼ିଛି। ନୂତନ ସଦସ୍ୟଙ୍କ ଯୋଗଦାନ ଦ୍ୱାରା ଅଞ୍ଚଳରେ ଦଳୀୟ ସଂଗଠନ ଆହୁରି ମଜଭୁତ ହେବ ବୋଲି ଦଳୀୟ ନେତାମାନେ ଆଶା ପ୍ରକାଶ କରିଛନ୍ତି। ଏହି କାର୍ଯ୍ୟକ୍ରମରେ ବିଜେପି ଜିଲ୍ଲା ଆଦିବାସୀ ମୋର୍ଚ୍ଚାର ଉପସଭାପତି ରାମରାଓ କାଡ୍ରାକା, ପ୍ରଭାରୀ ବସନ୍ତ କୁମାର ଖାଡ଼ଙ୍ଗା, ଚନ୍ଦନ ଗଡ଼ବିଶି, ବଳରାମ ନାୟକ, କୃଷ୍ଣଚନ୍ଦ୍ର ସାମଲଙ୍କ ସମେତ ବହୁ ଦଳୀୟ ନେତା ଓ କର୍ମୀ ଉପସ୍ଥିତ ଥିଲେ। ସ୍ଥାନୀୟ ସ୍ତରରେ ଦଳୀୟ ସଂଗଠନକୁ ସୁଦୃଢ଼ କରିବା ଏବଂ ଅଧିକ ଲୋକଙ୍କୁ ଦଳ ସହ ଯୋଡ଼ିବା ଉପରେ ଏହି ମିଶ୍ରଣ ପର୍ବରେ ଗୁରୁତ୍ୱ ଦିଆଯାଇଥିଲା।