Odisha Janamata : ଛାତ୍ର ସଂସଦ ନିର୍ବାଚନ ରେ କୋଦଳା କଲେଜରେ ବିଜେଡି ଛାତ୍ର ଙ୍କ ବାଜିମାତ |

ଛାତ୍ର ସଂସଦ ନିର୍ବାଚନ ରେ କୋଦଳା କଲେଜରେ ବିଜେଡି ଛାତ୍ର ଙ୍କ ବାଜିମାତ |

16-Oct-2026

ଲଷ୍ମୀନାରାୟଣ ଡିଗ୍ରୀ କଲେଜରେ ବିଜୁ ଛାତ୍ର ଜନତା ଦଳର ବାଜିମାତ l
ପୋଛିନେଲା ସମସ୍ତ 8 ଟି ପଦବୀ l
ସନ୍ତୋଷ ସଭାପତି,ନନ୍ଦନ ସମ୍ପାଦକ l

ଓଡିଶା ଜନମତ, ବେଗୁନିଆପଡା :15/10/26 :

ଭଞ୍ଜ କିଶୋର ମହାରଣା l

ଦୀର୍ଘ ଆଠ ବର୍ଷର ବ୍ୟବଧାନ ପରେ କଲେଜ ଓ ବିଶ୍ୱବିଦ୍ୟାଳୟ ଗୁଡିକରେ ଆଜି ଛାତ୍ର ସଂସଦ ନିର୍ବାଚନ ହେବାସହ ଫଳାଫଳ ଘୋଷଣା ହୋଇଛି l ଏହି କ୍ରମରେ ଗଞ୍ଜାମ ଜିଲ୍ଲା କୋଦଳା ଏନଏସି ସ୍ଥିତ ଲଷ୍ମୀନାରାୟଣ କଲେଜରେ ସମସ୍ତ ପଦବୀ ଦ୍ବିମୁଖୀ ପ୍ରତିଦ୍ବନ୍ଦିତା ହୋଇଥିବାବେଳେ ବିଜୁ ଛାତ୍ର ଜନତା ପାର୍ଥୀ ମାନେ ବିଜୟୀ ହୋଇଛନ୍ତି l +2 ଦ୍ଵିତୀୟ ବର୍ଷ ଛାତ୍ର ସନ୍ତୋଷ କୁମାର ଗୌଡ଼ ତାଙ୍କର ପ୍ରତିଦ୍ବନ୍ଦୀ ରିତେଶ ପଳତାଙ୍କୁ ପରାସ୍ତ ସଭାପତି ପଦ ହାତେଇଛନ୍ତି l ସେହିପରି ନନ୍ଦନ ଭୂୟାଁ ତାଙ୍କ ପ୍ରତିଦ୍ବନ୍ଦୀ ଆଦର୍ଶ କୁମାର ମହାନ୍ତିଙ୍କୁ ହରାଇ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି l ଅନ୍ୟ ମାନଙ୍କ ମଧ୍ୟରେ ଆଲୋକ କୁମାର ପଲେଇ ଉପସଭାପତି,ଲଷ୍ମୀ ନାହାକ ସହ ସମ୍ପାଦକ, ଓ଼ମ ପ୍ରସାଦ ସାହୁ କ୍ରୀଡା ସମ୍ପାଦକ,ସ୍ମୃତି ପ୍ରଧାନ ସହ କ୍ରୀଡା ସମ୍ପାଦକ,ଶୁଭଶ୍ରୀ ବେହେରା ନାଟ୍ୟ ସମ୍ପାଦକ ଏବଂ ପ୍ରଜ୍ଞା ପ୍ରିୟଦର୍ଶିନୀ ପାଢ଼ୀ ସହ ନାଟ୍ୟ ସମ୍ପାଦକ ଭାବେ ବିଜୟୀ ହୋଇଛନ୍ତି l ଭୋଟଦାନ ସକାଳ 8 ଟାରୁ ଆରମ୍ଭ ହୋଇ ଶାନ୍ତି ଶୃଙ୍ଖଳା ସହ ଅପରାହ୍ନ 2 ଟାରେ ଶେଷ ହୋଇଥିଲା l ନୋଡାଲ ଅଫିସର ତଥା ଅତିରିକ୍ତ ତହସିଲଦାର ରବି ନାରାୟଣ ସେଠିଙ୍କ ତତ୍ୱାବଧାନରେ ରିଟର୍ଣିଂ ଅଫିସର ରଘୁନାଥ ମୁଦୁଲି,ଆସିଷ୍ଟାଣ୍ଟ ରିଟର୍ଣିଂ ଅଫିସର ସାଗର ଚନ୍ଦ୍ର ପାତ୍ର ଏନ ପ୍ରିଜାଇଡିଙ୍ଗ ଅଫିସର ରଞ୍ଜୁବାଳା ନନ୍ଦ ନିର୍ବାଚନ ପରିଚାଳନା କରିଥିଲେ l