Odisha Janamata : ମିଳିତ ଉଦ୍ୟଗୋ ରେ ଖଲ୍ଲିକୋଟ ରେଡକ୍ଟର ଅବଦୁଲ କଲାମ ଙ୍କ 95ତମ ଜୟନ୍ତୀ ପାଳିତ |

ମିଳିତ ଉଦ୍ୟଗୋ ରେ ଖଲ୍ଲିକୋଟ ରେଡକ୍ଟର ଅବଦୁଲ କଲାମ ଙ୍କ 95ତମ ଜୟନ୍ତୀ ପାଳିତ |

15-Oct-2026

ଅବଦୁଲ କଲାମ ଟ୍ରଷ୍ଟ ଓ ସତ୍ଯସାଇ ଟିଉଟୋରିଆଲ ପକ୍ଷରୁ ଡକ୍ଟର କଲାମଙ୍କ ୯୫ ତମ ଜୟନ୍ତୀ ପାଳିତ|

ଜନ ମତ ଓଡିଶା ଖଲ୍ଲିକୋଟ 15/10, ମାଧବ ବେହେରା :---

ଖଲ୍ଲିକୋଟ ସ୍ଥିତ ଅଗ୍ରଣୀ ଅନୁଷ୍ଠାନ ଡକ୍ଟର ଏ ପି ଜେ ଅବଦୁଲ ଜନକଲ୍ୟାଣ ଚାରିଟେବୁଲ ଟ୍ରଷ୍ଟ ତଥା ସତ୍ଯସାଇ ଟିଉଟୋରିଆଲ ସମ୍ମିଳିତ ଉଦ୍ଯମରେ ଭାରତ ରତ୍ନ, ଭାରତର ପ୍ରାକ୍ତନ ରାଷ୍ଟ୍ରପତି ଡକ୍ଟର ଏ ପି ଜେ ଅବଦୁଲ କଲାମଙ୍କ ୯୫ ତମ ଜୟନ୍ତୀ ଉତ୍ସବ ଉତ୍ସାହ ସହକାରେ ପାଳନ କରାଯାଇଛି । ସର୍ବ ପ୍ରଥମେ ଡକ୍ଟର କଲାମଙ୍କ ଫୋଟ ଚିତ୍ରରେ ମାଲ୍ଯାର୍ପଣ ପରେ ପ୍ରଦୀପ ପ୍ରଜ୍ବଳନ କାର୍ଯକ୍ରମ ସମ୍ପନ୍ନ ହୋଇଥିଲା । ଏହି ଅବସରରେ ଅନୁଷ୍ଠିତ ଉତ୍ସବରେ ଟିଉଟୋରିଆଲର ଛାତ୍ରୀମାନେ ପ୍ରାରମ୍ଭିକ ସଙ୍ଗୀତ ପରିବେଷଣ କରିଥିଲେ । ଆୟୋଜିତ ଉତ୍ସବରେ ଡାକ୍ତର ହରପ୍ରସାଦ ମହାପାତ୍ର ସଭାପତି, ଅତିରିକ୍ତ ତହସିଲଦାର ମାନସ ବେହେରା ମୁଖ୍ୟ ଅତିଥି, ଶିକ୍ଷାବିତ୍ ପୂର୍ଣ୍ଣଚନ୍ଦ୍ର ରଥ ମୁଖ୍ୟ ବକ୍ତା, ଅବଦୁଲ କଲାମ ଟ୍ରଷ୍ଟର ସଭାପତି ତଥା ପ୍ରାକ୍ତନ ପ୍ରଧାନ ଶିକ୍ଷକ ପୂର୍ଣଚନ୍ଦ୍ର ବେହେରା, ଟିଉଟୋରିଆଲର ପ୍ରତିଷ୍ଠାତା ପ୍ରଶାନ୍ତ କୁମାର ବେହେରା, ପ୍ରାକ୍ତନ ଚିତ୍ରକଳା ଅଧ୍ଯାପକ ତଥା ଟ୍ରଷ୍ଟର ସମ୍ପାଦକ ପଞ୍ଚାନନ ସୁର, କବି ପ୍ରହଲ୍ଲାଦ ବେହେରା, ପ୍ରାକ୍ତନ ଚିତ୍ରକଳା ପ୍ରଶିକ୍ଷକ ବିପିନ ଚନ୍ଦ୍ର ସେଠୀ, ସ୍ଵାସ୍ଥ୍ଯକର୍ମୀ ଲକ୍ଷ୍ମୀ ଦାସ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଡକ୍ଟର କଲାମଙ୍କ ଆତ୍ମ ଜୀବନୀ, ମହାକାଶ ବିଜ୍ଞାନ ଉପରେ ଅବଦାନ , ବୈଜ୍ଞାନିକ ଭାବେ ଦେଶ ପ୍ରତି ତାହାଙ୍କ ଉତ୍ସର୍ଗୀକୃତ ସେବା, ନୀତି ଉକ୍ତି, ଅସାଧାରଣ ପ୍ରତିଭା ଆଦି ବହୁବିଧ ଦିଗ ସମ୍ପର୍କରେ ଆଲୋଚନା କରିଥିଲେ ।
ଅନୁଷ୍ଠାନ ତରଫରୁ ସମସ୍ତ ଅତିଥିଙ୍କୁ ଉତ୍ତରୀୟ ସହିତ ସମ୍ବର୍ଦ୍ଧିତ କରାଯାଇଥିଲା।
ଅନୁଷ୍ଠାନ ପକ୍ଷରୁ ହୋଇଥିବା ବକ୍ତୃତା ପ୍ରତିଯୋଗିତାରେ କୃତିତ୍ବ ଅର୍ଜନ କରିଥିବା କୃତି ଛାତ୍ରୀଙ୍କୁ ମାନପତ୍ର ସହିତ ସମ୍ବର୍ଦ୍ଧିତ କରାଯାଇଥିଲା । ଅନୁଷ୍ଠାନର ଛାତ୍ରୀମାନେ କଲାମଙ୍କ ସମ୍ପର୍କରେ ସୁନ୍ଦର ବକ୍ତବ୍ୟ ପ୍ରଦାନ କରିଥିଲେ । ଅନୁଷ୍ଠାନର ଏପରି ସାଧୁ ଉଦ୍ୟମକୁ ଅତିଥିମାନେ ଉଚ୍ଚ ପ୍ରଶଂସା କରିଥିଲେ । ଯୁବ ସାହିତ୍ୟିକ ଡକ୍ଟର ଦ୍ବାରିକାନାଥ ମହାରଣା କାର୍ଯକ୍ରମର ସଂଯୋଜନା କରିଥିଲା ବେଳେ ଛାତ୍ରୀ ସୋନାଲି ବେହେରା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।( ଫୋଟୋ )