Odisha Janamata : ହଳଦିଆ ପଦର ଓଭର ବ୍ରିଜ ରେ ପିଛା ଛାଡ଼ୁନି ଦୁର୍ଘଟଣା |

ହଳଦିଆ ପଦର ଓଭର ବ୍ରିଜ ରେ ପିଛା ଛାଡ଼ୁନି ଦୁର୍ଘଟଣା |

26-Oct-2026

ହଳଦିଆପଦର ବସଷ୍ଟାଣ୍ଡ ଓଭର ବ୍ରିଜ ଉପରେ ପ୍ରାତ ସମୟରେ ପୁଣି ଏକ ଘଟିଛି ଦୁର୍ଘଟଣା ।

ଓଡିଶା ଜନ ମତ ବ୍ୟୁରୋ,

ହଳଦିଆ ପଦର ବସଷ୍ଟାଣ୍ଡ ଓଭର ବ୍ରିଜ ଦୁର୍ଘଟଣାର ହବ ପାଲଟିଛି | ପିଛା ଛାଡ଼ୁନି ଦୁର୍ଘଟଣା |ଆଜି ପୁଣି ଭୋର ସକାଳେ ଘଟିଛି ଏକ ମର୍ମଦନ୍ତୁ ସଡ଼କ ଦୁର୍ଘଟଣା | ସୂଚନାରୁ ଜଣା ପଡିଛି ହଳଦିଆ ପଦର ଓଭର ବ୍ରିଜ ନିକଟରେ ମୋଟର ସାଇକେଲକୁ ଦ୍ରୁତ ଗତିରେ ଆସୁଥ‌ିବା ଏକ କାର ଧକ୍କା ଦେବା ଫଳରେ ମୋଟର ସାଇକେଲରେ ଯାଉଥିବା ଦୁଇ ଆରୋହୀ ଗୁରୁତର । ଘଟଣା ସ୍ଥଳରେ ଜଣେ ମୃତ୍ୟ ବରଣ କରିଥିବା ବେଳେ ଅନ୍ୟ ଜଣେ ଗୁରୁତର ଥୂବା ସୂଚନା । ଗୁରୁତରଙ୍କୁ ଏମ୍ କେ ସି ଜି ମେଡିକାଲକୁ ସ୍ଥାନାନ୍ତର କରାଯାଇଛି। ଦୁର୍ଘଟଣା ପରେ ମୋଟର ସାଇକେଲ ଚାଳକ ବ୍ରିଜ ତଳକୁ ଛିଟିକି ପଡ଼ିଥିଲେ। ଉଭୟେ ରାମପଲି ଗ୍ରାମର ବୋଲି ଜଣାପଡ଼ିଛି । ଯାତ୍ରା ମଞ୍ଚରେ ଅଭିନୟ କରୁଥିବା ଦୁଇ ଯୁବକ ଚିକରଡ଼ାରୁ ଫେରୁଥିବା ବେଳେ ଦୁର୍ଘଟଣା ଘଟିଛି। ତେବେ ସବୁବେଳେ ହଳଦିଆ ପଦର ଓଭରବ୍ରିଜ ରେ ଦୁର୍ଘଟଣା ଉପରେ ଦ୍ରୁତ ଗତିରେ ଆସୁଥିବା ଗାଡି ଗୁଡିକୁ କିପରି ନିୟନ୍ତ୍ରଣ କରିବା ସହ ଦୁର୍ଘଟଣା କୁ ଏଡାଇ ପାରିବ ତାହାପାଇଁ ପୋଲିସ, ଜିଲ୍ଲପାଳ, ବିଧାୟକ ଓ ସାଂସଦ ଦୃଷ୍ଟି ଦେବାଜୁ ଜନ ସାଧାରଣ ଅନୁରୋଧ କରିଛନ୍ତି |