Odisha Janamata : ମୋବାଇଲ ଟାୱାର ଉପରେ ଚଢ଼ି ଆତ୍ମହତ୍ୟା ଉଦ୍ୟମ କରୁଥିବା ଯୁବକଙ୍କୁ ଉଦ୍ଧାର କଲା ଅଗ୍ନିଶମ ବାହିନୀ |

ମୋବାଇଲ ଟାୱାର ଉପରେ ଚଢ଼ି ଆତ୍ମହତ୍ୟା ଉଦ୍ୟମ କରୁଥିବା ଯୁବକଙ୍କୁ ଉଦ୍ଧାର କଲା ଅଗ୍ନିଶମ ବାହିନୀ |

11-May-2026

ମୋବାଇଲ ଟାୱାର ଉପରେ ଚଢ଼ି ଯୁବକଙ୍କ ଆତ୍ମହତ୍ୟା ଉଦ୍ୟମ, ଦୁଇ ଘଣ୍ଟା ପରେ ଉଦ୍ଧାର,
ଓଡିଶାଜନ ମତ,କଲ୍ୟାଣସିଂହପୁର, ୧୧/୦୫,

କାମେଶ୍ୱର କରକରିଆ :--

ରାୟଗଡା ଜିଲ୍ଲା କଲ୍ୟାଣସିଂହପୁର ସଦର ଅଞ୍ଚଳରେ ସୋମବାର ଏକ ଚଞ୍ଚଳକର ଘଟଣା ଦେଖିବାକୁ ମିଳିଛି। ଜଣେ ଯୁବକ ମଦ୍ୟପ ଅବସ୍ଥାରେ ଥାଇ ସକାଳ ୮ ସମରେ ମୋବାଇଲ ଟାୱାର ଖୁଣ୍ଟ ଉପରେ ଚଢ଼ି ଆତ୍ମହତ୍ୟା ଉଦ୍ୟମ କରିଥିବାରୁ ଅଞ୍ଚଳରେ କିଛି ସମୟ ପାଇଁ ଉତ୍ତେଜନା ସୃଷ୍ଟି ହୋଇଥିଲା।ସୂଚନା ଅନୁସାରେ, ସଦର ପଞ୍ଚାୟତ ସାନ କୁମ୍ଭାର ସାହିର କାର୍ତ୍ତିକ କାଶୀଙ୍କ ପୁଅ ତ୍ରିଲୋଚନ କାଶୀ (୩୨) ପରିବାରିକ କଳହକୁ କେନ୍ଦ୍ର କରି ନିୟୁ ରେସଟୁରାଣ୍ଟ ପାର୍ଶ୍ୱରେ ଥିବା ଜିଓ ଟାୱାର ପ୍ରାୟ ୧୬୦ ଫୁଟ ଉଚ୍ଚ ଖୁଣ୍ଟ ଉପରକୁ ଚଢ଼ି ଯାଇଥିଲେ। ଏହା ଦେଖି ସ୍ଥାନୀୟ ଲୋକଙ୍କ ମଧ୍ୟରେ ଭୟ ଓ ଆତଙ୍କ ଖେଳିଯାଇଥିଲା।ଖବର ପାଇ ସ୍ଥାନୀୟ ଲୋକେ ଓ ପରିବାର ଲୋକ ଘଟଣାସ୍ଥଳରେ ପହଞ୍ଚି ପ୍ରାୟ ଦୁଇ ଘଣ୍ଟା ଧରି ଯୁବକଙ୍କୁ ବୁଝାସୁଝା କରିଥିଲେ। ପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହଯୋଗରେ ଯୁବକଙ୍କୁ ସୁରକ୍ଷିତ ଭାବେ ତଳକୁ ଆଣି ଉଦ୍ଧାର କରିଥିଲେ।ଘଟଣାର ସଠିକ କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଥିବା ବେଳେ ପରିବାରିକ କଳହକୁ ନେଇ ଏହି ପଦକ୍ଷେପ ନେଇଥିବା ଅନୁମାନ କରାଯାଉଛି। ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି।