Odisha Janamata : ପୋଲସରା ପ୍ରାଥମିକ ଶିକ୍ଷା ସଂଘ ( ପିଷ୍ଟା ) ପକ୍ଷରୁ ସେବା ନିବୃତ ବିଇଓ ଙ୍କୁ ବିଦାୟ ସମ୍ବର୍ଦ୍ଧନା ||

ପୋଲସରା ପ୍ରାଥମିକ ଶିକ୍ଷା ସଂଘ ( ପିଷ୍ଟା ) ପକ୍ଷରୁ ସେବା ନିବୃତ ବିଇଓ ଙ୍କୁ ବିଦାୟ ସମ୍ବର୍ଦ୍ଧନା ||

02-Oct-2026

ପୋଲସରା ପ୍ରାଥମିକ ଶିକ୍ଷକ ସଂଘ (ପିଷ୍ଟା) ପକ୍ଷରୁ ସେବା ନିବୃତ୍ତ ବିଇଓଙ୍କୁ ବିଦାୟକାଳୀନ ସମ୍ବର୍ଦ୍ଧନା।

ଓଡ଼ିଶା ଜନମତ,ପୋଲସରା,ସନ୍ତୋଷ କୁମାର ପଣ୍ଡା
ପୋଲସରା ତା.୦୨/୧୦/୨୬:- ପୋଲସରା ଏକ୍ସବୋର୍ଡ ବାଳକ ଓ ବାଳିକା ପ୍ରାଥମିକ ବିଦ୍ୟାଳୟ ପରିସର ସ୍ଥିତ ଶିକ୍ଷକ ଭବନ ଠାରେ ନୂତନ ପେନ୍‌ସନ୍ ଯୋଜନା ଅନ୍ତର୍ଗତ ପ୍ରାଥମିକ ଶିକ୍ଷକ ସଂଘ (ପୀଷ୍ଟା) ତରଫରୁ ସଦ୍ଯ ସେବାନିବୃତ୍ତ ପୋଲସରା ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀହର୍ଷ ବାବୁ ଖାଡ଼ଙ୍ଗାଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଛି। ସଂଘ ସଭାପତି ସନ୍ନ୍ୟାସୀ ସାହୁଙ୍କ ପୌରହିତ୍ଯରେ ଅନୁଷ୍ଠିତ କାର୍ଯ୍ୟକ୍ରମରେ ଶ୍ରୀଯୁକ୍ତ ଖାଡ଼ଙ୍ଗା ମୁଖ୍ୟ ଅତିଥି ଭାବରେ ଯୋଗଦେଇ ପ୍ରଦୀପ ପ୍ରଜ୍ୱଳନ ପୂର୍ବକ ସଭାକାର୍ଯ୍ୟର ଶୁଭାରମ୍ଭ କରିଥିଲେ। ଜିଲ୍ଲା ସଂଘ ଉପସଭାପତି କୁଳମଣି ସାହୁଙ୍କ ମଞ୍ଚପରିଚାଳନାରେ ସମ୍ପାଦକ ଦିଲ୍ଲୀପ କୁମାର ସେଠୀ ସମ୍ପାଦକୀୟ ବିବରଣୀ ପାଠ କରିଥିଲେ। ଏହି ଅବସରରେ ଉପସ୍ଥିତ ଶିକ୍ଷକ ଶିକ୍ଷୟିତ୍ରୀମାନେ ନିଜନିଜର ବକ୍ତବ୍ୟ ମାଧ୍ୟମରେ ଶ୍ରୀଯୁକ୍ତ ଖାଡ଼ଙ୍ଗାଙ୍କ କର୍ମମୟ ଜୀବନର ଭୂୟ°ସି ପ୍ରଶ°ସା କରିବାସହ ତାଙ୍କର ଅବସର ଜୀବନ ସୁସ୍ଥ ଓ ସୁଦୀର୍ଘ ହେବା ନିମନ୍ତେ ପ୍ରଭୂଙ୍କ ନିକଟରେ ପ୍ରାର୍ଥନା କରିଥିଲେ । ପରେ ସଂଘ ତରଫରୁ ବିଇଓଙ୍କୁ ଉଚ୍ଛର୍ଷିତ ସମ୍ବର୍ଦ୍ଧନା ଏବଂ ମାନପତ୍ର ଦିଆଯାଇଥିଲା। ପରେ ବିଦାୟୀ ସମ୍ବର୍ଦ୍ଧିତ ଶିକ୍ଷାଧିକାରୀ ନିଜର ୩୮ ବର୍ଷରୁ ଉର୍ଦ୍ଧ୍ବ ଅନୁଭୂତି ବର୍ଣ୍ଣନା କରିବାସହ ତାଙ୍କୁ ସହଯୋଗ କରିଥିବା ସମସ୍ତ ଶିକ୍ଷକ ଶିକ୍ଷୟତ୍ରୀ ଏବଂ ସହଯୋଗୀମାନଙ୍କୁ ଆନ୍ତରିକ ଧନ୍ୟବାଦସହ କୃତଜ୍ଞତା ଜଣାଇଥିଲେ। ଏଥିସହ ନିଜର ପବିତ୍ର ଶିକ୍ଷାଦାନ କାର୍ଯ୍ୟକୁ ସୂଚାରୁରୂପେ ସମ୍ପାଦନ କରି ଦେଶର ଆଗାମୀ ଭବିଷ୍ୟତ ପିଢ଼ି ବାଳକ ବାଳିକାମାନଙ୍କୁ ଉଚିତ୍ ସତମାର୍ଗ ଦେବାକୁ ପରାମର୍ଶ ଦେଇଥିଲେ। ଶାନ୍ତନୁ କୁମାର ସ୍ବାଇଁ ପ୍ରାରମ୍ଭିକ ସଂଗୀତ ଓ ବିଦାୟ ସଂଗୀତ ଗାନ କରିଥିବା ବେଳେ ଜିତେନ୍ଦ୍ର କୁମାର ପାଢ଼ୀ ମାନପତ୍ର ପଠନ କରିଥିଲେ। ଶେଷରେ ଶିକ୍ଷୟତ୍ରୀ ସୁଲୋଚନା ମହାପାତ୍ର ସଂଘ ତରଫରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।