Odisha Janamata : ରାଜ୍ୟରେ ହାତୀ ଗଣନା ରିପୋର୍ଟ ପ୍ରକାଶ ପାଇଛି |

ରାଜ୍ୟରେ ହାତୀ ଗଣନା ରିପୋର୍ଟ ପ୍ରକାଶ ପାଇଛି |

29-Nov-2024

ଓଡ଼ିଶାରେ ୨ହଜାର ୧୦୩ ହାତୀ ଥିବାର ଗଣନା ରିପୋର୍ଟ ରୁ ଜଣା ପଡିଛି |

ଓଡିଶା ଜନମତ ବ୍ୟୁରୋ ,

ମାଫିଆ ଓ ଶିକାରୀ ମାନେହାତୀ ମାନଙ୍କୁ ବିଭିର୍ଣ୍ଣ ଉପାୟରେ ମାରିଦେଉଥିବାର ଖବର ବିଭିର୍ଣ୍ଣ ଗଣ ମାଧ୍ୟମ ରେ ପ୍ରଚାରିତହେବା ପରେରାଜ୍ୟ ସରକାର ବର୍ତମାନ ସୁଦ୍ଧା ଓଡ଼ିଶାରେ କେତେ ହାତୀ ଅଛନ୍ତି ତାଉପରେ ଗଣନାକରିଥିଲେ | ତେବେ ଗଣନା କରିବା ପରେ ଓଡ଼ିଶାରେ ୨୦୨୪ ସୁଦ୍ଧା ହାତୀ ଗଣନା ରିପୋର୍ଟ ପ୍ରକାଶ ପାଇଛି। ଏହି ରିପୋର୍ଟ ଅନୁସାରେ ଓଡ଼ିଶାର ୩୮ଟି ବନଖଣ୍ଡରେ ଅଛନ୍ତି ୨,୧୦୩ ହାତୀ। ଚଳିତବର୍ଷ ରାଜ୍ୟରେ ବଢ଼ିଛନ୍ତି ମାତ୍ର ୫ ହାତୀ। ରିପୋର୍ଟ ଅନୁସାରେ ରାଜ୍ୟରେ ମୋଟ ହାତୀଙ୍କ ମଧ୍ୟରେ ୩୩୪ଟି ବଡ଼ ଦନ୍ତା ହାତୀ, ୧୨ଟି ବଡ଼ ମାଖନା ହାତୀ, ୬୭୮ଟି ମାଇ ହାତୀ ଓ ୪୦୩ଟି ହାତୀ ଛୁଆ ଅଛନ୍ତି। ଢେଙ୍କାନାଳ ଡିଭିଜନରେ ସର୍ବାଧିକ ୨୯୧ଟି ହାତୀ ଅଛନ୍ତି। ସେହିପରି କେନ୍ଦୁଝର ଡିଭିଜନରେ ୧୬୦ଟି, ଆଠ ଗଡ଼ ଡିଭିଜନରେ ୧୨୪ଟି, ଦେବଗଡ଼ ଡିଭିଜନରେ ୧୨୩ଟି ଓ ଅନୁଗୁଳ ଡିଭି ଜନରେ ୧୧୭ଟି ହାତୀ ଅଛନ୍ତି। ସେଥିମଧ୍ୟରୁ ୩୩୪ ବୟସ୍କ ଦନ୍ତା ହାତୀ, ୧୨ ବୟସ୍କ ମଖନା, ୬୭୮ ବୟସ୍କ ମହିଳା, ୧୮୬ ମଧ୍ୟ ବୟସ୍କ ଦନ୍ତା ହାତୀ, ୪ ମଧ୍ୟ-ବୟସ୍କ ମଖନା, ୩୦୫ ମଧ୍ୟ - ବୟସ୍କ ମହିଳା, ୧୮୧ ନାବାଳକ ଏବଂ ୪୦୩ ଛୋଟ ହାତୀ ରହିଛନ୍ତି। ଜନଗଣନା ସମୟରେ ୧୩ ଟି ବିଭାଗରେ ହାତୀର ଉପସ୍ଥିତିର ପ୍ରମାଣ ମିଳିନାହିଁ। ରିପୋର୍ଟ ମୁତାବକ ଜନଗଣନା ୨୦୨୪ ମଧ୍ୟରେ ସମୁଦାୟ ୪୮ ହାତୀଙ୍କର ମୃତ୍ୟୁ ହୋଇଛି।