Odisha Janamata : ଭାଈ ଭଉଣୀ ଙ୍କୁ ପାଣିରୁ ଉଦ୍ଧାର କରିବାକୁ ଯାଇ ପ୍ରାଣ ହରାଇଲେ ବଡ଼ ଭଉଣୀ |

ଭାଈ ଭଉଣୀ ଙ୍କୁ ପାଣିରୁ ଉଦ୍ଧାର କରିବାକୁ ଯାଇ ପ୍ରାଣ ହରାଇଲେ ବଡ଼ ଭଉଣୀ |

13-Nov-2024

ତିନିଭାଈ,ଭଉଣି କୁପୋଖରୀ ରୁ ଉଦ୍ଧାର କରିବାକୁ ଯାଇ ଜଳ ସମାଧି ହୋଇଗଲେ ବଡ ଭଉଣୀ |
------------------------------------
ଓଡିଶା ଜନମତ ବ୍ୟୁରୋ ,

ଖଲ୍ଲିକୋଟ : 13/11 ଦୁଇ ଜଣ ଭଉଣୀ ଓ ଜଣେ ସମ୍ପର୍କୀୟ ଭାଇ କୁ ପୋଖରୀ ରୁ ଉଦ୍ଧାର କରିବାକୁ ଯାଇ ସଲିଳ ସମାଧି ହୋଇ ଗଲେ ବଡ ଭଉଣୀ | ମିଳିଥିବା ସୂଚନା ଅନୁଯାଇ ଖଲ୍ଲିକୋଟ ଥାନା ଅନ୍ତର୍ଗତ ଚିକିଲି ଗ୍ରାମ କୁ ବ୍ରହ୍ମପୁର ର ରବିରାମ ପ୍ରଧାନ ଙ୍କ ତିନି ଝିଅ ଜେଲିନା 17 ବର୍ଷ, ସେଲିନା 12 ବର୍ଷ ଓ ଏଲିନା 8 ବର୍ଷ ସେମାନଙ୍କ ମଉସା ଜୟ ରାମ ଖୁଣ୍ଟିଆ ଘରକୁ ଆସିଥିଲେ |ତେବେ ଝାଡା ଯିବା ପାଇଁ ଜୟ ରାମ ଖୁଣ୍ଟିଆ ଙ୍କ 9 ବର୍ଷ ର ପୁଅ ଶ୍ରୀହରି ସହ ସଢୁ ଙ୍କ ଦୁଈ ଝିଅ ମଧ୍ୟ ଚିକିଲି ଗ୍ରାମର ରାଗିଆ ପୋଖରୀ କୁ ଯାଇ ଥିଲେ |ତେବେ 2 ଝିଅ ସହିତ ନାବାଳକ ପୋଖରୀ ରେ ଶୌଚ କରୁଥିବା ବେଳେ ଉକ୍ତ ତିନି ଜଣ ପିଲାଙ୍କ ଗୋଡ଼ ଖସି ଯାଇଥିଲା |ଫଳରେସେମାନେ ପୋଖରୀ ର ଗଭୀର ଜଳ ରେ ଭାସି ଯାଉଥିବା ଦେଖି ବଡ଼ ଭଉଣୀ ଜେଲିନା ନିଜ ଜୀବନ କୁ ବାଜି ଲଗାଇ ପୋଖରୀ କୁ ଲମ୍ଫ ପ୍ରଦାନ କରି ଗାଁଲୋକଙ୍କ ସାହାଯ୍ୟରେ ଦୁଇ ଭଉଣୀ ଓ ମଉସା ପୁଅ ଭାଇ କୁ ଉଦ୍ଧାର କରିବା ବେଳେ ବଡ ଭଉଣୀ ଜେଲିନା ର ଗୋଡ଼ ପୋଖରୀ ପାଣି ରୁ ବାହାରି ପାରି ନଥିବା ଯୋଗୁଁ ଅଣ ନାଶ୍ୱାସୀ ହୋଇ ପ୍ରାଣ ହରାଇ ଜଳ ସମାଧି ହୋଇ ଯାଇ ଥିଲେ | ତେବେ ସମସ୍ତଙ୍କୁ ତତକ୍ଷଣାତ ଖଲ୍ଲି କୋଟ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ରେ ଚିକିଛା ପାଇଁ ଭର୍ତ୍ତି କରା ଯିବା ପରେ ଡାକ୍ତର ଜେଲିନା ଙ୍କୁ ମୃତ ଘୋଷଣା କରିଥିଲେ |ସେହିପରି ଗୁରୁତର ଅବସ୍ଥା ରେ ସେଲିନା ଓ ଶ୍ରୀହରି କୁ ଚିକିଲି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ରେ ପ୍ରାଥମିକ ଚିକିଛା ପାଇଁ ଭର୍ତ୍ତି କରିଥିଲେ |ତେବେ ଡାକ୍ତର ଙ୍କ ଉଦ୍ୟମ ପରେ ଉଭୟ ସେଲିନା ଓ ଶ୍ରୀହରି ବିପଦମୁକ୍ତ ଥିବା ଡାକ୍ତର ପ୍ରକାଶ କରିଛନ୍ତି |ପୋଲିସ ସବ କୁ ଜବତ କରି ଏକ ଅପମୃତୁ ମାମଲା ରୁଜ୍ଜୁ କରି ବ୍ୟବଚ୍ଛେଦ ପାଇଁ ପଠାଇଥିବା ପ୍ରକାଶ | ଏହି ଦୁଖଃଦଘଟଣା ପରେ ଚିକିଲି ଗ୍ରାମରେ ଶୋକ ର ଛାୟା ଖେଳାଇ ଯାଇଛି |