Odisha Janamata : 2022 ଓଡିଶା ପ୍ରଶାସନ ସେବାରେ ଗଞ୍ଜାମ ର 17 ଜଣ ଙ୍କୁ ଖଲ୍ଲିକୋଟ ଠାରେ ସମ୍ବର୍ଦ୍ଧିତ |

2022 ଓଡିଶା ପ୍ରଶାସନ ସେବାରେ ଗଞ୍ଜାମ ର 17 ଜଣ ଙ୍କୁ ଖଲ୍ଲିକୋଟ ଠାରେ ସମ୍ବର୍ଦ୍ଧିତ |

22-Nov-2024

୨୦୨୨ ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ୧୭ ଜଣଙ୍କୁ ଖଲ୍ଲିକୋଟ ଠାରେ ସମ୍ବର୍ଦ୍ଧିତ କରଯାଇଛି ।

ଓଡିଶା ଜନମତ ବ୍ୟୁରୋ

ଚଳିତ ବର୍ଷ ପ୍ରକାଶ ପାଇଥିବା ୨୦୨୨ର ଓଡ଼ିଶା ପ୍ରଶାସନିକ ସେବା ପରୀକ୍ଷା ଫଳରେ ଗଞ୍ଜାମ ଜିଲ୍ଲାର ଉତ୍ତୀର୍ଣ୍ଣ ହୋଇଥିବା ୧୭ ଜଣଙ୍କୁ ଆଜି ଖଲ୍ଲିକୋଟ ଠାରେ ସମ୍ବର୍ଦ୍ଧିତ କରାଯାଇଛି । ଖଲ୍ଲିକୋଟ ସ୍ଥିତ ଏକ ଘରୋଇ ଶିକ୍ଷା ଅନୁଷ୍ଠାନ ଆର୍ଯ୍ୟାନ୍ ଏକାଡେମୀ ଦ୍ୱାରା ଆୟୋଜିତ ଏକ ଭବ୍ୟ ସମ୍ବର୍ଧନା କାର୍ଯକ୍ରମ ସ୍ଥାନୀୟ ରାମଚଂଦ୍ର ବିଜ୍ଞାନ ମହାବିଦ୍ୟାଳୟର ଖେଳ ପଡିଆ ଠାରେ ଆୟୋଜିତ କରାଯାଇଥିଲା । ଏହି କାର୍ଯ୍ୟକ୍ରମରେ କେଶପୁର ମହାବିଦ୍ୟାଳୟର ଅଧକ୍ଷ ଶ୍ରୀ ଅଶୋକ କୁମାର ପଲେଇ ଅଧ୍ୟକ୍ଷତା କରିଥିବା ବେଳେ ସମ୍ମାନୀତ ଅତିଥି ଭାବେ ଆର୍. ସି. ଏମ. ବିଜ୍ଞାନ ମହାବିଦ୍ୟାଳୟ ଅଧକ୍ଷ ଶ୍ରୀ ସୁରେନ୍ଦ୍ର କୁମାର ସ୍ବାଇଁ ଓ ଖଲ୍ଲିକୋଟ ବିଜ୍ଞାପିତ ଅଞ୍ଚଳ ପରିଷଦର କାର୍ଯନିର୍ବାହୀ ଅଧିକାରୀ ଶ୍ରୀ ପ୍ରମୋଦ କୁମାର ନାୟକ ଯୋଗ ଦେଇ ଥିଲେ। ଅତିଥି ମାନଙ୍କ ଦ୍ଵାରା ଦୀପ ପ୍ରଜ୍ବଳନ କରାଯିବା ସହ ଅନୁଷ୍ଠାନର ଛାତ୍ର ଛାତ୍ରୀ ଓ କର୍ମକର୍ତ୍ତାଙ୍କ ଦ୍ଵାରା ଆମନ୍ତ୍ରିତ ଅତିଥି ମାନଙ୍କୁ ଉପଢୌକନ ଓ ପୁଷ୍ପଗୁଛ ଦେଇ ସ୍ଵାଗତ କରଯାଇଥିଲା ।ପରେ ପରେ ୨୦୨୨ ର ଓଡ଼ିଶା ପ୍ରଶାସନିକ ସେବା ପରୀକ୍ଷାରେ କୃତକାର୍ଯ୍ୟ ହୋଇଥିବା ୧୭ ଜଣଙ୍କୁ ଅତିଥି ମାନଙ୍କ ଦ୍ଵାରା ମାନ ପତ୍ର ଦେଇ ସମ୍ବର୍ଧିତ କରାଯାଇଥିଲା ଓ ସେମାନେ ନିଜ ନିଜର ସଫଳତାର ସଂଘର୍ଷର କଥା ବକ୍ତବ୍ୟ ମାଧ୍ୟମରେ ପ୍ରକାଶ କରିଥିଲେ ।ଏହି କାର୍ଯ୍ୟକ୍ରମକୁ କେଶପୁର ମହାବିଦ୍ୟାଳୟ ଓଡିଆ ଅଧ୍ୟାପକ ଶ୍ରୀ ବିଷ୍ଣୁ ଚରଣ ଦାସ ଅତିଥି ପରିଚୟ ପ୍ରଦାନ କରିବା ସହିତ ସଭା କାର୍ଯ୍ଯ ପରିଚାଳନା କରିଥିଲେ।