Odisha Janamata : ସହିଦ ବୀର ଲକ୍ଷ୍ମଣ ନାୟକ ଙ୍କ 125 ତମ ଜୟନ୍ତୀ ପାଳନ |

ସହିଦ ବୀର ଲକ୍ଷ୍ମଣ ନାୟକ ଙ୍କ 125 ତମ ଜୟନ୍ତୀ ପାଳନ |

22-Nov-2024

ଶହୀଦ ଲକ୍ଷ୍ମଣ ନାୟକଙ୍କ ପୂଜ୍ୟ, ପୁଜା ସମିତି ତରଫରୁ ଜୟନ୍ତୀ ପାଳନ |

ଓଡିଶା ଜନମତ ବ୍ୟୁରୋ,

ବ୍ରହ୍ମପୁର :---22/11/ ଦେଶ ପାଇଁ ବଳିଦାନ ଦେଇ ସହିଦ ହୋଇଥିବା ଓଡ଼ିଶାର ଲକ୍ଷ୍ମଣ ନାୟକ ଙ୍କ 125 ତମ ଜନ୍ମ ଜୟନ୍ତୀ କୁ ପାଳନ କରିଛନ୍ତି ବ୍ରହ୍ମପୁର ର ସ୍ଥାନୀୟ ଅଗ୍ରଣୀ ସାଂସ୍କୃତିକ ଅନୁଷ୍ଠାନ ପୂଜ୍ୟ ପୂଜା ସମିତି ପକ୍ଷରୁ | ସମିତି ସମ୍ପାଦକ ଏସ. ସାମ୍ବାଶିବା ରାଓଙ୍କ ଅଧ୍ୟକ୍ଷତାରେ ସ୍ଥାନୀୟ ଲକ୍ଷ୍ମଣ ନାୟକ ସ୍ମୃତି ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ଥିବା ଲକ୍ଷ୍ମଣ ନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ସହ ସ୍ମୃତି ଚାରଣ ଅନୁଷ୍ଠିତ ହୋଇଯାଇଛି l ପରାଧୀନ ଭାରତରେ ଗରିବ କୃଷକ, କ୍ଷେତମଜଦୂର, ଆଦିବାସୀ ଓ ଦଳିତ ମାନଙ୍କ ଉପରେ ନିର୍ଯ୍ୟାତନାଓଶୋଷଣ ବିରୁଦ୍ଧରେ ଲଢେଇ କରିସହିଦ ତ୍ୱ ପ୍ରାପ୍ତ କରିଥିବା ଲକ୍ଷ୍ମଣ ନାୟକ ଚୀର ସ୍ମରଣୀୟ l କେବଳ ବ୍ରିଟିଶସମ୍ରାଜ୍ୟବାଦର ଅନ୍ତ ନୁହଁ, ଦେଶରୁ ସବୁଦିନ ପାଇଁ ସମସ୍ତ ପ୍ରକାର ଅନ୍ୟାୟ, ଶୋଷଣ, ଜୁଲୁମର ବିଲୋପ ଘଟୁ,ଅନ୍ଧ ବିଶ୍ୱାସ, କୁସଂସ୍କାର ର ପତନ ହେଉ, ଏହା ହିଁ ଥିଲା ବୀର ଲକ୍ଷ୍ମଣ ନାୟକଙ୍କ ଜୀବନର ଶେଷ ନିଶ୍ୱାସ ତ୍ୟାଗପର୍ଯ୍ୟନ୍ତ ବଳିଷ୍ଠଭୂମିକା l ଆଜିର ପରିସ୍ଥିତିରେ ଜମି, ଜଳ, ଜଙ୍ଗଲ, ଖଣି ତଥା ସମସ୍ତ ପ୍ରାକୃତିକ ସମ୍ପଦର ସୁରକ୍ଷା ଓ ଜଙ୍ଗଲରେ ବାସ କରୁଥିବା ଆଦିବାସୀଙ୍କ ଅଧିକାରର ଲଢେଇ ପାଇଁ ଶହୀଦ ଲକ୍ଷ୍ମଣ ନାୟକ ଜଣେ ଅନ୍ୟତମ ଯୁଗାନ୍ତକାରୀ ବ୍ୟକ୍ତିତ୍ୱ ଭାବେ ପ୍ରେରଣାର ଉଚ୍ଛ l ଆଜି ଓଡ଼ିଶାର ବିଭିନ୍ନ ଖଣି, ନଦୀ, ଜଙ୍ଗଲ, ପାହାଡ଼ ଆଦି ପ୍ରାକୃତିକ ସମ୍ପଦର ସୁରକ୍ଷା ପାଇଁ ସମସ୍ତ ଓଡିଶା ବାସୀ ସ୍ୱର ଉତ୍ତୋଳନ ପାଇଁ ଆଜିର ସଭାରେ ମତ ପ୍ରକାଶ ପାଇଥିଲା l ମାନବ ଅଧିକାର ସୁରକ୍ଷା ମଞ୍ଚର ସଭାପତି ଗଗନ ଚନ୍ଦ୍ର ମଲ୍ଲିକ, ସୁରେନ୍ଦ୍ର ନାଥ ପଣ୍ଡା, ଶିବାଂଶ ସାମନ୍ତରାୟ, ଅଳକ ନାଥ ମିଶ୍ର,କେଦାରନାଥ ଚୌଧୁରୀ,ରଂଜିତ କୁମାର ସାମନ୍ତରାୟ,ପ୍ରମୋଦ କୁମାର ପଣ୍ଡା,ଗୌରୀ ଶଙ୍କର ମହାନ୍ତି,ଅବନୀ ଗୟା ପ୍ରମୁଖ ମତବ୍ୟକ୍ତ କରିଥିଲେ l