Odisha Janamata : ରାଷ୍ଟ୍ରପତି ଙ୍କ ମନ ଦୁଃଖ, ମେଜର ରେଷଭ ଚାକିରି ଛାଡି ଦେବା ଯୋଗୁଁ |

ରାଷ୍ଟ୍ରପତି ଙ୍କ ମନ ଦୁଃଖ, ମେଜର ରେଷଭ ଚାକିରି ଛାଡି ଦେବା ଯୋଗୁଁ |

30-Aug-2026

ମେଜର ରେଷଭ ସିଂହ ଚାକିରି ଛାଡିଲେ, ରାଷ୍ଟ୍ରପତି କଲେ ମନ ଦୁଃଖ |

ଓଡିଶା ଜନ ମତ ବ୍ୟୁରୋ,
ରେଷଭ ସିଂହ କଣ ପାଈଁ ଏତେବଡ ଚାକିରୀ ଛାଡିଲେ ତାହା ଏବେ ସୁଦ୍ଧା ଜଣାପଡ଼ିନାହିଁ | ସୋସିଆଲ ମିଡିଆରେଲୋକଙ୍କ ମନ ଜିତି ଆସୁଥିବା ନିଜ ବ୍ୟକ୍ତିତ୍ୱ ପାଈଁ ଇଣ୍ଟରନେଟ କ୍ରସ ବନି ଥିବା ମେଜର ରେଷଭ ସିଂହ ଏବେ ଭାରତୀୟ ସେନାକୁ ଅଲବିଦା କରିସାରିଛନ୍ତି | ସେଥି ପାଈଁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଙ୍କ ମନ ଦୁଃଖ ହୋଇଛି | ତାର କାରଣ ହେଲା ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସହ ପାଦରେ ପାଦ ମିଶାଇ ଚାଲୁଥିବା ,ଛାଇ ଭଳି ରହି ସୁରକ୍ଷା ଦେଉଥିବା , କେବେ ବର୍ଷାରେ ରାଷ୍ଟ୍ରପତିଙ୍କ ପାଇଁ ଛତା ଧରି ଚାଲୁଥିବା ,ରାଷ୍ଟ୍ରପତିଙ୍କ ପୁଅ ପରି ଧ୍ୟାନ ରଖୁଥିବା , ଏବଂ ନିଜର କଡ଼କ୍ ଅନ୍ଦାଜ ପାଇଁ ସୋସିଆଲ ମିଡିଆରେ ଲୋକଙ୍କ ମନ ଜିତି ଆସୁଥିବା, ମେଜର ରେଷଭ ସିଂହ ଏବେ ଭାରତୀୟ ସେନାକୁ ଅଲବିଦା କହିସାରିଛନ୍ତି । ଆର୍ମିରୁ ତାଙ୍କ ଇସ୍ତଫାକୁ ନେଇ ଚର୍ଚ୍ଚା ଜୋର ଧରିଛି । ସମସ୍ତଙ୍କ ମନରେ ପ୍ରଶ୍ନ ଏମିତି କ’ଣ ହେଲା ଯେ, ମେଜର୍ ରେଷଭ ଏପରି ହଠାତ୍ ଚାକିରି ଛାଡ଼ିଦେଲେ, ବର୍ଦ୍ଦି ଉତାରିଦେଲେ…
ହେଲେ ସୋସିଆଲ ମିଡିଆରେ ମେଜର୍ ରେଷଭଙ୍କ ଭିଡିଓ ଦେଖିବା ପରେ ଏ ପ୍ରଶ୍ନ ଆହୁରି ଘନିଭୂତ ହୋଇଛି । ଭିଡିଓ ପୋଷ୍ଟ କରି ମେଜର ରଷଭ୍ କହିଛନ୍ତି , ‘ମୁଁ ପିଲାଟି ବେଳୁ ଦେଶର ସେବା ପାଇଁ ଭାରି ଉତ୍ସୁକ ଥିଲି । ସେଥିପାଇଁ ନିଜକୁ ପୂରା ପ୍ରସ୍ତୁତ କରିଥିଲି । ସେନା ବର୍ଦ୍ଦି ପିନ୍ଧିବା ପିଲାବେଳୁ ମୋ ସ୍ବପ୍ନ ଥିଲା । ପରେ ସେ ସ୍ବପ୍ନ ସତ ବି ହେଲା । ହେଲେ କେବେ ଭାବିନଥିଲି ଏ ବର୍ଦ୍ଦି ମୁଁ ଉତାରିବି, ଆର୍ମି ଛାଡ଼ିବି ।କିନ୍ତୁ ବେଳେ ବେଳେ ଜୀବନରେ ଏପରି କିଛି ପରିସ୍ଥିତି ଆସେ ଯାହା ମଣିଷକୁ ନିଜ ଇଚ୍ଛା ବିରୋଧରେ ଯିବାକୁ ବାଧ୍ୟ କରେ । ମୁଁ କିଛି ବ୍ୟକ୍ତିଗତ, ପାରିବାରିକ ସମସ୍ୟା ଯୋଗୁଁ ଆର୍ମି ଛାଡ଼ିବାକୁ ବାଧ୍ୟ ହେଲି। କିନ୍ତୁ ଦେଶବାସୀ ମୋତେ ବହୁତ ସ୍ନେହ, ସମ୍ମାନ ଦେଇଛନ୍ତି। ସେଥିପାଇଁ ମୁଁ କୃତଜ୍ଞ…’
ମେଜର୍ ରେଷଭ ସିଂହ ସାମ୍ବ୍ୟାଲ ୨୦୨୧ରେ ଚର୍ଚ୍ଚାକୁ ଆସିଥିଲେ , ଯେବେ ସେ ଜାଠ୍ ରେଜିମେଣ୍ଟରେ କ୍ୟାପ୍ଟେନ୍ ପଦ ପାଇଥିଲେ । ଗଣତନ୍ତ୍ର ଦିବସରେ ପୂରା ଟିମର ନେତୃତ୍ବ ନେଇଥିଲେ । ତାଙ୍କ ଟିମ୍ ସେହି ବର୍ଷ ସର୍ବଶ୍ରେଷ୍ଠ ମାର୍ଚ୍ଚିଙ୍ଗ ଟ୍ରଫି ବି ଜିତିଥିଲା । ଏହାପରେ ସୋସିଆଲ ମିଡିଆରେ ତାଙ୍କ ଫଟୋ ଓ ଭିଡିଓ ଭାଇରାଲ ହେବାରେ ଲାଗିଲା । ଏହାପରେ ଶ୍ରୀମତି ଦ୍ରୌପଦୀ ମୁର୍ମୁ ରାଷ୍ଟ୍ରପତି ହେବା ପରେ ତାଙ୍କ ସୁରକ୍ଷାର ମଙ୍ଗ ସମ୍ଭାଳିଲେ । ରାଷ୍ଟ୍ରପତି ଯେଉଁ କାର୍ଯ୍ୟକ୍ରମକୁ ଯାଆନ୍ତୁ ତାଙ୍କ ସହ ଛାଇ ଭଳି ରୁହନ୍ତି ମେଜର୍ ରିଷଭ୍ । ପୂର୍ବରୁ ଅନେକ ରାଷ୍ଟ୍ରପତିଙ୍କୁ ତାଙ୍କ ସୁରକ୍ଷା ଯବାନଙ୍କ ସହ ଦେଖିବାକୁ ମିଳୁଥିଲେ ବି ମେଜର୍ ରିଷଭ୍ କିନ୍ତୁ ଅତି ସଯତ୍ନ ସହ ରାଷ୍ଟ୍ରପତିଙ୍କ ସୁରକ୍ଷା କରନ୍ତି, ଯାହା ଭିଡିଓରୁ ବାରି ହୋଇପଡ଼େ । ଜାଣେ ପୁଅ ପରି ରାଷ୍ଟ୍ରପତି ଦୌପଦୀ ମୁର୍ମୁଙ୍କ ସୁରକ୍ଷା କରନ୍ତି । ଦୁହିଁଙ୍କ ସମ୍ପର୍କକୁ ସୋସିଆଲ ମିଡିଆରେ ଲୋକେ ମା’ ପୁଅଙ୍କ ସମ୍ପର୍କ; ବୋଲି କୁହନ୍ତି । ହେଲେ ଏବେ ରେଷଭ୍ ଇସ୍ତଫା ଦେବା ପରେ ଖାଲି ପ୍ରଶଂସକ ନୁହନ୍ତି ଖୋଦ୍ ରାଷ୍ଟ୍ରପତି ବି ଦୁଃଖରେ । ସମସ୍ତେ ତାଙ୍କ ଇସ୍ତଫାର କାରଣ ପଚାରିବା ପରେ ଉତ୍ତର ରଖିଛନ୍ତି ରେଷଭ୍ ।ଏବେ ସଂକ୍ଷେପରେ ଜାଣିବା ରେଷଭଙ୍କ ବ୍ୟକ୍ତିଗତ ଜୀବନ ବିଷୟରେ । ଜମ୍ମୁ ବୀର ମାଟିର ଡୋଗରା ପରିବାରରୁ ଆସିଛନ୍ତି ରେଷଭ । ଭାରତୀୟ ସେନାର ୪ ପାରା ସ୍ପେଶାଲ ଫୋର୍ସ ସହ ଜଡ଼ିତ ଥିଲେ । ଆଉ ରାଷ୍ଟ୍ରପତିଙ୍କ ସୁରକ୍ଷା ପାଇଁ ଯେଉଁ ପଦରେ ରେଷଭ ଥିଲେ ସେଠି ପହୟ୍ଚିବା ଏତେ ସହଜ ନୁହେଁ । ରାଷ୍ଟ୍ରପତିଙ୍କ ADC ପଦ ପାଇବାକୁ ହେଲେ ଖୁବ୍ କମ୍ ବୟସରେ ଏହି ପଦ ପାଇଥିଲେ ରେଷଭ୍ । କିନ୍ତୁ ବ୍ୟକ୍ତିଗତ କାରଣରୁ ପଦ ଛାଡ଼ିବା ପରେ ସୋସିଆଲ ମିଡିଆରେ ଅନେକ ପ୍ରଶ୍ନ ସୃଷ୍ଟି ହୋଇଛି!|