Odisha Janamata : ଚୀନର ନେପାଳକୁ ସତର୍କ ବାଣୀ ପୁଣି ତିନିଦିନ ମଧ୍ୟରେ ବନ୍ୟା ଆଶଙ୍କା |

ଚୀନର ନେପାଳକୁ ସତର୍କ ବାଣୀ ପୁଣି ତିନିଦିନ ମଧ୍ୟରେ ବନ୍ୟା ଆଶଙ୍କା |

28-Aug-2026

ନେପାଳରେ ୩ ଦିନ ମଧ୍ୟରେ ପୁଣି ବନ୍ୟା ଆଶଙ୍କା ଚୀନ ଦେଇଛି ସତର୍କ ବାଣୀ |

ଓଡିଶା ଜନ ମତ ବ୍ୟୁରୋ,

ବର୍ତମାନ ନେପାଳରେ ଆକସ୍ମିକ ବନ୍ୟାଯୋଗୁ ବହୁ ଲୋକ ମୃତ୍ୟୁ ବରଣ କରିଥିଲା ବେଳେ ବହୁତ ଲୋକ ଏବେବି ନିଖୋଜ ଅଛନ୍ତି | ତେବେ ଏହାରି ମଧ୍ୟରେ ଚୀନ ର ନେପାଳ କୁ ସତର୍କ କରି ପୁଣି ବନ୍ୟା ହେବାର ଆଶଙ୍କା କରି ନେପାଳ କୁ ସତର୍କ କରିଦେଇଛି | ତିବ୍ବତ ସୀମାବର୍ତ୍ତୀ ଅଞ୍ଚଳରେ ସୃଷ୍ଟ ଏକ ଅସ୍ଥାୟୀ କୃତ୍ରିମ ଗ୍ଲେସିୟର ହ୍ରଦ ଫାଟିବା ଆଶଙ୍କା ଥିବାରୁ ଆସନ୍ତା ୩ ଦିନ ମଧ୍ୟରେ ନେପାଳରେ ପୁଣି ଏକ ବଡ଼ ବନ୍ୟା ଆସିବା ନେଇ ଚୀନ୍‌ ସରକାର ସତର୍କ ସୂଚନା ଜାରି କରିଛନ୍ତି।
କାଠମାଣ୍ଡୁ: ତିବ୍ବତ ସୀମାବର୍ତ୍ତୀ ଅଞ୍ଚଳରେ ସୃଷ୍ଟ ଏକ ଅସ୍ଥାୟୀ କୃତ୍ରିମ ଗ୍ଲେସିୟର ହ୍ରଦ ଫାଟିବା ଆଶଙ୍କା ଥିବାରୁ ଆସନ୍ତା ୩ ଦିନ ମଧ୍ୟରେ ନେପାଳରେ ପୁଣି ଏକ ବଡ଼ ବନ୍ୟା ଆସିବା ନେଇ ଚୀନ୍‌ ସରକାର ସତର୍କ ସୂଚନା ଜାରି କରିଛନ୍ତି। ଗତକାଲି ଲାଙ୍ଗଟାଙ୍ଗ ଲିରୁଙ୍ଗ ପାର୍ବତ୍ୟାଞ୍ଚଳରେ ପ୍ରାୟ ୫,୨୦୦ ମିଟର ଉଚ୍ଚତାରେ ଏକ ବିଶାଳ ଗ୍ଲେସିୟର ସ୍ଖଳନ ଘଟି ପ୍ରଭାବିତ ଜଳରାଶି ଲେହେନ୍ଦେ ନଦୀରେ ମିଶିବା ଫଳରେ ଭୋଟେକୋଶୀ ନଦୀରେ ପ୍ରଳୟଙ୍କରୀ ବନ୍ୟା ଆସିଥିଲା।
ଏହି ବିପର୍ଯ୍ୟସ୍ତ ସ୍ଥିତି ମଧ୍ୟରେ ରାଷ୍ଟ୍ରପତି ସି ଜିନପିଙ୍ଗ ସମ୍ପୂର୍ଣ୍ଣ ଉଦ୍ଧାର କାର୍ଯ୍ୟ ପାଇଁ ନିର୍ଦ୍ଦେଶ ଦେଇଛନ୍ତି। ଚୀନ୍‌ର ଜଳସମ୍ପଦ ମନ୍ତ୍ରଣାଳୟ ଅନୁଯାୟୀ ଛୋଛେନ ଖୋଲା ଏବଂ ପୁରେପୁ ସାଙ୍ଗପୋ ନଦୀର ସଂଯୋଗ ସ୍ଥଳରେ ଏକ କୃତ୍ରିମ ହ୍ରଦ ସୃଷ୍ଟି ହୋଇ ପ୍ରାୟ ୨୦,୦୦,୦୦୦ କ୍ୟୁବିକ ମିଟର ଜଳ ଜମା ହୋଇ ରହିଛି। ଆଗାମୀ ୩ ଦିନ ମଧ୍ୟରେ ଏଥିରେ ଆହୁରି ୩୦,୦୦,୦୦୦ କ୍ୟୁବିକ ମିଟର ଜଳ ପ୍ରବେଶ କରିବା ଆଶଙ୍କା ଥିବାରୁ ନେପାଳ ପ୍ରତିଷ୍ଠାନ ପକ୍ଷରୁ ଭୋଟେକୋଶୀ, ତ୍ରିଶୂଳୀ ଓ ନାରାୟଣୀ ନଦୀ କୂଳରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ଯିବାକୁ କୁହାଯାଇଛି।
ଗତକାଲି ବନ୍ୟା ସମୟରେ ଚିତୱାନର ଦେବଘାଟଠାରେ ଜଳପ୍ରବାହ ସେକେଣ୍ଡ ପ୍ରତି ୫,୮୫୦ କ୍ୟୁବିକ ମିଟର ଛୁଇଁଥିଲା। ହିମାଳୟ ଅଞ୍ଚଳରେ ତାପମାତ୍ରା ବୃଦ୍ଧି ଯୋଗୁଁ ୨୦୦୫ ମସିହା ପରଠାରୁ ଗ୍ଲେସିୟର ହ୍ରଦ ସଂଖ୍ୟା ୧,୯୦୦ ରୁ ୨,୬୦୦ କୁ ବୃଦ୍ଧି ପାଇବା ଏଭଳି ବିପତ୍ତିର ମୁଖ୍ୟ କାରଣ ବୋଲି ପାଣିପାଗ ବିଭାଗ ସୂତ୍ରରୁ ପ୍ରକାଶ ପାଇଛି।