Odisha Janamata : 2029 ନିର୍ବାଚନ କୁ ସୋଫିଆ ଫିର୍ଦୋସ କଂଗ୍ରେସ କୁ କରିବେ ବାୟ ବାୟ |

2029 ନିର୍ବାଚନ କୁ ସୋଫିଆ ଫିର୍ଦୋସ କଂଗ୍ରେସ କୁ କରିବେ ବାୟ ବାୟ |

31-Aug-2026

2029 ନିର୍ବାଚନ ରେ କଂଗ୍ରେସଠୁ ବଦଲା ନେବେ ମୋକିମ୍ ! ଝିଅକୁ ନେଇ କଲେ ବଡ଼ ଘୋଷଣା |

|ଓଡିଶା ଜନ ମତ ବ୍ୟୁରୋ,

କଂଗ୍ରେସ ପାଈଁ ସବୁଠାରୁ ଦରକାରୀ ବିଧାୟକ ମହମଦ ମୋକିମ କଂଗ୍ରେସ ରୁ ବିଦା ହେଲାପରେ ତାଙ୍କ ଝିଅ ବର୍ତ୍ତମାନ କଂଗ୍ରେସ ର କଟକ ବାରବାଟୀ ଆସନରୁ ବିଧାୟିକା ଅଛନ୍ତି | ତେବେ ସୋଫିଆ ଫିର୍ଦୋସ ପିତାଙ୍କ ପଦାଙ୍କ ଅନୁସରଣ କରିବେ କଂଗ୍ରେସ କୁ ଛାଡି | ଯାହା ଫଳରେ ଓଡ଼ିଶା ରାଜନୀତିରେ ପୁଣି ଏକ ବଡ଼ ଧରଣର ହଲଚଲ ସୃଷ୍ଟି ହେବାକୁ ଯାଉ ଥିବାର ଦେଖା ଯାଉଛି | ବାରବାଟୀ-କଟକର ବର୍ତ୍ତମାନର ବିଧାୟିକା ସୋଫିଆ ଫିର୍ଦ୍ଦୋସ ଆଗାମୀ ୨୦୨୯ ସାଧାରଣ ନିର୍ବାଚନରେ ଆଉ ଜାତୀୟ କଂଗ୍ରେସ ଟିକେଟରୁ ନିର୍ବାଚନ ଲଢ଼ିବେ ନାହିଁ ।
କଂଗ୍ରେସର ହାତ ଛାଡ଼ିବେ ବିଧାୟିକା ସୋଫିଆ ଫିର୍ଦ୍ଦୋସ ? ୨୦୨୯ ପୂର୍ବରୁ ରାଜ୍ୟ ରାଜନୀତିରେ ଭୂକମ୍ପ ସୃଷ୍ଟି କରି ବାପା ମୋକିମ୍ ଫିଟାଇଲେ ଏକ ଚାଞ୍ଚଲ୍ୟକର ରହସ୍ୟ ! ଓଡ଼ିଶା ରାଜନୀତିରେ ପୁଣି ଏକ ବଡ଼ ଧରଣର ହଲଚଲ । ବାରବାଟୀ-କଟକର ବର୍ତ୍ତମାନର ବିଧାୟିକା ସୋଫିଆ ଫିର୍ଦ୍ଦୋସ ଆଗାମୀ ୨୦୨୯ ସାଧାରଣ ନିର୍ବାଚନରେ ଆଉ ଜାତୀୟ କଂଗ୍ରେସ ଟିକେଟରୁ ନିର୍ବାଚନ ଲଢ଼ିବେ ନାହିଁ । ବରଂ ସେ ତାଙ୍କ ପିତା ମହମ୍ମଦ ମୋକିମଙ୍କ ନେତୃତ୍ୱାଧୀନ ନୂତନ ରାଜନୈତିକ ଦଳ ‘ଓଡ଼ିଶା ଜନତା କଂଗ୍ରେସ’ ଟିକେଟରୁ ମଇଦାନକୁ ଓହ୍ଲାଇବେ । ଏହି ବଡ଼ ତଥା ଚାଞ୍ଚଲ୍ୟକର ଘୋଷଣା କରିଛନ୍ତି ଖୋଦ୍ ପୂର୍ବତନ ବିଧାୟକ ତଥା ଓଜେସିର ସଭାପତି ମହମ୍ମଦ ମୋକିମ୍ ।
ଏକ ସାକ୍ଷାତକାରରେ କଂଗ୍ରେସ ଦଳର ଶୀର୍ଷ ନେତୃତ୍ୱ ଓ କାର୍ଯ୍ୟଶୈଳୀ ଉପରେ କ୍ଷୋଭ ପ୍ରକାଶ କରି ମୋକିମ୍ କହିଛନ୍ତି ଯେ, କଂଗ୍ରେସରେ ଏବେ ଆଉ ପୂର୍ବଭଳି ନୀତି, ଆଦର୍ଶ ବା ଶୃଙ୍ଖଳା ବଞ୍ଚି ନାହିଁ । ରାଜନୈତିକ ଇତିହାସ ସାକ୍ଷୀ ରହିଛି ଯେଉଁ ରାଜ୍ୟରେ କଂଗ୍ରେସ ଲଗାତାର ଚାରି ଥର ପରାଜିତ ହୋଇଛି, ସେଠାରେ ଦଳ ଆଉ କେବେ ମୁଣ୍ଡ ଟେକି ଛିଡ଼ା ହୋଇପାରିନାହିଁ । କେନ୍ଦ୍ରୀୟ ତଥା ରାଜ୍ୟ ସ୍ତରର ଭୁଲ୍ ନେତୃତ୍ୱ ଏବଂ ନେତାମାନଙ୍କ ମଧ୍ୟରେ ଲାଗି ରହିଥିବା ଅନ୍ତର୍ଦ୍ୱନ୍ଦ୍ୱ ଓ ଗୋଡ଼ ଟଣାଟଣି ଯୋଗୁଁ କଂଗ୍ରେସ ଆଜି ସମ୍ପୂର୍ଣ୍ଣ ତଳକୁ ଚାଲିଯାଇଛି ।
ନିଜର ଅତୀତ ତିକ୍ତ ଅନୁଭୂତି ପ୍ରକାଶ କରି ମୋକିମ୍ କହିଛନ୍ତି, "ଆମେ ଦଳ ଭିତରେ ରହି ସଂସ୍କାର ଓ ସୁଧାର ଆଣିବାକୁ ଚାହୁଥିଲୁ, କିନ୍ତୁ ଆମ କଥା ଶୁଣିବା ବଦଳରେ ଦଳରୁ ବହିଷ୍କାର କରିଦିଆଗଲା । ଓଡ଼ିଶାରେ କଂଗ୍ରେସର ଭବିଷ୍ୟତ ଅନ୍ଧକାରମୟ ହୋଇପଡ଼ିଥିବାରୁ ସୋଫିଆ ଆଉ ଏହି ଦଳରେ ରହିବେ ନାହିଁ । ସେ ନିଜ ମାଟି ଓ ଲୋକଙ୍କ ସେବା ପାଇଁ ୨୦୨୯ରେ ଓଡ଼ିଶା ଜନତା କଂଗ୍ରେସରୁ ବାରବାଟୀ-କଟକ ଆସନ ଲାଗି ପ୍ରତିଦ୍ୱନ୍ଦ୍ୱିତା କରିବେ ।
ଏହି ଘୋଷଣା ପରେ କଟକ ସମେତ ରାଜ୍ୟ ରାଜନୀତିରେ ନୂଆ ଚର୍ଚ୍ଚା ଆରମ୍ଭ ହୋଇଛି । ଜଣେ ସକ୍ରିୟ ଯୁବ ବିଧାୟିକା ଭାବେ ନିଜର ସ୍ୱତନ୍ତ୍ର ପରିଚୟ ତିଆରି କରିଥିବା ସୋଫିଆଙ୍କର ଏହି ନିଷ୍ପତ୍ତି କଂଗ୍ରେସ ପାଇଁ ଏକ ବଡ଼ ଧକ୍କା ସାବ୍ୟସ୍ତ ହୋଇଛି । ଓଜେସିର ଏହି ପଦକ୍ଷେପ ଆଗାମୀ ଦିନରେ ରାଜ୍ୟରେ ଏକ ନୂଆ ଆଞ୍ଚଳିକ ବିକଳ୍ପ ସୃଷ୍ଟି କରିବା ଦିଗରେ କେତେ ପ୍ରଭାବ ପକାଉଛି, ତାହା ଉପରେ ଏବେ ସମସ୍ତଙ୍କ ନଜର ।