Odisha Janamata : ଭଞ୍ଜନଗର ରେ ଆରମ୍ଭ ହେଲା ଫୁଟବଲ ମେଚ ||

ଭଞ୍ଜନଗର ରେ ଆରମ୍ଭ ହେଲା ଫୁଟବଲ ମେଚ ||

16-Dec-2024

ଭଞ୍ଜନଗର ଠାରେ ପୁଣି ଆରମ୍ଭ ହେଲା ଫ୍ଲଡ଼ ଲାଇଟ ଫୁଟବଲ ମ୍ୟାଚ,

ଓଡିଶା ଜନମତ ବ୍ୟୁରୋ,

ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ ଷ୍ଟାଡିଅମ ଠାରେ ଆରମ୍ଭ ହେଲା ପଞ୍ଚମ ଦିବାରାତ୍ର ଫୁଟବଲ ମ୍ୟାଚ। ଆଜି ର ପ୍ରଥମ ଫୁଟବଲ ମ୍ୟାଚ ଜେଡିକ୍ଲୁବ ଫୁଲବାଣୀ ଓ ଏ. ଗୁରୁବା ଫୁଟବଲ ଭଞ୍ଜନଗର ମଧ୍ୟରେ ରେ ଖେଳ ଆରମ୍ଭ ହୋଇଥିଲା।ଏହି ମ୍ୟାଚକୁଭଞ୍ଜନଗର ଏ. ଗୁରୁବା ଏକାଦଶ ପେନାଲଟିକ ସୁଟ ଆଉଟ ଜରିଆରେ ୪ - ୧ ଗୋଲରେ ଫୁଲବାଣୀ ଜେଡି ଫୁଟବଲ କ୍ଲବ କୁ ପରାସ୍ତ କରିଥିଲା।
ଏହି ମ୍ୟାଚ ରେ ମୁଖ୍ୟ ଅତିଥି ଭାବେ ତନରଡ଼ା ଅଷ୍ଟମ ଭାରତୀୟ ସ୍ୱତନ୍ତ୍ର ସରଂକ୍ଷୀତ ବାହିନୀର ଦୁର୍ଗପତି ସୁଧାକର ମିଶ୍ର, ସଂମ୍ମାନିୟ ଅତିଥି ଭାବେ ଉପଖଣ୍ଡ ଆରକ୍ଷୀ ଅଧିକାରୀ ସୁଜିତ କୁମାର ନାୟକ,ବିଜ୍ଞ୍ୟାପିତ ଅଂଚଳ ପରିଷଦ ଅଧ୍ୟକ୍ଷ ଗୋପବନ୍ଧୁ ମହାପାତ୍ର, କବି ପ୍ରଶାନ୍ତ ମାହାନ୍ତି ପ୍ରମୁଖ ଉପସ୍ଥିତ ଥିଲେ।ଗଞ୍ଜାମ ଜିଲ୍ଲା ରେ ସଂଧ୍ୟାକାଳୀନ ଫ୍ଲଡ଼ଲାଇଟ ମ୍ୟାଚ ପ୍ରଥମ ଥର ପାଇଁ ଭଞ୍ଜନଗର ରେ ଅନୁଷ୍ଠିତ ହୋଇଥିବା ବେଳେ ଦର୍ଶକ ମାନେ ଆକୃଷ୍ଠିତ ହୋଇ ଖେଳକୁ ଉପଭୋଗ କରୁଥିବାର ଦେଖା ଯାଇଥିଲା।ଆୟୋଜକ ଙ୍କ ସୁଚନା ଅନୁସାରେ ଆଠ ଗୋଟି ମ୍ୟାଚ ଅନୁଷ୍ଠିତ ହେବ ଓ ଏଥିରେ କନ୍ଧମାଳ, ସୋନପୁର, ଭୁବନେଶ୍ୱର ,ଭଞ୍ଜନଗର ଭଳି ବିଭିନ୍ନ ଦଳ ଖେଳିବେ।ଏହି ମ୍ୟାଚ ରେ ବହୁ ବିଦେଶୀ ଖେଳାଳି ଖେଳିବେ। ସୂଚନାଯୋଗ୍ୟ ଯେ ବିଗତ ଦିନ ମାନଙ୍କରେ ଭଞ୍ଜନଗର କବି ସମ୍ରାଟ ପଡିଆ ଠାରେ ଅନେକ ରାଜ୍ୟ ସ୍ତରୀୟ ଓ ଜାତୀୟ ସ୍ତରୀୟ ଫୁଟବଲ ଖେଳ ପ୍ରତିଯୋଗିତା ହେଉଥିଲା ଏପରିକି ଭଞ୍ଜନଗର ସହର ରେ ତଥା ମରାଠୀ ସାହି ର କିଛି ଉଦୟମାନ ଖେଳାଳି ବର୍ତ୍ତମାନ ଜାତୀୟ ଫୁଟବଲ ଟିମ ରେ ସ୍ଥାନ ପାଇଛନ୍ତି,କିନ୍ତୁ ଆଜି ପ୍ରଯ୍ୟନ୍ତ ଉକ୍ତ ଖେଳ ପଡ଼ିଆର ବିକାଶ ହୋଇପାରିନି।ସ୍ଥାନୀୟ କ୍ରୀଡା ପ୍ରେମୀ ମନା କରିବା ସ୍ଵତ୍ତ୍ୱେ ମଧ୍ୟ ଖେଳ ପଡିଆକୁ ବିଭିନ୍ନ ମେଳା ଓ ମହୋତ୍ସବ ପାଇଁ ଭଡାରେ ଦେବା ଫଳରେ ଥିବା ପଡ଼ିଆ ଟି ଧ୍ୱଂସ ହେବାରେ ଲାଗିଛି।କିନ୍ତୁ ଆଜି କିଛି ଖେଳ ପ୍ରେମିଙ୍କ ଚେଷ୍ଟା ଫଳରେ ପୁଣି ଏକ ରାଜ୍ୟ ସ୍ତରୀୟ ଫୁଟବଲ ମ୍ୟାଚ ଆୟୋଜନ କରାଯାଇଥିବାରୁ ଖେଳ ପ୍ରେମୀ ମାନଙ୍କ ମଧ୍ୟରେ ଉତ୍ସାହ ଦେଖା ଦେଇଛି।