Odisha Janamata : ବାହା ମଳ ତ୍ୟାଗ ଉପରେ ବ୍ରହ୍ମପୁର ପୌର ପରିଷଦ ର କାର୍ଯ୍ୟାନୁଷ୍ଠାନ ନିତୀ କୋହଳ |

ବାହା ମଳ ତ୍ୟାଗ ଉପରେ ବ୍ରହ୍ମପୁର ପୌର ପରିଷଦ ର କାର୍ଯ୍ୟାନୁଷ୍ଠାନ ନିତୀ କୋହଳ |

06-Sep-2026

ପୌରପରିଷଦର ବାହ୍ୟ ମଳତ୍ୟାଗ ଉପରେ କାର୍ଯ୍ୟାନୁଷ୍ଠାନ ନୀତି କୋହଳ ।
ହିଞ୍ଜିଳିକାଟୁ ପୌରାଞ୍ଚଳରେ ଜନତାଙ୍କ ପାଇଁ ରାଜ୍ୟ ସରକାରଙ୍କ ପକ୍ଷରୁ ନିର୍ମାଣ କରାଯାଇଛି ସୁଲଭ ଶୌଚାଳୟ । ପୁର୍ବ ସରକାରଙ୍କ ଅମଳରେ ଶୌଚାଳୟ ଗୁଡ଼ିକ ଲୋକଙ୍କ ସକାଶେ ଦେୟ ମୁକ୍ତ କରାଯାଇଛି । ତେବେ ଏହିସବୁ ଶୌଚାଳୟ ଥିଲେ ମଧ୍ୟ କୌଣସି ନା କୌଣସି କାରଣରୁ କାମରେ ଆସୁନଥିବା ଜଣାପଡିଛି । ଯାଦ୍ବାର ପୌରାଞ୍ଚଳର ବହୁ ସ୍ଥାନରେ ବାହ୍ୟ ମଳତ୍ୟାଗ କରିବା ଦେଖିବା ମିଳିଛି । ପ୍ରକାଶଥାଉକି ରାଜ୍ୟବ୍ୟାପି ସହରାଞ୍ଚଳ ଜନସମ୍ପର୍କ ଓ ନାଗରିକ ଭାଗୀଦାରୀ କାର୍ଯକ୍ରମ ହିଞ୍ଜିଳିକାଟୁ ଅଞ୍ଚଳର ୧ ନମ୍ବର ଓ୍ବାର୍ଡ ଠାରୁ ୨୧ ନମ୍ବର ୱାର୍ଡ ପର୍ଯ୍ୟନ୍ତ ବିଭିନ୍ନ ସ୍ଥାନରେ ଥିବା କଲ୍ୟାଣ ମଣ୍ଡପ ଠାରେ ଲୋକଙ୍କୁ ନେଇ ଅନୁଷ୍ଠିତ ହୋଇଯାଇଛି । ଏଥିରେ ସରକାରଙ୍କ ବିଭିନ୍ନ ଲୋକ କଲ୍ୟାଣକାରୀ ଯୋଜନା ସମ୍ପର୍କରେ କେବଳ ଲୋକଙ୍କୁ ମଧ୍ୟ ଅବଗତ କରାଯାଇଥିଲା । ଫୋଟ ଉଠାଇ ଏବଂ ଖଣ୍ଡେ କାଗଜରେ ଏହି ସଚେତନତା ଦିଆଗଲା ।ସେହିଭଳି ଏହି ଉପଲକ୍ଷେ ପୌରପରିଷଦ ତରଫରୁ ସମୂହ ସଫେଇ ଅଭିଯାନ କାର୍ଯକ୍ରମର ଫୋଟ ଗୁଡ଼ିକ ମଧ୍ୟ ବିଭାଗୀୟ ଅଧିକାରୀଙ୍କୁ ସେୟାର କରି କାମ ସମ୍ପୂର୍ଣ୍ଣ କରିଛନ୍ତି । କିନ୍ତୁ ସଫେଇ କାର୍ଯ୍ୟକ୍ରମ ସୁଚାରୁରୂପେ ସଫଳ ରୂପାୟନ ବେଳେ ବାହ୍ୟ ମଳତ୍ୟାଗ ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଛି । ବାହ୍ୟ ମଳତ୍ୟାଗ କରିବା ବ୍ୟକ୍ତିଙ୍କ ଉପରେ ଆଖି ଦୃଷ୍ଟିଆ ପଦକ୍ଷେପ ନିଆଯାଇନଥିବା କିମ୍ବା ତଣ୍ଡ ଆଦାୟ କରାଯାଇନଥିବା ରହିଛି ବରଂ ସେମାନଙ୍କ ପ୍ରତି ସହାନୁଭୂତି ରହିଛି ବୋଲି ଜଣାପଡୁଛି । ଅନ୍ୟ ପଟରୁ ସହରାଞ୍ଚଳରେ ଥିବା ବସଷ୍ଟାଣ୍ଡ ନିକଟରେ ଥିବା ଶୌଚାଳୟ ଭୋର ୫ଘଣ୍ଟ ଠାରୁ ରାତ୍ରି ପ୍ରାୟ ୯ ଘଣ୍ଟ ପର୍ଯ୍ୟନ୍ତ ଖୋଲା ଥିବା ବେଳେ ବାକି ସବୁ ଶୌଚାଳୟ କଥା ନକହିବା ଭଲ । ଶୌଚାଳୟ ଗୁଡିକର ସିସିଟିଭି ଏବଂ ଦାୟିତ୍ୱରେ ଥିବା ବ୍ୟକ୍ତି କିମ୍ବା ଯେ କୌଣସି ସଂସ୍ଥା ତରଫରୁ ଉଚିତ ପଦକ୍ଷେପ ହୋଇଥାନ୍ତା କିମ୍ବା ବାହ୍ୟ ମଳତ୍ୟାଗକାରୀ ଉପରେ କାର୍ଯ୍ୟାନୁଷ୍ଠାନ ନିଆଯାଇଥାନ୍ତା ତେବେ ପୌରପରିଷଦ ହିଞ୍ଜିଳିକାଟୁ ବାହ୍ୟ ମଳତ୍ୟାଗ କ୍ଷେତ୍ରରେ ସମ୍ପୂର୍ଣ୍ଣ ସଫଳ ହୋଇପାରିଥାନ୍ତା ବୋଲି ସାଧାରଣରେ ମତ ପ୍ରକାଶ ପାଇଛି ।