Odisha Janamata : ପୃଥକ ପୃଥକ ଦୁର୍ଘଟଣା ରେ କୋଦଳା ଠାରେ ଜଣେ ମୃତ, ପାଞ୍ଚ ଗୁରୁତର,

ପୃଥକ ପୃଥକ ଦୁର୍ଘଟଣା ରେ କୋଦଳା ଠାରେ ଜଣେ ମୃତ, ପାଞ୍ଚ ଗୁରୁତର,

10-Sep-2026

କୋଦଳା ଠାରେ ପୃଥକ ପୃଥକ ଦୁର୍ଘଟଣାରେ ଜଣେ ମୃତ, 5 ଗୁରୁତର

ଜନମତ ଓଡିଶା, କୋଦଳା : 10/09/2020

ନରେନ୍ଦ୍ର ନାଥ ଗୌଡ଼
କୋଦଳା :10/09/26 : ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ କୋଦଳା-ଖଲ୍ଲିକୋଟ ରାଜ୍ୟ ରାଜପଥ ଏବଂ କୋଦଳା ଠାରୁ ସିଂହାଂସନୀ ରାସ୍ତାରେ ଗୁରୁବାର ଦିନ ଦୁଇଟି ପୃଥକ ଦୁର୍ଘଟଣା ଘଟି ଜଣେ ବ୍ୟକ୍ତି ପ୍ରାଣ ହରାଇଥିବା ବେଳେ ପାଞ୍ଚଜଣ ଗୁରୁତର ଆହତ ହୋଇଛନ୍ତି l ପ୍ରାପ୍ତ ସୂଚନାରୁ ପ୍ରକାଶ ଆଜି ଅପରାହ୍ନ ପ୍ରାୟ 1:30 ସମୟରେ କଞ୍ଚଣା ପଟୁ କୋଦଳା ଅଭିମୁଖେ ଆସୁଥିବା ଏକ ହାଇୱା କୋଦଳା ଲୁହାଶଙ୍ଖ ନିକଟରେ ସାଇକେଲ ରେ ଆସୁଥିବା ଜଣେ ବ୍ୟକ୍ତିଙ୍କୁ ଧକ୍କା ଦେଇଥିଲା l ଫଳରେ ଘଟଣାସ୍ଥଳରେ ସାଇକେଲ ଆରୋହୀଙ୍କ ମୃତ୍ୟ ଘଟିଥିଲା l ଘଟଣାସ୍ଥଳରେ କୋଦଳା ପୁଲିସ ପହଞ୍ଚି ହାଇୱା ଜବତ କରି ଡ୍ରାଇଭରକୁ ଅଟକକହିଥିବାବେଳେ ମୃତକଙ୍କ ପରିଚୟ ଜଣାପଡ଼ିନାହିଁ l ଅନ୍ୟପକ୍ଷରେ ଆଜି ସକାଳ 10 ଘଣ୍ଟ ସମୟ ରେ ଏକ ଯାତ୍ରୀବାହି ଅଟୋ ଓଲଟି ଚାରିଜଣ ମହିଳା ଓ ଜଣେ ପୁରୁଷ ଗୁରୁତର ଆହତ ହୋଇ ବ୍ରହ୍ମପୁର ବଡମେଡିକାଲ ସ୍ଥାନାନ୍ତର ହୋଇଥିବା ଜଣାପଡ଼ିଛି l ସୂଚନା ପ୍ରକାରେ ବର୍ତ୍ତମାନ ବିଲକାମ ଚାଲିଥିବା ବେଳେ କୋଦଳା ଖଲାଡି ସାହିର କିଛି ମହିଳା ନିଜ ପରିବାର ଚଳାଇବାବା ପାଇଁ ଅର୍ଥ ସଂଗ୍ରହ ନିମନ୍ତେ ବାଘୁଆ ପାହାଡ ନିକଟ କୁ ଧାନ ବାଛିବା ନିମନ୍ତେ ଯାଇଥିଲେ ! କାର୍ଯ୍ୟ ଶେଷ ହେବା ପରେ ରାସ୍ତା ଉପରକୁ ଆସି କୋଦଳା ଅଭିମୁଖେ ଯାଉଥିବା ଏକ ଯାତ୍ରୀବାହି ଅଟକୁ ହାତ ମାରି କୋଦଳା ନେଇଯିବା କହିଥିଲେ, ଡ୍ରାଇଭରଙ୍କ ସହମତି କ୍ରମେ 5 ଜଣ ଉକ୍ତ ଅଟୋରେ ବସିଥିଲେ l କିଛିବାଟ ଗଲାପରେ ବାଘୁଆ ଭୂଇଁଢିମିରା ବାଙ୍କ ନିକଟରେ କୌଣସି କାରଣରୁ ଅଟୋଟି ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା l ସେଠାରୁ କୌଣସି ପ୍ରକାରେ ଆହତଙ୍କୁ ଆଣି କୋଦଳା ମେଡିକାଲରେ ଭର୍ତ୍ତି କରାଯାଇଥିଲା l ଅଟୋରେ ବସିଥିବା ଅମୁଲ୍ୟ ନାହାକ (45)ଙ୍କ ବାମ ହାତ ଭାଙ୍ଗି ଯାଇଥିବା ବେଳେ ସୁନି ନାହାକ(37)ଙ୍କ ଡାହାଣ ଗୋଡ଼,ଉରୀ ନାହାକ(30)ଙ୍କ ମୁଣ୍ଡ,ରଞ୍ଜନ ସାହୁ (35) ଙ୍କ ଗୋଡ଼ ମାଡ଼, ଝୁନୁ ବେହେରା (45)ଙ୍କ ହାତ ଓ ଛାତି ରେ ଆଘାତ ଲାଗିଥିଲା l କିନ୍ତୁ ଅବସ୍ଥା ଗୁରୁତର ଥିବାରୁ ତୁରନ୍ତ ସେମାନଙ୍କୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲ ପଠାଇ ଦିଆଯାଇଛି l ଦୁର୍ଘଟଣା ଘଟିଥିବା ଯାତ୍ରୀବାହି ଅଟୋଟିକୁ ପୋଲିସ ଗିରଫ କରିବା ସହିତ ଡ୍ରାଇଭରକୁ ଅଟକ ରଖିଥିବା ଜଣାପଡ଼ିଛି l