Odisha Janamata : ଶାରଳା ସଂସ୍କୃତ ମହା ବିଦ୍ୟାଳୟ ର 14 ତମ ପ୍ରତିଷ୍ଠା ଦିବସ ପାଳିତ ||

ଶାରଳା ସଂସ୍କୃତ ମହା ବିଦ୍ୟାଳୟ ର 14 ତମ ପ୍ରତିଷ୍ଠା ଦିବସ ପାଳିତ ||

10-Sep-2026

ସାରଳା ସଂସ୍କୃତ ମହାବିଦ୍ୟାଳୟ ର. 14 ତମ ପ୍ରତିଷ୍ଠା ଦିବସ, ପ୍ରତିଷ୍ଠାତା ଙ୍କ ଦ୍ୱିତୀୟ ଶ୍ରାଦ୍ଧବାର୍ଷିକୀ |

ଓଡିଶା ଜନମତ,ଜଗତସିଂହପୁର ଜ୍ୟୋତିରଞ୍ଜନ ପଟ୍ଟନାୟକ....

ଜଗସତସିଂହପୁର ଜିଲ୍ଲା ବାଲିକୁଦା ବ୍ଲକ ଅନ୍ତର୍ଗତ ମୁଳୁଗାଁ କରମଙ୍ଗ ସ୍ଥିତ ସାରଳା ସଂସ୍କୃତ ସ୍ନାତକ ମହାବିଦ୍ୟାଳୟ ର 34ତମ ପ୍ରତିଷ୍ଠା ଦିବସ ଓ ପ୍ରତିଷ୍ଠାତା ନରେନ୍ଦ୍ର ନାଥ ମହାନ୍ତି ଙ୍କ ର ଦ୍ୱିତୀୟ ଶ୍ରାଦ୍ଧଉତ୍ସବ ଏବଂ ଗୁରୁ ପୂଜନ ଉତ୍ସବ ମହାବିଦ୍ୟାଳୟ ସମ୍ମିଳନୀ କକ୍ଷରେ ମହାସମାରୋହରେ ପାଳିତ ହୋଇଯାଇଛି | ମହାବିଦ୍ୟାଳୟ ଅଧକ୍ଷ୍ୟ ଡ଼ଃ ଅଜୟ କୁମାର ମୁଦୁଲି ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ଉତ୍ସବ କୁ ଅତିଥିମାନେ ପହଂଚି ମାଟିର ମହାକବି ସାରଳା ଦାସଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରିସାରିବା ପରେ ମହାବିଦ୍ୟାଳୟ ର ପ୍ରତିଷ୍ଠାତା ନଗେନ୍ଦ୍ର ନାଥ ମହାନ୍ତି ଙ୍କ ଫଟୋ ଚିତ୍ର ରେ ମାଲ୍ୟାର୍ପଣ କରିଥିଲେ | ଏହି କାର୍ଯ୍ୟ କ୍ରମରେ ଗୀତା ମିଶନ ଆନ୍ତର୍ଜାତିକ ଅଧକ୍ଷ୍ୟ ଡ଼ଃ ସ୍ୱାମୀ ଚିଦାନନ୍ଦ ପ୍ରଦୀପ ପ୍ରଜ୍ବଳନ କରି ଏହି ଉତ୍ସବ କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ | ସେହିପରି ମୁଖ୍ୟ ଅତିଥିଭାବେ ଶାନ୍ତି ନିକେତନ ବିଶ୍ୱ ଭାରତୀ ମହାବିଦ୍ୟାଳୟ ଅଧକ୍ଷ୍ୟ ପ୍ରଫେସର ବୈଷ୍ଣବ ଚରଣ ସାମଲ ଯୋଗଦେଇ ମହାବିଦ୍ୟାଳୟ ପ୍ରତିଷ୍ଠାତା ଙ୍କ ଅକୁଣ୍ଠ ଦାନର ଭୁୟସୀ ପ୍ରଶଂସା କରିଥିଲେ l ଏଥିରେ ମୁଖ୍ୟ ବକ୍ତା ଭାବେ ପ୍ରଫେସର ଡ଼ଃ ପ୍ରଭାବତୀ ପଣ୍ଡା ଯୋଗଦେଇ ଗୁରୁ ପୂଜନ ଉତ୍ସବ ପାଳନ ଉପରେ ସମ୍ୟକ ସୂଚନା ଦେଇ ମହାବିଦ୍ୟାଳୟ ର ଉତ୍ତରତୋର କାମନା କରିଥିଲେ l ଏହି କାର୍ଯ୍ୟକ୍ରମ ରେ ଚୈତନ୍ୟ କୁମାର ରାଉତ, ଉତ୍କଳ ଗ୍ରାମ୍ୟ ସ୍ୱରାଜ ସଭାପତି କଳିଙ୍ଗରତ୍ନ ବ୍ରହ୍ମାନନ୍ଦ ମହାନ୍ତି, ସମାନିତ ଅତିଥିଭାବେ ସ୍ତମ୍ଭକାର ଅଧ୍ୟାପିକା ମୀରା ବେଉରା, ଶିକ୍ଷାବିତ ନିରଞ୍ଜନ ପଣ୍ଡା ଓ କୈଳାସ ଚନ୍ଦ୍ର ବିଶ୍ୱାଳ ପ୍ରମୁଖ ଯୋଗଦେଇ ମହାବିଦ୍ୟାଳୟ ଘଟଣା ବଳିର ସମ୍ୟକ ସୂଚନା ପ୍ରଦାନ କରିଥିଲେ l ଏହି କାର୍ଯ୍ୟକ୍ରମ ରେ ବୁଦ୍ଧିଜୀବୀ ପରିଷଦ ସଭାପତି ପଦ୍ମଚରଣ ସ୍ୱାଇଁ ସ୍ୱାଗତ ଭାଷଣ ଦେଇଥିବା ବେଳେ ବାବାଜୀ ଚରଣ ଭୋଳ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ | ଶେଷରେ ଅଶୋକ କୁମାର ମହାନ୍ତି ଧନ୍ୟବାଦ ଅର୍ପଣ କରି ସଭାସାଙ୍ଗ କରିଥିଲେ | ଏହି ଉତ୍ସବରେ ମହାବିଦ୍ୟାଳୟ ର ସମସ୍ତ କର୍ମଚାରୀ ସହଯୋଗ କରିଥିଲେ l