Odisha Janamata : ହାଇଦ୍ରାବାଦ ରେ ପୁଷ୍ପା 2 ପ୍ରିମିୟର ବେଳେ ହଲରେ ଦଳ ଚକଟା ରେ ଜଣେ ମୃତ |

ହାଇଦ୍ରାବାଦ ରେ ପୁଷ୍ପା 2 ପ୍ରିମିୟର ବେଳେ ହଲରେ ଦଳ ଚକଟା ରେ ଜଣେ ମୃତ |

05-Dec-2024

‘ପୁଷ୍ପା-୨’ ପ୍ରିମିୟର ବେଳେ ଦଳାଚକଟା, ଜଣେ ମୃତ,

ଓଡିଶା ଜନମତ ବ୍ୟୁରୋ ,

ନୂଆଦିଲ୍ଲୀ, ୫।୧୨ : ପୁଷ୍ପା– ୨ ରିଲିଜରେ ବଡ଼ ଅଘଟଣ। ଦଳାଚକଟାରେ ଚାଲିଗଲା ଫ୍ୟାନଙ୍କ ଜୀବନ । ହାଇଦ୍ରାବାଦରେ ଗତକାଲି ରାତିରେ ପୁଷ୍ପା– ୨ ପ୍ରିମିୟର୍ ଶୋ’ ହୋଇଥିଲା।ଏଥିରେ ପୁଷ୍ପା ଅର୍ଥାତ ଅଲୁ ଅର୍ଜୁନ୍ ଓ ରଶ୍ମିକା ମନ୍ଦନା ସାମିଲ ହୋଇ ଥିଲେ। ତାଙ୍କୁ ଦେଖିବାକୁ ଏଠା ରେ ବହୁ ସଂଖ୍ୟାର ପ୍ରଶଂସକ ଭିଡ଼ ଜମିଥିଲା। ଅଭିନେତାଙ୍କ ଗୋଟିଏ ଝଲକ ପାଇବା ପାଇଁ ଲୋକଙ୍କ ମଧ୍ୟରେ ଦଳାଚକଟା ପରିସ୍ଥିତି ଉପୁଜିଥିଲାଗତକାଲି ସନ୍ଧ୍ୟାରେ ଜଞଉ କ୍ରସ୍ରୋଡରେ ଥିବା ଥୁଏଟର୍ ବାହାରେ ଧସ୍ତା ଧସ୍ତି ପରିସ୍ଥିତି ବି ଉପୁଜିଥିଲା। ତେବେ ଏଥିରେ ଜଣେ ୩୯ ବର୍ଷୀୟ ମହିଳାଙ୍କ ମୃତ୍ୟୁ ହୋଇଛି। ଭିଡକୁ ନିୟନ୍ତ୍ରଣ କରିବା ପାଇଁ ପୁଲିସ ଲାଠି ଚାର୍ଜ ମଧ୍ଯ କରିଥିଲା। ସେହି ପରି ଦଳାଚକଟାରେ ଅନେକ ଆହତ ମଧ୍ୟ ହୋଇଛନ୍ତି। ଆହତଙ୍କ ମଧ୍ଯରେ ଛୋଟ ପିଲା ମଧ୍ଯ ଅଛନ୍ତି। ସେମାନଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ମୃତ ମହିଳା ଜଣକ ହାଇଦ୍ରାବ ଦିଲସୁଖନଗରର ରେବତୀ ବୋଲି ଜଣାପଡିଛି।

ସୂଚନା ମୁତାବକ, ପୁଷ୍ପା–୨ ପ୍ରିମିୟର ଶୋ’ ଦେଖୁବା ପାଇଁ ରେବତୀ ତାଙ୍କ ସ୍ଵାମୀ ଭାସ୍କର ଓ ଦୁଇ ପିଲାଙ୍କୁ ନେଇ ଆସି ଥିଲେ। ଏହି ସମୟରେ ଥି ଏଟର ବାହାରେ ପ୍ରବଳ ଭିଡ ଜମିଥିଲା । ଲୋକେ ଫିଲ୍ମ ହଲ୍‌ର ଗେଟ୍ ଭାଙ୍ଗି ଦେଇ ଥିଲେ। ପ୍ରବଳ ଉତ୍ତେଜନା ଭିତରେ ରେବତୀ ଓ ତାଙ୍କ ପୁଅ ଚେତାଶୂନ୍ୟ ହୋଇପଡି ଥିଲେ। ଏହାପରେ ଉଭୟଙ୍କୁ ଚିକିତ୍ସା ପାଇଁ ଦୁର୍ଗା ବାଇ ଦେଶମୁଖ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ରେବତୀଙ୍କୁ ମୃତ ଘୋଷଣା କରିଛନ୍ତି । ସେପଟେ ଘଟଣାକୁ ନେଇ ତଦନ୍ତ ଜାରି ରହିଛି।