Odisha Janamata : ପୋଲିସ ତରଫରୁ ହେଲମେଟ ପିନ୍ଧିବା ଉପରେ ଅନ୍ୟାନ୍ୟ ସଚେତନ ତା କାର୍ଯ୍ୟକ୍ରମ!|

ପୋଲିସ ତରଫରୁ ହେଲମେଟ ପିନ୍ଧିବା ଉପରେ ଅନ୍ୟାନ୍ୟ ସଚେତନ ତା କାର୍ଯ୍ୟକ୍ରମ!|

07-Sep-2026

ହେଲମେଟ୍ ପିନ୍ଧିବା ଲୋକଙ୍କୁ ପୋଲିସ ତରଫରୁ ଗୋଲାପଫୁଲ ଦେଇ ଦିଆଗଲା ସାଧୁବାଦ ।

ଓଡ଼ିଶା ଜନମତ,ଛତ୍ରପୁର, ତା. ୭ / ୯,

କେ. ସତ୍ୟନାରାୟଣ ରେଡ୍ଡୀ:------

ଗଞ୍ଜାମ ଜିଲ୍ଲାର ପୋଲିସ ମହକୁମା ଛତ୍ରପୁର ଥାନା ପକ୍ଷରୁ ସହରର ଘଣ୍ଟାଘର ଛକ ଠାରୁ ସଡ଼କ ସୁରକ୍ଷାର ବାର୍ତ୍ତା ପ୍ରଦାନ କରି ହେଲମେଟ୍ ପିନ୍ଧିବା ବାଧ୍ୟତା ମୂଳକ ବୋଲି ଜନସାଧାରଣ ଙ୍କୁ ସଚେତନତା ସୃଷ୍ଟି କରାଯାଇଛି । ଗଞ୍ଜାମ ପୋଲିସ ପ୍ରଶାସନ ପକ୍ଷରୁ ଏହି ସଚେତନତା ସୃଷ୍ଟି ଅଭିଯାନ ଜିଲ୍ଲାର ସମସ୍ତ ଥାନା ଅଞ୍ଚଳରେ ଜାରୀ ରହିଛି ବୋଲି କୁହାଯାଇଛି ।ସୋମବାର ଅପରାହ୍ନରେ ଆମ ପୋଲିସ ସମିତି ଓ ଛତ୍ରପୁର ଥାନା ପକ୍ଷରୁ ଆୟୋଜିତ ସଡ଼କ ସୁରକ୍ଷା ସଚେତନତା ରାଲିରେ ଛତ୍ରପୁର ଥାନା ଅଧିକାରୀ ସବ୍ୟସାଚୀ ମଲ୍ଲ ସାର୍ ହେଲମେଟ୍ ପିନ୍ଧି ଗାଡ଼ି ଚଳାଉଥିବା ଚାଳକଙ୍କୁ ଅଟକାଇ ଗୋଲାପଫୁଲ ଦେଇ ସାଧୁବାଦ ଜଣାଇଛନ୍ତି ।
ସେହିପରି ଅନ୍ୟ ମାନଙ୍କୁ ଯେଉଁ ମାନେ ହେଲମେଟ୍ ନ ପିନ୍ଧି ଗାଡ଼ି ଚଳାଇଥାନ୍ତି , ସେ ଭଳି ଚାଳକଙ୍କୁ ସଚେତନତା ର ବାର୍ତ୍ତା ଦେଇଛନ୍ତି ,ଗାଡ଼ି ଚଲେଇଲାବେଳେ ହେଲମେଟ୍ ପିନ୍ଧି ଗାଡ଼ି ଚଳାଇବାକୁ ଉପଦେଶ ଦେଇଛନ୍ତି । ଏହି ସଚେତନତା ରାଲିରେ ଏସଡିପିଓ ଚନ୍ଦନ ଘଡ଼େଇ ଙ୍କ ସମେତ ବହୁ ବରିଷ୍ଠ ପୋଲିସ ଅଧିକାରୀ ଓ ପୋଲିସ କର୍ମଚାରୀମାନେ ଯୋଗଦେଇ ସକ୍ରୀୟ ଅଂଶଗ୍ରହଣ କରିଥିଲେ ।।