Odisha Janamata : ଧାନ ଗଦାରେ ନିଆଁ ଲାଗି ପୋଡ଼ିଗଲା ବହୁତ ଧାନ, ଚିନ୍ତାରେ ଚାଷୀ |

ଧାନ ଗଦାରେ ନିଆଁ ଲାଗି ପୋଡ଼ିଗଲା ବହୁତ ଧାନ, ଚିନ୍ତାରେ ଚାଷୀ |

15-Dec-2024

ଧାନ ଗଦାରେ ନିଆଁ ଲାଗି ସମ୍ପୂର୍ଣ୍ଣ କ୍ଷତି, ଚିନ୍ତାରେ ଧାନ ଚାଷୀ,

ଓଡିଶା ଜନ ମତ ବ୍ୟୁରୋ ,

ପୋଲସରା ୧୪/୧୨/୨୪ ପୋଲସରା ଥାନା ଅନ୍ତର୍ଗତ ଖଣ୍ଡୁରୁ ଗ୍ରାମରେ ଜଣେ ଚାଷୀଙ୍କ ଦୁଇ ଧାନ ଗଦାରେ ନିଆଁ ଲାଗି ସମ୍ପୂର୍ଣ୍ଣ ଜଳିପୋଡି ପାଉଁଶ ହୋଇଯାଇଥିବା ବେଳେ ଏବେ ଚିନ୍ତାରେ ଧାନ ଚାଷୀ। ସୂଚନା ଅନୁସାରେ ଖଣ୍ଡୁରୁ ଗ୍ରାମର ଇନ୍ଦ୍ରମଣି ପ୍ରଧାନ ନିଜ ୩ ଏକର ଜମିର ଧାନ କାଟି ଆଣି ଖଳାରେ ଗଦା କରି ରଖିଥିଲେ। ବିଗତ ରାତି ୪ ଘଣ୍ଟା ସମୟରେ କେହିଜଣେ ଦୁର୍ବୃତ୍ତ ଦୁଇ ଧାନ ଗଦାରେ ନିଆଁ ଲଗାଇ ଦେଇଥିଲା। ଇନ୍ଦ୍ରମଣି ଜାଣିବା ପରେ ପୋଲସରା ଅଗ୍ନିଶମ ବିଭାଗକୁ ଖବର ଦେଇଥିଲେ। ତୁରନ୍ତ ଖବର ପାଇ ଅଗ୍ନିଶମ ବାହୀନି ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ଯ ୩ ଏକରର ଦୁଇ ଧାନ ଗଦା ସମ୍ପୃର୍ଣ୍ଣ ଜଳିପୋଡି ପାଉଁଶ ହୋଇଯାଇଥିଲା। ନିଜର କଷ୍ଟ ଅର୍ଜିତ ଧାନ ପୋଡ଼ି ପାଉଁଶ ହୋଇଯିବାପରେ ବର୍ଷକର ଖାଦ୍ୟ ଭରଣ କରିବା ସହିତ କରିଥିବା ଋଣକୁ ସୁଝିବା ତାଙ୍କ ପକ୍ଷେ କଷ୍ଟକର ହୋଇପଡିଥିବା ବେଳେ ଏବେ ଚାଷୀ ଇନ୍ଦ୍ରମଣି ଚିନ୍ତାରେ ପଡିଯାଇଛନ୍ତି। ସହାୟତା ପ୍ରଦାନ ପାଇଁ ପ୍ରଶାସନକୁ ନିବେଦନ କରିଛନ୍ତି।