Odisha Janamata : ଗଞ୍ଜାମ ଜିଲ୍ଲା ରେ ପରଖ ରାଷ୍ଟ୍ରୀୟ ସର୍ବେକ୍ଷଣ

ଗଞ୍ଜାମ ଜିଲ୍ଲା ରେ ପରଖ ରାଷ୍ଟ୍ରୀୟ ସର୍ବେକ୍ଷଣ

07-Dec-2024

ଗଂଜାମ ଜିଲ୍ଲାରେ "ପରଖ ରାଷ୍ଟ୍ରୀୟ ସର୍ବେକ୍ଷଣ" କାର୍ଯ୍ୟକ୍ରମ ସମ୍ପାଦିତ

ସମଗ୍ର ଦେଶରେ ଶିକ୍ଷାର୍ଥୀମାନଙ୍କ ଶିକ୍ଷାର ମାନଦଣ୍ଡ ଆକଳନ ଏବଂ ଶିକ୍ଷା ସମ୍ପର୍କିତ ନୀତିଗତ ନିଷ୍ପତ୍ତି ନିମନ୍ତେ ଗତ ତା ୦୪/୧୨/୨୪ ରିଖରେ "ପରଖ ରାଷ୍ଟ୍ରୀୟ ସର୍ବେକ୍ଷଣ-୨୦୨୪" ଅନୁଷ୍ଠିତ ହୋଇଯାଇଛି । ଏହିକ୍ରମରେ ଗଂଜାମ ଜିଲ୍ଲାରେ ୧୨୬ଟି ବିଦ୍ୟାଳୟର ୪୧ଟି ତୃତୀୟ ଶ୍ରେଣୀର, ୫୦ଟି ଷଷ୍ଠ ଶ୍ରେଣୀର, ୫୭ଟି ନବମ ଶ୍ରେଣୀର ତଥ୍ୟ ସଂଗ୍ରହ କରାଯାଇଛି । ଗଂଜାମ ଜିଲ୍ଲାର ତୃତୀୟ ଶ୍ରେଣୀର ୧୦୨୨, ଷଷ୍ଠ ଶ୍ରେଣୀର ୧୨୫୭ ଏବଂ ନବମ ଶ୍ରେଣୀର ୧୭୦୪ଜଣ ଶିକ୍ଷାର୍ଥୀଙ୍କୁ ସର୍ବେକ୍ଷଣରେ ଗ୍ରହଣ କରାଯାଇ ଉକ୍ତ ସର୍ବେକ୍ଷଣ କାର୍ଯ୍ୟକ୍ରମ କରାଯାଇଥିଲା । ସେହି କ୍ରମରେ ତୃତୀୟ ଶ୍ରେଣୀରେ ୯୭ ଜଣେ, ଷଷ୍ଠ ଶ୍ରେଣୀରେ ୧୨୪ ଏବଂ ନବମ ଶ୍ରେଣୀରେ ୨୧୧ଜଣ ଶିକ୍ଷକ ସର୍ବେକ୍ଷଣରେ ସକ୍ରିୟ ସାମିଲ ହୋଇ ସ୍ୱକୀୟ ମତାମତ ପ୍ରକାଶ କରିଅଛନ୍ତି । ଏଥିସହିତ ୧୨୬ ଜଣ ପ୍ରଧାନଶିକ୍ଷକ ମଧ୍ୟ ନିଜର ମତାମତ ପ୍ରକାଶ କରିଅଛନ୍ତି । ସର୍ବେକ୍ଷଣରେ ଜିଲ୍ଲା ଶିକ୍ଷା ଓ ଶିକ୍ଷକ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ, ପ୍ରାଥମିକ ଶିକ୍ଷକ ଶିକ୍ଷା ପ୍ରତିଷ୍ଠାନ ପୋଲସରା ଓ ଚିକିଟିର ଗୁରୁ ଛାତ୍ରଛାତ୍ରୀ ତଥ୍ୟ ସଂଗ୍ରହକାରୀ ଭାବେ ଗୁରୁତ୍ଵପୂର୍ଣ୍ଣ ଭୂମିକା ନିର୍ବାହ କରିଥିଲେ । ରାଜ୍ୟ ଶିକ୍ଷା ଗବେଷଣା ଓ ପ୍ରଶିକ୍ଷଣ ପରିଷଦର ତତ୍ତ୍ୱାବଧାନରେ ଜିଲ୍ଲାରେ ଏହି ସମ୍ପୂର୍ଣ୍ଣ ପ୍ରକିୟାକୁ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନର ଅଧ୍ୟକ୍ଷ ଡକ୍ଟର ସନ୍ତୋଷ କୁମାର ପରିଡ଼ା ଓ ଜିଲ୍ଲା ଶିକ୍ଷା ଅଧିକାରିଣୀ ଶ୍ରୀମତୀ ଅମିତା ପଟ୍ଟନାୟକ ସଂଯୋଜନା ସହିତ ସର୍ବେକ୍ଷଣକୁ ସୂଚାରୁରୂପେ ସମ୍ପାଦନ କରିଥିଲେ । ଏହି କାର୍ଯ୍ୟ ସଠିକ୍ ରୂପେ ସମ୍ପାଦନ ସକାଶେ ତଥ୍ୟ ସଂଗ୍ରହକାରୀଙ୍କୁ ଅନୁଷ୍ଠାନର ବରିଷ୍ଠ ଶିକ୍ଷକ ପ୍ରଶିକ୍ଷିକା ଶ୍ରୀମତୀ ପ୍ରଜ୍ଞା ପାରମିତା ଓ ବରିଷ୍ଠ ଶିକ୍ଷକ ପ୍ରଶିକ୍ଷକ ଶ୍ରୀଯୁକ୍ତ ବିଷ୍ଣୁ ନାରାୟଣ ଜେନା ତାଲିମ ପ୍ରଦାନ କରିଥିଲେ । ଜିଲ୍ଲାର ସମସ୍ତ କାର୍ଯ୍ୟକୁ ସୂଚାରୁରୂପେ ସମ୍ପାଦନ ନିମନ୍ତେ ଗଂଜାମ ଜିଲ୍ଲା ଜିଲ୍ଲାପାଳ ଶ୍ରୀଯୁକ୍ତ ଦିବ୍ୟଜ୍ୟୋତି ପରିଡା ବ୍ୟକ୍ତିଗତ ଭାବେ ତଦାରଖ କରିଥିଲେ ।

ଦାଦନ ଛାଡି ଶ୍ରୀଧର ଏବେ ସଫଳ ଚାଷୀ |

ଶହେ ଦିନିଆ ସପନ ଯକ୍ଷ୍ମା ନିରାକରଣ ଅଭିଯାନ |