Odisha Janamata : ସପ୍ତମ ଏମ ସି ଏମ ଓରିଏଣ୍ଟ ସନ କାର୍ଯ୍ୟକ୍ରମ ଅନୁଷ୍ଠିତ |

ସପ୍ତମ ଏମ ସି ଏମ ଓରିଏଣ୍ଟ ସନ କାର୍ଯ୍ୟକ୍ରମ ଅନୁଷ୍ଠିତ |

17-Dec-2024

ସପ୍ତମ ଏମ୍. ସି. ଏମ୍. ଓରିଏଣ୍ଟେସନ କାର୍ଯ୍ୟକ୍ରମ ଅନୁଷ୍ଠିତ

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ ପକ୍ଷରୁ ଚଳିତ ମାସ ପାଇଁ ଏମ୍ ସି ଏମ ଅଭିମୁଖୀକରଣ ଉତ୍ସବ ପ୍ରତିଷ୍ଠାନର ସମ୍ମିଳନୀ କକ୍ଷରେ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ପ୍ରତିଷ୍ଠାନର ଅଧ୍ୟକ୍ଷ ତଥା ବିଶିଷ୍ଟ ଶିକ୍ଷାବିତ୍ ଡକ୍ଟର ସନ୍ତୋଷ କୁମାର ପରିଡ଼ା ସର୍ବପ୍ରଥମେ ଜଗତର ନାଥ ଶ୍ରୀଜଗନ୍ନାଥଙ୍କ ଉଦ୍ଦେଶ୍ୟରେ ପ୍ରଦୀପ ପ୍ରଜ୍ଜ୍ୱଳନ କରିଥିଲେ । ଅଧ୍ୟକ୍ଷ ଡକ୍ଟର ପରିଡ଼ା ପ୍ରତିମାସରେ ପ୍ରତିଷ୍ଠାନରେ ନିୟମିତ ଆୟୋଜିତ ହେଉଥିବା ଏମ୍ ସି ଏମ୍ ଓରିଏଣ୍ଟେସନ ଏବଂ ତତ୍ ପରେ କ୍ଲଷ୍ଟର ସ୍ତରରେ ଅନୁଷ୍ଠିତ ବୈଠକର ଆବଶ୍ୟକତା, ପୂର୍ବ ବୈଠକର ଆଲୋଚନା ଆଦି ବହୁବିଧ ଦିଗ ସମ୍ପର୍କରେ ସାରସ୍ୱତ ମତବ୍ୟକ୍ତ କରିଥିଲେ । ଆୟୋଜିତ ଅଭିମୁଖୀକରଣ ବୈଠକରେ ପ୍ରତିଷ୍ଠାନର ପ୍ରଶିକ୍ଷିକା ଶ୍ରୀମତୀ ଜୟନ୍ତୀ ବେହେରା, ଲିପି ଶ୍ରୀ ଦେବୀ, ସରୋଜିନୀ ମିଶ୍ର, ଭାବିଲିତା ନାୟକ, ପ୍ରଜ୍ଞା ପାରମିତା, ବବିତା ସିଂହ, ଡକ୍ଟର ନୀହାରିକା ସାମନ୍ତରାୟ, ପ୍ରଶିକ୍ଷକ ମୁକ୍ତିକାନ୍ତ ବେହେରା ପ୍ରମୁଖ ଉପସ୍ଥିତ ରହି କ୍ଲଷ୍ଟର ସ୍ତରୀୟ ବୈଠକ, ବିଦ୍ୟାଳୟ ସ୍ତରୀୟ ପରିଚାଳନା, ଏଫ୍ ଏଲ୍ ଏନ୍, ମାନ ନିର୍ଦ୍ଧାରଣ ଟ୍ରାକର ଆଦି ପ୍ରସଙ୍ଗ ଉପରେ ଗୁରୁତ୍ବପୂର୍ଣ୍ଣ ପ୍ରଶିକ୍ଷଣ ପ୍ରଦାନ କରିଥିଲେ । ଏହି ବୈଠକରେ ଖଲ୍ଲିକୋଟ, ପୁରୁଷୋତ୍ତମ ପୁର, ଧରାକୋଟ, ବେଗୁନିଆ ପଡ଼ା, ପୋଲସରା, ଆସିକା, ବେଲଗୁଣ୍ଠା, କବିସୂର୍ଯ୍ୟନଗର, ଚିକିଟି, ପାତ୍ରପୁର, ଦିଗପହଣ୍ଡି ଆଦି ଗଂଜାମ ଜିଲ୍ଲାର ସମସ୍ତ ବ୍ଲକର ସି ଆର ସି ସି ଯୋଗଦେଇଥିଲେ ।