Odisha Janamata : ଆକ୍ଷୟ କୁମାର ଶିଳ୍ପା ସେଟ୍ଟିଙ୍କ ଅତୀତ କୁ ନେଇ ଖୁଲାସା କଲେ ନିର୍ଦେଶକ ସୁନୀଲ ଦର୍ଶନ |

ଆକ୍ଷୟ କୁମାର ଶିଳ୍ପା ସେଟ୍ଟିଙ୍କ ଅତୀତ କୁ ନେଇ ଖୁଲାସା କଲେ ନିର୍ଦେଶକ ସୁନୀଲ ଦର୍ଶନ |

08-Sep-2026

ନିର୍ଦେଶକ ସୁନୀଲ ଦର୍ଶନ ଙ୍କ ବଡ଼ ଖୁଲାସା, ଅକ୍ଷୟ କୁମାର ଓ ଶିଳ୍ପା ଶେଟ୍ଟୀଙ୍କ ବିବାହ ହେବାର ଥିଲା, କିନ୍ତୁ ଭୁଲ ବୁଝାମଣା ଯୋଗୁଁ ଭାଙ୍ଗି ଯାଇଥିଲା ||
ଓଡିଶା ଜନ ମତ ବ୍ୟୁରୋ,

ବଲିଉଡ୍‌ ଅଭିନେତା ଅକ୍ଷୟ କୁମାର ଏବଂ ଶିଳ୍ପା ଶେଟ୍ଟୀଙ୍କ ଅତୀତର ସମ୍ପର୍କକୁ ନେଇ ନିର୍ଦ୍ଦେଶକ ସୁନୀଲ ଦର୍ଶନ ଏକ ବଡ଼ ଖୁଲାସା କରିଛନ୍ତି। ଏକ ସାକ୍ଷାତକାରରେ ସେ କହିଛନ୍ତି ଯେ, ଗୋଟିଏ ସମୟରେ ଅକ୍ଷୟ ଓ ଶିଳ୍ପାଙ୍କ ସମ୍ପର୍କ ବହୁତ ଗଭୀର ଥିଲା ଏବଂ ଉଭୟ ବିବାହ କରିବାକୁ ଯାଉଥିଲେ। କିନ୍ତୁ କିଛି ଭୁଲ ବୁଝାମଣା ଯୋଗୁଁ ସେମାନଙ୍କର ଏହି ସମ୍ପର୍କ ଭାଙ୍ଗିଯାଇଥିଲା।
ମିନିଟ୍ସ ଅଫ୍ ମସାଲା`କୁ ଦେଇଥିବା ଏକ ସାକ୍ଷାତକାରରେ ସୁନୀଲ ଦର୍ଶନ କହିଛନ୍ତି ଯେ, ସେହି ସମୟରେ ଅକ୍ଷୟ ଓ ଶିଳ୍ପାଙ୍କ ମଧ୍ୟରେ ଉତ୍ତମ ସମ୍ପର୍କ ଥିଲା ଏବଂ ସେ ଭାବିଥିଲେ ଯେ ଉଭୟ ବିବାହ କରିବେ। କିନ୍ତୁ କିଛି କାରଣରୁ ଭୁଲ ବୁଝାମଣା ସୃଷ୍ଟି ହୋଇଥିଲା, ଯାହା ସେମାନଙ୍କ ବ୍ରେକଅପ୍‌ର କାରଣ ବନିଥିଲା।

ସୁନୀଲ ଦର୍ଶନ ୧୯୯୯ ମସିହାରେ ଅକ୍ଷୟ ଓ ଶିଳ୍ପାଙ୍କୁ ନେଇ `ଜାନୱର` ଫିଲ୍ମର ନିର୍ଦ୍ଦେଶନା ଦେଇଥିଲେ। ସେହି ସମୟରେ ଅକ୍ଷୟଙ୍କର ଲଗାତାର ଫ୍ଲପ୍ ଫିଲ୍ମ ଯୋଗୁଁ କ୍ୟାରିୟର ଖରାପ ପରିସ୍ଥିତି ଦେଇ ଗତି କରୁଥିଲା। `ଜାନୱର` ହିଟ୍ ହେବା ପରେ ଅକ୍ଷୟଙ୍କ କ୍ୟାରିୟର ପୁଣି ଥରେ ଟ୍ରାକ‌କୁ ଫେରିଥିଲା ଏବଂ ତାଙ୍କର ଅଟକି ରହିଥିବା ଅନ୍ୟ ଫିଲ୍ମଗୁଡ଼ିକ (ଯେପରିକି `ହେରା ଫେରି`, `ଧଡ଼କନ୍`) ମୁକ୍ତିଲାଭ କରିବାକୁ ପ୍ରସ୍ତୁତ ହୋଇଥିଲା।
ସୁନୀଲ ଦର୍ଶନ ଆହୁରି ମଧ୍ୟ ପ୍ରକାଶ କରିଛନ୍ତି ଯେ, `ଜାନୱର` ପରେ ମାର୍କେଟରେ ଗୁଜବ ଉଠିଥିଲା ଯେ ସେ ହ୍ରିତିକ ରୋସନଙ୍କୁ ପରବର୍ତ୍ତୀ ଫିଲ୍ମ ପାଇଁ ସାଇନ୍ କରୁଛନ୍ତି। ଏହା ଶୁଣି ଅକ୍ଷୟ ତାଙ୍କ ପାଖକୁ ଆସି ଭୁଲ ବୁଝାମଣା ଦୂର କରିଥିଲେ ଏବଂ ସୁନୀଲଙ୍କ ସହ ୧୦୦ଟି ଫିଲ୍ମ କରିବାକୁ ପ୍ରତିଶ୍ରୁତି ଦେଇଥିଲେ।

ଉଲ୍ଲେଖ ଥାଉ କି ଅକ୍ଷୟ କୁମାର ବର୍ତ୍ତମାନ ତାଙ୍କ ଆଗାମୀ ଫିଲ୍ମ `ହୈୱାନ୍`କୁ ନେଇ ଚର୍ଚ୍ଚାରେ ଅଛନ୍ତି, ଯେଉଁଥିରେ ସେ ୧୭ ବର୍ଷ ପରେ ସୈଫ୍ ଅଲ୍ଲୀ ଖାନ୍‌ଙ୍କ ସହ ନଜର ଆସିବେ। ଏହି ଫିଲ୍ମର ନିର୍ଦ୍ଦେଶନା ପ୍ରିୟଦର୍ଶନ ଦେଉଛନ୍ତି।