Odisha Janamata : ଗଣେଶ ପୂଜା କୁ ଆସୁଛି ହରର ଓଡ଼ିଆସିନେମା " ଦାହନ " |

ଗଣେଶ ପୂଜା କୁ ଆସୁଛି ହରର ଓଡ଼ିଆସିନେମା " ଦାହନ " |

22-Aug-2026

ଗଣେଶ ପୂଜା ବଜାରକୁ ଆସୁଛି ଏକ ହରର ମୁଭି ‘ଦାହାନ୍– ଦି ଇଭିଲ୍ ୱିଦିନ୍’ ଦର୍ଶକଙ୍କ ମନରେ ଛାପ ଛାଡ଼ିଯିବ |

ଓଡିଶା ଜନ ମତ ବ୍ୟୁରୋ,

ପ୍ରାୟ ଏକବର୍ଷ ତଳେ ଓଡ଼ିଆ ସିନେମା "ବୋଉ ବୁଟୁ ଭୁତ " ଅଳ୍ପ ହରର ର ସିନେମା ପରେ ଆସନ୍ତା ଗଣେଶ ପୂଜା ବଜାରକୁ ସରଗରମ କରିବାକୁ ଆସୁଛି ଓଡ଼ିଆ ହରର୍ ଚଳଚ୍ଚିତ୍ର ‘ଦାହାନ୍- ଦି ଇଭିଲ୍ ୱିଦିନ୍’ । ଏହାର ଟିଜର୍ ଦେଖ୍ ଦର୍ଶକ ଖୁସି ଥିବା ଜଣାଯାଇଛି। ଏହାର ଶୁଭମୁକ୍ତିକୁ ଉତ୍କଣ୍ଠାରେ ଅପେକ୍ଷା କରିଛନ୍ତି ଦର୍ଶକ । ବହୁ ଉଚ୍ଚକୋଟିର ଅତ୍ୟାଧୁନିକ ଭି ଏଫଏକ୍ସ କାମ ଦେଖୁବାକୁ ମିଳିବା ସହିତ ଦାହାନ ଖୁବ ମନୋରଞ୍ଜନ ଯୋଗାଇବ ବୋଲି ପ୍ରଯୋଜନା ସଂସ୍ଥା ଆଶାବାଦୀ। ଏହି ଓଡ଼ିଆ ହରର୍ ସିନେମାର କାହାଣୀ, ଚିତ୍ରନାଟ୍ୟ ସାଙ୍ଗକୁ ନିର୍ଦ୍ଦେଶନାଭାର ନେଇଛନ୍ତି ଜାତୀୟ ଚଳଚ୍ଚିତ୍ର ପୁରସ୍କାରବିଜେତା ଅନୁପମ ପଟ୍ଟନାୟକ । ବର୍ଷା ପଟ୍ଟନାୟକ ଏବଂ ଅନୁପମ ପଟ୍ଟନାୟକ ପ୍ରଯୋଜନା କରିଛନ୍ତି। ଅନୁପମ ପଟ୍ଟନାୟକଙ୍କ ପ୍ରଯୋଜିତ ଏବଂ ନିର୍ଦ୍ଦେଶିତ ମନ୍ତ୍ରମୁଗ୍ଧରେ ରେ ଦର୍ଶକ ହରର୍ ସହିତ କମେଡି ଦେଖୁ ବେଶ ମନୋରଞନ ପାଇଥିଲେ ଏବଂ ବଲିଉଡ ଚଳଚ୍ଚିତ୍ର ସହିତ ତୁଳନା କରି ଢେର ପ୍ରଶଂସା କରିଥିଲେ। ସେହି ଧାରାରେ ପୁଣି ଏକ ହରର୍ ସିନେମା ‘ଦାହାନ୍’ ଦର୍ଶକଙ୍କୁ ଭେଟି ଦେଉଛନ୍ତି ପ୍ରଯୋଜନା ସଂସ୍ଥା। ଏହି ସିନେମା ଦର୍ଶକଙ୍କୁ ଡରାଇବ ନାହିଁ ବରଂ ଏହି କାହାଣୀ ସିନେମା ହଲ୍‌ରୁ ବାହାରିବା ପରେ ବି ଦର୍ଶକଙ୍କ ମନରେ ଛାପ
ଛାଡ଼ି ଯିବ ବୋଲି ନିର୍ଦ୍ଦେଶକ ଅନୁପମ କହିଛନ୍ତି । ‘ପ୍ରତୀକ୍ଷା’, ‘ଗ୍ୟାଙ୍ଗସ୍ ଅଫ୍ ପୁରୀ’, ‘ତ୍ରିକନ୍ୟା’, ‘ କର୍ମ’ ଓ ‘ମନ୍ତ୍ରମୁଗ୍ଧ’ ଭଳି ଉଚ୍ଚକୋଟିର କମର୍ସିଆଲ୍ ସିନେମା ଓ ୱେବ୍ ସିରିଜ୍ ଭେଟିଦେଇଥିବା ଅମୀୟ ପଟ୍ଟନାୟକ ପ୍ରଡକ୍‌ସନ୍ ‘ଦାହାନ୍’ ମାଧ୍ୟମରେ ଓଡ଼ିଆ ସିନେମାର କାହାଣୀ, ବର୍ଣ୍ଣନା ଶୈଳୀ ଏବଂ ବୈଷୟିକ ମାନଦଣ୍ଡରେ ଏକ ନୂଆ ବିପ୍ଳବ ଆଣିବ ବୋଲି ଆଶା କରାଯାଉଛି। ଏହି ସିନେମାରେ ବର୍ଷା ପଟ୍ଟନାୟକ, ଅରୋଶିଖା ମିଶ୍ର, ସମ୍ରାଟ ମହାପାତ୍ର, ପାର୍ଥ ସାରଥୀ ରାୟ, ନିଶାନ୍ତ ମଜିଠିଆ, ଚୌଧୁରୀ ଜୟପ୍ରକାଶ ଦାସ ଓ ପ୍ରଣବ ପ୍ରସନ୍ନ ରଥ ପ୍ରମୁଖ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ପ୍ରଣବ ପ୍ରସନ୍ନ ରଥ ସଂଳାପ ଲେଖ୍ ଥିବା ବେଳେ କ୍ୟାମେରା ପରିଚାଳନା ଦୀପକ କୁମାର ଓ ସମ୍ପାଦନା ରଶ୍ମିରଞ୍ଜନ ଦାଶ କରିଛନ୍ତି। ଆଶିଷ ପ୍ରଧାନ ଏହାର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ଗୋପାଳ ଚନ୍ଦ୍ର ଘଡ଼ାଇ ଏହାର କାର୍ଯ୍ୟକାରୀ ପ୍ରଯୋଜକ।