Odisha Janamata : ବସ ବାଇକ ମୁହାଁମୁହିଁ ଧକ୍କାରେ ତିନି ଗୁରୁତର |

ବସ ବାଇକ ମୁହାଁମୁହିଁ ଧକ୍କାରେ ତିନି ଗୁରୁତର |

23-Aug-2026

ଅମଲିଖମନ ନିକଟରେ ବସ୍-ବାଇକ୍ ମୁହାଁମୁହିଁ ଧକ୍କାରେ ତିନି ଗୁରୁତର |

ଓଡିଶା ଜନ ମତ ବ୍ୟୁରୋ

ବାଇକ ଆରୋହୀ ମାନଙ୍କ ଅସାବଧାନତା ଯୋଗୁଁ ଏବଂ ବସଡ୍ରାଇଭ ର ଙ୍କ ବେପାରୁଆ ଗାଡି ଚାଳନା ଯୋଗୁ ବେଳେ ବେଳେ ବାଇକ ଓ ଅନ୍ୟ ଗାଡି ସହ ମୁହାଁ ମୁଁହି କିମ୍ବା ପଛ ପଟରୁ ଧକ୍କା ଦେବା ଫଳରେ ଅନେକ ବ୍ୟକ୍ତି, ବିଶେଷ ଙ୍କ ଜୀବନ ଦୀପ କ୍ଷଣିକ ମଧ୍ୟରେ ଚାଲି ଯାଉଛି | ଯାହାଯୋଗୁବହୁପରିବାର ଉଛନ ହୋଇ ବେସାହାରା ହୋଇ ଯାଉଛନ୍ତି | ଆଉ କିଛି ବ୍ୟକ୍ତି ଚିକିତ୍ସା ପରେ ଅକ୍ରମଣ୍ୟ ହୋଇ ପଡୁଛନ୍ତି | ଏପରି ଏକ ଦୁଃଖଦ ଛାତିଥରା ଘଟଣାଘଟିଛି ସମ୍ବଲପୁର ଜିଲ୍ଲା ମହୁଲପାଲି ଥାନା ଅନ୍ତର୍ଗତ ଅମଲିଖମନ ଗାଁ ନିକଟରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ଏକ ଯାତ୍ରୀବାହୀ ବସ୍ ଓ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ବାଇକ୍‌ରେ ଥିବା ତିନି ଜଣ ଯୁବକ ଗୁରୁତର ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଜଣେ ଯୁବକଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଛି। ମିଳିଥିବା ସୂଚନା ଅନୁଯାୟୀ, ‘ଭାଗ୍ୟଲକ୍ଷ୍ମୀ’ ନାମକ ଏକ ଘରୋଇ ଯାତ୍ରୀବାହୀ ବସ୍ ଜରାବଗା-ଅମଲିଖମନ ପଟରୁ କୁଚିଣ୍ଡା ଅଭିମୁଖେ ଯାଉଥିଲା। ଏହି ସମୟରେ ଅମଲିଖମନ ଗାଁର ତିନି ଜଣ ସାଙ୍ଗ ରୋଶନ ବାଙ୍କରା, ରଞ୍ଜନ ବଞ୍ଚଛୁର,ପ୍ରିୟାଂଶୁ ନାଏକ,କୌଣସି କାମରେ କେଶାଇବାହାଲ ଆସିଥିଲେ। କାମ ସାରି ସେମାନେ ଏକ ବାଇକ୍‌ରେ ନିଜ ଗାଁକୁ ଫେରୁଥିଲେ। ଅମଲିଖମନ ଗାଁ ନିକଟରେ ଥିବା ଏକ ବୁଲାଣି ରାସ୍ତାରେ ସାମ୍ନାପଟୁ ଆସୁଥିବା ଭାଗ୍ୟଲକ୍ଷ୍ମୀ ବସ୍ ସହ ବାଇକ୍‌ଟିର ମୁହାଁମୁହିଁ ଜୋରଦାର ଧକ୍କା ହୋଇଥିଲା। ଧକ୍କା ଏତେ ଜୋରଦାର ଥିଲା ଯେ ବାଇକ୍‌ରେ ଥିବା ତିନି ଜଣ ଯୁବକ ରାସ୍ତା ଉପରେ ଛିଟିକି ପଡ଼ି ଗୁରୁତର ଆହତ ହୋଇଥିଲେ। ଦୁର୍ଘଟଣା ଦେଖି ସ୍ଥାନୀୟ ଲୋକମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଆହତଙ୍କୁ ପ୍ରଥମେ ଚିକିତ୍ସା ପାଇଁ କୁଚିଣ୍ଡା ଡାକ୍ତରଖାନାକୁ ପଠାଯାଇଥିଲା। ଗୁରୁତର ଆହତ ଯୁବକମାନଙ୍କ ମଧ୍ୟରୁ ପ୍ରିୟାଂଶୁ ନାଏକଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ଥିବାରୁ ପ୍ରାଥମିକ ଚିକିତ୍ସା ପରେ ତାଙ୍କୁ ତୁରନ୍ତ ବୁର୍ଲାସ୍ଥିତ ଭିମସାରକୁ ସ୍ଥାନାନ୍ତର କରାଯାଇଛି। ଅନ୍ୟ ଦୁଇ ଜଣ ଆହତଙ୍କର କୁଚିଣ୍ଡା ଡାକ୍ତରଖାନାରେ ଚିକିତ୍ସା ଚାଲିଛି। ଅନ୍ୟପଟେ, ଘଟଣା ସମ୍ପର୍କରେ ଖବର ପାଇ ମହୁଲପାଲି ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ବସ୍ ଓ ବାଇକ୍‌କୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି। ଏହି ଦୁର୍ଘଟଣା ପରେ ଅଞ୍ଚଳରେ ଚିନ୍ତାର ପରିବେଶ ସୃଷ୍ଟି ହୋଇଛି।