Odisha Janamata : ପୋଲସରା ରେ ଅନ୍ତର୍ଜାତୀୟ ମାନବାଧିକାର ଦିବସ ପାଳନ ପାଈଁ ପ୍ରସ୍ତୁତି ବୈଠକ |

ପୋଲସରା ରେ ଅନ୍ତର୍ଜାତୀୟ ମାନବାଧିକାର ଦିବସ ପାଳନ ପାଈଁ ପ୍ରସ୍ତୁତି ବୈଠକ |

11-Dec-2024

ପୋଲସରା ରେ ଅନ୍ତର୍ଜାତୀୟ ମାନବାଧିକାର ଦିବସ ପାଳନ ପାଇଁ ପ୍ରସ୍ତୁତି ବୈଠକ ଏବଂ କମିଟି ଗଠନ ।

ଓଡିଶା ଜନମତ ବ୍ୟୁରୋ,

ପୋଲସରା 11/୧୨/୨୦୨୪
ପ୍ରତି ବର୍ଷ ପରି ଚଳିତ ୨୦୨୪ ଆସନ୍ତା ୧୦ ତାରିଖ ଦିନ ଅନ୍ତର୍ଜାତୀୟ ମାନବାଧିକାର ଦିବସ ସମଗ୍ର ବିଷୟରେ ପାଳନ ହେବାକୁଯାଉଛି। ଏହି କ୍ରମରେ ଗଞ୍ଜାମ ଜିଲ୍ଲା ପୋଲସରା ଠାରେ ପାଳନ ହେବାକୁନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ସ୍ଥାନୀୟ ସରସ୍ଵତୀ ଶିଶୁ ବିଦ୍ୟା ମନ୍ଦିର ପ୍ରାଙ୍ଗଣରେ ଆୟୋଜିତ କାର୍ଯ୍ୟକ୍ରମକୁ ବ୍ଲକ୍ ସଭାପତି ନୀଳମାଧବ ସାହୁ ସଭାପତିତ୍ବ କରିଥିବା ବେଳେ ବରିଷ୍ଠ ଆଇନଜୀବୀ ଜ୍ୟୋତିର୍ମୟ ପଟ୍ଟନାୟକ ଯୋଗଦେଇ ପୋଲସରା ରେ ଏହିଭଳି ସାମ୍ବିଧାନିକ ଆଇନଗତ ଦିବସ ପାଳନକରିବାକୁ ନେଇ ଖୁସି ବ୍ୟକ୍ତ କରିବାସହ ଏହିଭଳି କାର୍ଯ୍ୟକ୍ରମ ଦ୍ଵାରା ନ୍ୟାୟିକ ସାମ୍ବିଧାନିକ ବିଧିବ୍ୟବସ୍ଥା ତଥା ସାଧାରଣ ଜନତାଙ୍କ ନ୍ୟାର୍ଯ୍ୟ ଅଧିକାରକୁ ପୂର୍ଣ୍ଣରୁପେ ସଂମ୍ମାନର ସହ ପହଞ୍ଚାଇବାରେ ସେତୁ ସଦୃଶ ମୂଳଲକ୍ଷ୍ୟହେବ ଏବଂ ଏହି ସଂଗଠନ ଆଗାମୀ ଦିନରେ ବ୍ୟାପକ ରୂପେ ସଂପ୍ରସାରଣ କରାଯିବ । ସମାଜରେ ସଚେତନତା ବଢ଼ିବାରେ ଏବଂ ବିଭିନ୍ନ ପ୍ରକାର ସମସ୍ୟା ଗୁଡ଼ିକର ସମାଧାନ ହେବାରେ ସାହାଯ୍ୟ କରିବବୋଲି କହିଥିଲେ । ଅନ୍ୟମାନଙ୍କ ମଧ୍ୟରେ ଉପସ୍ଥିତ ଆଇନଜୀବୀ,ବୁଦ୍ଧିଜୀବୀଙ୍କ ସମେତ ସଚେତନ ନାଗରିକ ମାନେ ନିଜନିଜର ମତ ଉପସ୍ଥାପନ କରିଥିଲେ । ଏହି ଅବସରରେ ପ୍ରାଥମିକ ସ୍ତରରେ ଏକ ୧୬ ଜଣିଆ କମିଟି ଗଠନ କରାଯାଇଥିଲା । କାର୍ଯ୍ୟକାରି ସଭାପତିଭାବେ ଦୁର୍ଗାପ୍ରସାଦ ମହାପାତ୍ର, ସାଧାରଣ ସମ୍ପାଦକ ଭାବେ ସୁଦିପ୍ତମୋହନ ପଟ୍ଟନାୟକ, ଉପସଭାପତି ଭାବେ ସଚ୍ଚିଦାନନ୍ଦ ପାଣଗ୍ରାହୀ, ଯୁଗ୍ମ ସମ୍ପାଦକ ଭାବେ ତ୍ରିନାଥ ପଣ୍ଡା, ସହସମ୍ପାଦକ ଭାବେ ରାଧାକାନ୍ତ ପ୍ରଧାନ, ଯୁବସଭାପତି ଭାବେ ଅଧ୍ୟାପକ ମନୋଜ କୁମାର ସାହୁ, ଯୁବସାଧରଣ ସମ୍ପାଦକ ଭାବେ ରଜନୀକାନ୍ତ ନାୟକ ଏବଂ ଆଇନପରାମର୍ଷଦାତା ଭାବେ ଆଇନଜୀବୀ ଡି.ଯୋର୍ତିମୟ ପଟ୍ଟନାୟକ, ଆଇନଜିବି ସୁଶାନ୍ତ କୁମାର ମଲ୍ଲିକ, ଆଇନଜୀବୀ ବ୍ରଜବନ୍ଧୁ ଦଳବେହେରା ପ୍ରମୁଖଙ୍କୁ ଚୟନ କରା ଯାଇଥିବା ବେଳେ ଗଣଯୋଗାଯୋଗ ମାଧ୍ୟମ ସକାଶେ ଅଞ୍ଚଳର ୫ଜଣ ଗଣମାଧ୍ୟମ ପ୍ରତିନିଧିଙ୍କୁ ନିଆଯାଇଛି । ଶେଷରେ ଅଧ୍ୟାପକ ମନୋଜ କୁମାର ସାହୁ ନିଜର କାର୍ଯ୍ୟକ୍ରମର ସଫଳତା କାମନା କରିବା ସହ ବୈଠକରେ ଉପସ୍ଥିତ ସମସ୍ତଙ୍କୁ ଆନ୍ତରିକ ଧନ୍ୟବାଦ ଅର୍ପଣକରିଥିଲେ।