01-Apr-2026

ଖୋର୍ଦ୍ଧା ଜିଲ୍ଲାସ୍ତରୀୟ ଓଡ଼ିଶା ଦିବସ -୨୦୨୬ ପାଳିତ, ମଣିଷ ଆଗକୁ ଚାଲିବାକୁ ହେଲେ ଇତିହାସର ଆବଶ୍ୟକତା ଅଛି: ମନ୍ତ୍ରୀ ଶ୍ରୀଯୁକ୍ତ ହରି ଚନ୍ଦନ 
ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ:--

 ମଣିଷ ଆଗକୁ ଚାଲିବାକୁ ହେଲେ ଇତିହାସ ର ଆବଶ୍ୟକତା ଅଛି l ଇତିହାସକୁ ଚିହ୍ନ୍ନିଲେ ନିଜର ଶକ୍ତିକୁ ପରିସ୍ଫୁଟନ କଲେ ଆମେ ଆଗକୁ ବଢ଼ି ନିଜର ସମାଜ, ରାଜ୍ୟ ଓ ରାଷ୍ଟ୍ରର ଉନ୍ନତି ସାଧିତ କରିପାରିବା l ସୀତାଙ୍କୁ ଠାବ କରିବା ପାଇଁ ଜାମ୍ବବାନ ହନୁମାନର ଶକ୍ତି ବିଷୟରେ ଅବଗତ ଓ ସଚେତନ କରାଇଥିଲା l ଠିକ୍ ସେହିପରି  ଛାତ୍ର ଛାତ୍ରୀ ମାନେ ଇତିହାସକୁ ପଢ଼ି ମହାପୁରୁଷ ମାନଙ୍କ ତ୍ୟାଗ ଆଦର୍ଶରେ  ଅନୁପ୍ରାଣିତ ହୋଇ ଇତିହାସକୁ ନିଜ ଆଦର୍ଶରେ ଲଗାଇପାରିଲେ ନିଶ୍ଚିତ ଭାବେ ସେମାନେ  ମଧ୍ୟ ମହାପୁରୁଷ ହୋଇ ଏ ଦେଶ  ରାଷ୍ଟ୍ର ନିର୍ମାଣରେ ଜଣେ ଜଣେ ବିନ୍ଧାଣୀ ହେବା ସହ ରାଷ୍ଟ୍ରକୁ ଗୌରବାନ୍ୟୁତ କରି ନିଜର  ଏବଂ  ଓଡ଼ିଶା ଓ ଦେଶର ବିକାଶ ର ସ୍ବପ୍ନ ଦେଖି ବିକଶିତ ଓଡ଼ିଶା ୨୦୩୬ ଓ ବିକଶିତ ଭାରତ ୨୦୪୭  ସାକାର କରି ଗଢିତୋଳିବା କୁ ଆଜି ଜିଲ୍ଲା ସ୍ତରୀୟ ଓଡିଶା ଦିବସ ସମାରୋହରେ ମୁଖ୍ୟ ଅତିଥି ଭାବେ ଯୋଗଦେଇ ଓଡ଼ିଶାର ମାନ୍ୟବର ମନ୍ତ୍ରୀ ଆଇନ, ପୂର୍ତ୍ତ ଓ ଅବକାରୀ ଶ୍ରୀଯୁକ୍ତ ପୃଥୀରାଜ ହରିଚନ୍ଦନ ନିଜର ଉଦବୋଧନର ଆହ୍ଵାନ ଦେଇଛନ୍ତି l ସମ୍ମାନିତ ଅତିଥି ଭାବେ  ବିଧାୟକ, ଖୋର୍ଦ୍ଧା ପ୍ରଶାନ୍ତ କୁମାର ଜଗଦେବ ଯୋଗଦେଇ କହିଲେ  ଓଡ଼ିଶାରo ଓଡ଼ିଶା ଗଠନ ସ୍ବପ୍ନକୁ ସାକାର କରିବା ପାଇଁ ସମସ୍ତେ ବିକଶିତ ଓଡ଼ିଶା, ବିକଶିତ ଗାଁ,ଓ ବିକଶିତ ଭାରତ ଗଠନରେ ଯୋଗ ଦେବାକୁ  ସେ ଆହ୍ଵାନ ଦେଇଥିଲେ l ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷ ରୂପଶ୍ରୀ ରାଣୀ ଗୁମାନସିଂ, ଉପସଭାପତି ଗୋପୀନାଥ ମହାରଣା ପ୍ରମୁଖ ଯୋଗଦେଇଥିଲା ବେଳେ ,  ଜିଲ୍ଲାପାଳ ଶ୍ରୀ ଅମ୍ରିତ୍ ଋତୁରାଜ ପ୍ରାକ୍ତନ ଉତ୍କଳର ଭୌଗୋଳିକ ସୀମା, କଳିଙ୍ଗ ଯୁଦ୍ଧ, ଖାରବେଳ ଓ ମୋଗଲ ସାମ୍ରାଜ୍ୟ,ଆବ୍ରାହାମ ଲିଙ୍କନ ଙ୍କ ଶାସନର ଚରିତ୍ର,ଓ ବରପୁତ୍ର ମାନଙ୍କ ତ୍ୟାଗରେ ଓଡ଼ିଆ ସମ୍ମିଳନୀ ଗଠନ ହୋଇ ବିଭିନ୍ନ ନିଷ୍ପତି ପରେ ଓଡ଼ିଶା ସ୍ୱତନ୍ତ୍ର ପ୍ରଦେଶ ଗଠନ ହେଲା ତାହାର ବିସ୍ତୃତ ତଥ୍ୟ ଉପସ୍ଥାପନ କରି ଓଡ଼ିଆ ପକ୍ଷ ପାଳନ ର ତାତ୍ପର୍ଯ୍ୟ ଉପରେ ଅଭିଭାଷଣ ପ୍ରଦାନ କରିଥିଲେ l ଅତିରିକ୍ତ ଜିଲ୍ଲାପାଳ ଶ୍ରୀ ପ୍ରତାପ ଚନ୍ଦ୍ର ବେଉରା ସମାରୋହରେ ଅତିଥି ପରିଚୟ  ଓ  ଶେଷରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଲକ୍ଷ୍ମଣ କୁମାର ବେହେରା ଧନ୍ୟବାଦ ପ୍ରଦାନ କରିଥିଲେ l l ଦିବସରେ  ନିର୍ବାହୀ ଅଧିକାରୀ ପୌର ପରିଷଦ, ବିଡ଼ିଓ ଖୋର୍ଦ୍ଧା  ଶ୍ରୀ ସିଦ୍ଧାର୍ଥ ପଟ୍ଟନାୟକ, ତହସିଲଦାର ଶ୍ରୀ ବିଭାସ ପାଣିଗ୍ରାହୀ, ଡେପୁଟି କଲେକ୍ଟର ସୌମ୍ୟା ସାଗରିକା ସ୍ୱାଇଁ, ସ୍ବିଟି ସୋରେନ, ସାରା ମଲ୍ଲିକ, ନିଜାରତ ଅଧିକାରୀ ରିଶବ୍ ତ୍ରିପାଠୀ, ଆସିଷ୍ଟାଣ୍ଟ କଲେକ୍ଟର ଇସ୍ପିତା ସାହୁ, ଜିଲ୍ଲା ସଂସ୍କୃତି ଅଧିକାରୀ ଚୌଧୁରୀ ଅରବିନ୍ଦ ଦାସ, ଜିଲ୍ଲା ସମାଜ କଲ୍ୟାଣ ଅଧିକାରୀ କୁସୁମ କୁମାରୀ ପ୍ରହରାଜ, ସହକାରୀ ନିର୍ଦ୍ଦେଶିକା,ଉଦ୍ୟାନ କୃଷି ଶ୍ରେୟା ଶତପଥୀ, ଖୋର୍ଦ୍ଧା ଜିଲ୍ଲା ବିକାଶ ମଞ୍ଚ ସଭାପତି ନରେନ୍ଦ୍ର ପୃଷ୍ଟି,ଭାଜପା ଜିଲ୍ଲା ସଭାପତି ବିଶ୍ୱ ରଞ୍ଜନ ବଡ଼ଜେନା, ନିକୁଞ୍ଜ ପଟ୍ଟନାୟକ, ଦିଲ୍ଲୀପ କୁମାର ହୋତା, ଅଧ୍ୟାପକ ସୁବୋଧ କୁମାର ଜଗଦେବ  ଯୋଗଦେଇଥିଲେ l ସକାଳେ ଓଡ଼ିଶା ଦିବସ, ଓଡ଼ିଆ ପକ୍ଷ ଆରମ୍ଭ ଏବଂ ଏକତା ବିଶାଳ ପଦ ଶୋଭାଯାତ୍ରା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରୁ ଜୟୀ ରାଜଗୁରୁ ଟାଉନ୍ ହଲ୍ ପର୍ଯ୍ୟନ୍ତ ଯାଇଥିଲା l ଉକ୍ତ ଶୋଭାଯାତ୍ରାକୁ ଉପସଭାପତି,ଜିଲ୍ଲା ପରିଷଦ ଶ୍ରୀ ଗୋପୀନାଥ ମହାରଣା ଓ ଅତିରିକ୍ତ ଜିଲ୍ଲାପାଳ, ସାଧାରଣ ଶ୍ରୀ ପ୍ରତାପ ଚନ୍ଦ୍ର ବେଉରା, ଉପଜିଲ୍ଲାପାଳ ଶ୍ରୀ ସଂକଳ୍ପ ସ୍ଵସ୍ତିକ ସାହୁ, ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ, ଜିଲ୍ଲା ସଂସ୍କୃତି ଅଧିକାରୀ ଶ୍ରୀ ଅରବିନ୍ଦ ଦାସ, ଜିଲ୍ଲା କ୍ରୀଡ଼ା ଅଧିକାରୀ ଗୀତାଞ୍ଜଳି ପଣ୍ଡା ପ୍ରମୁଖ ଯୋଗ ଦେଇଥିଲେ l ପାଇକ ଆଖଡ଼ା ସାଂସ୍କୃତିକ କାର୍ଯ୍ୟକ୍ରମ ସହ ଅତିଥ ପବିତ୍ର ୯୧ ତମ ଓଡ଼ିଶା ଦିବସର ସମସ୍ତ କାର୍ଯ୍ୟ ଜିଲ୍ଲାପାଳଙ୍କ ପ୍ରତ୍ୟକ୍ଷ ନିର୍ଦ୍ଦେଶରେ ଓ ଅତିରିକ୍ତ ଜିଲ୍ଲାପାଳ ଶ୍ରୀ ପ୍ରତାପ ଚନ୍ଦ୍ର ବେଉରା ଙ୍କ ପ୍ରତ୍ୟେକ୍ଷ ତତ୍ତ୍ଵାବଧାନରେ ଶାନ୍ତି ଶୃଙ୍ଖଳା ସହ ସମାପନ ହୋଇଥିଲା l