Breaking
News
Breaking
News
Breaking
News
09-Mar-2026
ବିଶ୍ଵଶାନ୍ତି ମହାଯଜ୍ଞ ର କୀର୍ତ୍ତି ସ୍ତମ୍ଭ (ଶୁଭ ସ୍ତମ୍ଭ) ସ୍ଥାପନ।
ଓଡିଶା ଜନ ମତ, କୋଦଳା, ସୂର୍ଯ୍ୟ ନାରାୟଣ ବଡୁ:---
ଅଦ୍ୟ ଚୈତ୍ର କୃଷ୍ଣ ଷଷ୍ଠୀ ସୋମବାର ଇଂରାଜୀ ୦୯.୦୩.୨୦୨୬ ଦିବା ୧୦ ଘଟିକା ସମୟରେ କୋଦଳା ବିଜେ ଶ୍ରୀ ଶ୍ରୀ ଜଗନ୍ନାଥ ଙ୍କ ମନ୍ଦିର ପ୍ରାଙ୍ଗଣରେ ନବ ନିର୍ମିତ ଶ୍ରୀ ମହାଲକ୍ଷ୍ମୀ ମନ୍ଦିର ଓ ବିଗ୍ରହ ପ୍ରତିଷ୍ଠା, ଶ୍ରୀ ଗୋପୀନାଥ ଦେବ ଙ୍କ ଜୀର୍ଣୋଦ୍ଧାର ପ୍ରସାଦ ପ୍ରତିଷ୍ଠା ତଥା ସପ୍ତ ଦିବସ ବ୍ୟାପୀ ବିଶ୍ଵଶାନ୍ତି ମହାଯଜ୍ଞ ନିମନ୍ତେ କୀର୍ତ୍ତି ସ୍ତମ୍ଭ (ଶୁଭ ସ୍ତମ୍ଭ) ସ୍ଥାପନ କରାଗଲା। ଏହି କାର୍ଯ୍ୟକ୍ରମ ଦିବା ୧୦ ଘଟିକା ରୁ ଆରମ୍ଭ ହୋଇ, ମାନ୍ୟଗଣ୍ୟ ବୈଦିକ ପଣ୍ଡିତ ମାନଙ୍କ ତତ୍ବାବଧାନରେ ବରୁଣ ପୂଜା, ସ୍ବସ୍ତିବାଚନ, ଭୂମିପୂଜନ, ଶାଲାର୍ଘ୍ୟ, କୀର୍ତ୍ତି ସ୍ତମ୍ଭ ପୂଜନ, ଆଳତୀ, ପୁଷ୍ପାଞ୍ଜଳୀ ପୂର୍ବକ କୀର୍ତ୍ତି ସ୍ତମ୍ଭ କୁ ଆଡ଼ମ୍ବର ସହକାରେ ଗ୍ରାମ ପରିକ୍ରମା କରାଯାଇ ଦିନ ୩ ଘଟିକା ସମୟରେ ସ୍ଥାପନ କରାଗଲା । ଏହି କାର୍ଯ୍ୟକ୍ରମ ରେ ସ୍ଥାନୀୟ ବ୍ରାହ୍ମଣ, କୋଦଳା ଗ୍ରାମବାସୀ, ଶ୍ରୀ ଜଗନ୍ନାଥ ମନ୍ଦିର ସେବାୟତ ମଣ୍ଡଳୀ, ଶ୍ରୀ ଜଗନ୍ନାଥ ମନ୍ଦିର ପରିଚାଳନା କମିଟି ସଦସ୍ୟ, ଶ୍ରୀ ମହାଲକ୍ଷ୍ମୀ ମନ୍ଦିର ପ୍ରତିଷ୍ଠା ଓ ଯଜ୍ଞ ପରିଚାଳନା କମିଟି ସଦସ୍ୟ ତଥା ସ୍ଥାନୀୟ ବୁଦ୍ଧିଜୀବୀଙ୍କ ଉପସ୍ଥିତି ପରିସରକୁ ଅନୁରଣିତ କରିଥିଲା।
ସୂଚନା ଯୋଗ୍ୟ ଯେ ଚଳିତବର୍ଷ ଅପ୍ରେଲ ମାସ ୬ ତାରିଖ ଠାରୁ ୧୬ ତାରିଖ ପର୍ଯ୍ୟନ୍ତ ଏକାଦଶ ଦିବସ ବ୍ୟାପୀ ଶ୍ରୀ ଜଗନ୍ନାଥ ମହାପ୍ରଭୁଙ୍କ ମନ୍ଦିର ପ୍ରାଙ୍ଗଣରେ ବିଜେ ଭଗବତୀ ଶ୍ରୀ ମହାଲକ୍ଷ୍ମୀଙ୍କ ଭବ୍ୟ ମନ୍ଦିର ଓ ନୂତନ ବିଗ୍ରହଙ୍କ ପ୍ରତିଷ୍ଠା ଏବଂ ବିଶ୍ଵଶାନ୍ତି ମହାଯଜ୍ଞ ବୈଦିକ ପଣ୍ଡିତ ମାନଙ୍କ ତତ୍ବାବଧାନରେ ସମ୍ପୁର୍ଣ୍ଣ ବୈଦିକ ରୀତିନୀତିରେ ଅନୁଷ୍ଠିତ ହେବ। ଏହି ଅବସରରେ ପ୍ରତ୍ୟହ ଘୃତ ଯଜ୍ଞ, ଜ୍ଞାନ ଯଜ୍ଞ, ନାମ ଯଜ୍ଞ, ଅନ୍ନ ଯଜ୍ଞ , ଦୀପ ଯଜ୍ଞ ଆଦି ଅନୁଷ୍ଠିତ ହେବ। ପ୍ରତ୍ୟହ ସନ୍ଧ୍ୟା ୭ ଘଟିକା ସମୟରେ ଯଜ୍ଞ ଅନ୍ନପ୍ରସାଦ ସେବନ। ଅପ୍ରେଲ ୬ ତାରିଖରୁ ମନ୍ଦିର ପ୍ରତିଷ୍ଠା ଆରମ୍ଭ ହୋଇ, ଅପ୍ରେଲ ୯ ତାରିଖରେ ଦେବୀଙ୍କ ନଗର ପରିକ୍ରମା ଓ ସିଂହାସନ ଆରୋହଣ ସହିତ ଅପ୍ରେଲ ୧୦ ତାରିଖ ଠାରୁ ଅପ୍ରେଲ ୧୬ ତାରିଖ ପର୍ଯ୍ୟନ୍ତ ୭ ଦିନ ବ୍ୟାପି ବିଶ୍ଵଶାନ୍ତି ମହାଯଜ୍ଞ ଅନୁଷ୍ଠିତ ହେବ। ଅପ୍ରେଲ ୧୬ ତାରିଖ ସଂଧ୍ୟା ଘ ୭.୩୦ମି ରେ ଶୁଭ ଲଗ୍ନରେ ଯଜ୍ଞ ପୂର୍ଣ୍ଣାହୁତି ନିମନ୍ତେ ସ୍ଥିରୀକୃତ ହେଇଛି। ଏହି ଆଧ୍ୟାତ୍ମିକ କାର୍ଯ୍ୟକ୍ରମରେ ଭକ୍ତମାନଙ୍କ ବହୁଳ ଯୋଗଦାନ ନିମନ୍ତେ କୋଦଳା ଗ୍ରାମବାସୀ ଓ ଯଜ୍ଞ ପରିଚାଳନା କମିଟି ଅନୁରୋଧ କରିଛନ୍ତି।
Copyright @ 2024 All rights reserved. ଓଡିଶା ଜନମତ
BACK TO TOP