Odisha Janamata : କଲ୍ୟାଣ ସିଂହ ପୁର ରାମ ମନ୍ଦିର ଛକ ଠାରେ 21 ଦିନ ପରେ ହେଲା ଗଜାନନ ଙ୍କ ବିସର୍ଜନ |

କଲ୍ୟାଣ ସିଂହ ପୁର ରାମ ମନ୍ଦିର ଛକ ଠାରେ 21 ଦିନ ପରେ ହେଲା ଗଜାନନ ଙ୍କ ବିସର୍ଜନ |

05-Oct-2026

୨୧ ଦିନ ପରେ ଗଜାନନଙ୍କ ବିସର୍ଜନ

୨୧ କିଲୋର ୩ ଲଡୁ ନିଲାମ, ବିଜେତାଙ୍କୁ ମେଲୋଡି ସହ ପଟୁଆର

ଓଡିଶା ଜନମତ ରାୟଗଡା -୫/୧୦,

କାମେଶ୍ବର କରକରିଆ : ------

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ସଦର ରାମ ମନ୍ଦିର ଛକଠାରେ ଚଳିତବର୍ଷ ଗଣେଶ ପୂଜା ଧୁମଧାମରେ ପାଳିତ ହୋଇଛି। ଗତ ୧୪ ତାରିଖରୁ ଆରମ୍ଭ ହୋଇଥିବା ପୂଜା ୨୧ ଦିନ ପରେ ଶେଷ ହୋଇଥିବା ବେଳେ ଶ୍ରୀଗଣେଶଙ୍କ ବିସର୍ଜନ ଉତ୍ସବ ମଧ୍ୟ ଆନନ୍ଦ ଉଲ୍ଲାସରେ ପାଳିତ ହୋଇଥିଲା। ଅଗ୍ରପୂଜ୍ୟ ଶ୍ରୀ ଗଜାନନଙ୍କ ଉଦ୍ଦେଶ୍ୟରେ ପ୍ରାୟ ୨୧ କିଲୋ ଓଜନର ୩ଟି ବିଶାଳ ଲଡୁ ପ୍ରସ୍ତୁତ କରାଯାଇଥିଲା। ଏହି ଲଡୁଗୁଡ଼ିକୁ ଲଟେରୀ ମାଧ୍ୟମରେ ଭକ୍ତଙ୍କ ମଧ୍ୟରେ ବଣ୍ଟନ ପାଇଁ ଟିକେଟ୍‌ ପିଛା ୨୦ ଟଙ୍କା ଧାର୍ଯ୍ୟ କରାଯାଇଥିଲା। ମୋଟ ୧ ହଜାର ଲଟେରୀ କରାଯାଇଥିବା ଜଣାପଡ଼ିଛି। ପରେ ଲଡୁଗୁଡ଼ିକର ନିଲାମ ଅନୁଷ୍ଠିତ ହୋଇଥିଲା। ପ୍ରଥମ ନିଲାମ ବିଜେତା ଭାବେ ସରୋଜ ନନ୍ଦ ଙ୍କ ପୁତ୍ର ଶ୍ରୀଆଂଶୁ ଦ୍ୱିତୀୟ ନିଲାମ ବିଜେତା ଭାବେ ବଳରାମ ବାଗ ଏବଂ ତୃତୀୟ ଲଡୁକୁ ସାଇ କୁମାର ହାସଲ କରିଥିବା ଜଣାପଡ଼ିଛି। ନିଲାମରେ ବିଜେତା ହୋଇଥିବା ବ୍ୟକ୍ତିମାନଙ୍କୁ ନୂଆପଡ଼ାର ନବୀନ ମେଲୋଡି ସହ ସଦର ପରିକ୍ରମା କରାଇ ନିଜ ନିଜ ଘରେ ପହଞ୍ଚାଇ ଦିଆଯାଇଥିଲା। ପରିଶେଷରେ ଗଣେଶ ବିସର୍ଜନ ପର୍ବ ଅନୁଷ୍ଠିତ ହୋଇଥିଲା। ଶ୍ରୀଗଣେଶଙ୍କ ମୂର୍ତ୍ତିକୁ ଶୋଭାଯାତ୍ରାରେ ସଦର ପରିକ୍ରମା କରାଯାଇ ଶିବ ମନ୍ଦିର ନିକଟସ୍ଥ ନାଗାବଳୀ ନଦୀରେ ବିସର୍ଜନ କରାଯାଇଥିଲା। ଏହି ଅବସରରେ ଶ୍ରଦ୍ଧାଳୁଙ୍କ ମଧ୍ୟରେ ଉତ୍ସାହ ଓ ଭକ୍ତିମୟ ପରିବେଶ ସୃଷ୍ଟି ହୋଇଥିଲା।