Odisha Janamata : ପିକଅପ ଗାଡି ଧକ୍କା ରେ ଦୁଇ ମୃତ |

ପିକଅପ ଗାଡି ଧକ୍କା ରେ ଦୁଇ ମୃତ |

30-Aug-2025

ପିକ୍ଅପ୍ ଗାଡ଼ି ଧକ୍କାରେ ଦୁଇ ମୃତ।

ଓଡିଶା ଜନମତ,
ବ୍ରହ୍ମପୁର, କୈଳାଶ ଚନ୍ଦ୍ର ଚୌଧୁରୀ,

ସଦର ଥାନା ଅନ୍ତର୍ଗତ ଦିଗପହଣ୍ଡି ରାସ୍ତା ବାଇଗଣବାଡ଼ି ଗ୍ରାମ ଛକରେ ଗୋଟିଏ ମୋଟରସାଇକେଲ କୁ ପିକ୍ଅପ୍ ଗାଡ଼ି ମୁହାଁମୁହିଁ ଧକ୍କା ଦେଇଥିଲା। ଯାହା ଫଳରେ ଦୁଇ ମୋଟରସାଇକେଲ ଆରୋହୀ ନିକଟସ୍ଥ ଖଲିଙ୍ଗି ଗ୍ରାମର କର୍ଣ୍ଣ ସେଠୀ ଓ ସନାତନ ସୁଆଁସିଆ ଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଛି। ସ୍ଥାନୀୟ ଲୋକେ ଦୁର୍ଘଟଣା ପରେ ବ୍ରହ୍ମପୁର ଦିଗପହଣ୍ଡି ମୁଖ୍ୟ ରାସ୍ତା ଅବରୋଧ କରି ଆନ୍ଦୋଳନ କରିଛନ୍ତି। ଖବର ପାଇ ସଦର ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାଇବା ସହ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡଡାକ୍ତରଖାନାକୁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି। ଅନ୍ୟ ପକ୍ଷରେ ଗାଡ଼ି ଚାଲକ କୁ ଅଟକ ରଖି ପଚରାଉଚରା କରୁଛନ୍ତି। ରେଡକ୍ରସ୍ ପାଣ୍ଠି ତରଫରୁ ମୃତକଙ୍କ ପରିବାରକୁ ୩୦ ହଜାର ଟଙ୍କା ଲେଖାଏଁ ସହାୟତା ରାଶି ପ୍ରଦାନ କରାଯାଇଛି।