Odisha Janamata : ବେଲଗୁଣ୍ଠା ରେ ଥିବା ସଖୀ କେନ୍ଦ୍ର ପକ୍ଷରୁ ତାଲିମ ଶିବିର ଅନୁଷ୍ଠିତ |

ବେଲଗୁଣ୍ଠା ରେ ଥିବା ସଖୀ କେନ୍ଦ୍ର ପକ୍ଷରୁ ତାଲିମ ଶିବିର ଅନୁଷ୍ଠିତ |

31-Aug-2025

ବେଲଗୁଣ୍ଠାରେ ସଖୀ କେନ୍ଦ୍ର (ୱାନ୍ ଷ୍ଟପ୍ ସେଣ୍ଟର୍) ପକ୍ଷରୁ ତାଲିମ୍ ଶିବିର ଅନୁଷ୍ଠିତ ହୋଇଛି।

ଓଡିଶା ଜନ ମତ ,

ବ୍ରହ୍ମପୁର, କୈଳାଶ ଚନ୍ଦ୍ର ଚୌଧୁରୀ,
ମହିଳା ମାନଙ୍କୁ ବିଭିନ୍ନ ପ୍ରକାର ସହାୟତା ପ୍ରଦାନ ପାଇଁ ଗଠିତ ଏକକାଳୀନ ସମାଧାନ କେଂଦ୍ର (ସଖୀ) ପକ୍ଷରୁ ବେଲଗୁଣ୍ଠା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର, ଗୋବରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଏବଂ ଗାଙ୍ଗପୁର ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଆଶା କର୍ମୀ ମାନଙ୍କୁ ତାଲିମ୍ ପ୍ରଦାନ କରାଯାଇଛି I ବିଶେଷ କରି ସଖୀ କେନ୍ଦ୍ର (ୱାନ୍ ଷ୍ଟପ୍ ସେଣ୍ଟର୍) ନିର୍ଯ୍ୟାତିତା ମହିଳାଙ୍କୁ ଯୋଗାଇ ଦେଉଥିବା ପୋଲିସ୍ ସହାୟତା, ଡ଼ାକ୍ତରୀ ସହାୟତା, ଆଇନଗତ ସହାୟତା, ମନସ୍ତାତ୍ତ୍ୱିକ ଓ ସାମାଜିକ ପରାମର୍ଶ,ଆଶ୍ରୟ ସମେତ ଅନ୍ୟାନ୍ୟ ସହାୟତା ସମ୍ପର୍କରେ ଉପସ୍ଥିତ ଆଶାକର୍ମୀ ମାନଙ୍କୁ ତାଲିମ୍ ପ୍ରଦାନ କରାଯାଇଥିଲା I ମାଷ୍ଟର୍ ଟ୍ରେନର୍ ଆଇନଜୀବୀ ସ୍ନେହମୟୀ ପାଢୀ, ସୌଦାମିନୀ ସାହୁ ଏବଂ ପ୍ରଭାସିନୀ ପାଣିଗ୍ରାହୀ ପ୍ରମୁଖ ତାଲିମ୍ ପ୍ରଦାନ କରିଥିଲେ I କାର୍ଯ୍ୟକ୍ରମକୁ ବିପିଏମ୍ ଦୂର୍ଗା ପ୍ରସାଦ ପଟ୍ଟନାୟକ ପରିଚାଳନା କରିଥିଲେ I ମହିଳା ସ୍ୱାସ୍ଥ୍ୟ ପରିଦର୍ଶିକା କାର୍ଯ୍ୟକ୍ରମରେ ସହଯୋଗ କରିଥିଲେ I