Odisha Janamata : ଖଲ୍ଲିକୋଟ ରେ ପାଚିକା, ସହାୟିକା ଙ୍କ ତାଲିମ ଶିବିର ଆୟୋଜିତ |

ଖଲ୍ଲିକୋଟ ରେ ପାଚିକା, ସହାୟିକା ଙ୍କ ତାଲିମ ଶିବିର ଆୟୋଜିତ |

10-Aug-2026

ଖଲ୍ଲିକୋଟ: ପାଚିକା, ସହାୟିକାଙ୍କ ତାଲିମ ଶିବିର ଆୟୋଜିତ |

ଓଡିଶା ଜନ ମତ ବ୍ୟୁରୋ,

ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ତରଫରୁ ସ୍ଥାନୀୟ ଶ୍ରୀମର୍ଦ୍ଦରାଜ ଉଚ୍ଚ ବିଦ୍ୟାଳୟ ସମ୍ମିଳନୀ କକ୍ଷରେ ବିଭିନ୍ନ କ୍ଲଷ୍ଟର ଅଧୀନସ୍ଥ ସରକାରୀ ପ୍ରାଥମିକ ଉଚ୍ଚ ପ୍ରାଥମିକ ବିଦ୍ୟାଳୟରେ କାର୍ଯ୍ୟରତ ଉଭୟ ପାଚିକା , ପାଚିକା ସହାୟିକାଙ୍କ ଏକ ଦିବସୀୟ ତାଲିମ ଶିବିର ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଖଲ୍ଲିକୋଟ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ତଥା ବିଶିଷ୍ଟ ଶିକ୍ଷାବିତ୍ ଶ୍ରୀଯୁକ୍ତ ସତ୍ୟନାରାୟଣ ଦାସ ସମସ୍ତ ପାଚିକା, ସହାୟିକାଙ୍କ କାର୍ଯ୍ୟକୁ ଉଚ୍ଚ ପ୍ରଶଂସା ସହିତ ଉତ୍ସାହିତ କରିଥିଲେ ।
ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ତଥା ବି ଆର ସି ସି ସୁଶ୍ରୀ ସୁଷମା ଶବର ଉପସ୍ଥିତ ସମସ୍ତ ପାଚିକା, ପାଚିକା ସହାୟିକାଙ୍କୁ ବହୁ ପରାମର୍ଶ ପ୍ରଦାନ କରିଥିଲେ । କନକା ସି ଆର ସି ସି ଡକ୍ଟର ଦ୍ୱାରିକାନାଥ ମହାରଣା ସମ୍ବଳ ପ୍ରଶିକ୍ଷକ, ମର୍ଦ୍ଦରାଜ ଉଚ୍ଚ ବିଦ୍ୟାଳୟର ପାଚିକା ସୁଜାତା ଡାକୁଆ ସମ୍ବଳ ପ୍ରଶିକ୍ଷିକା ରୂପେ ଯୋଗଦେଇ ପାଚିକା, ସହାୟିକାଙ୍କ ପାଇଁ ଉଦ୍ଦିଷ୍ଟ ମାର୍ଗ ଦର୍ଶିକା, ବ୍ୟକ୍ତିଗତ ପରିଷ୍କାର ପରିଚ୍ଛନ୍ନତା, ଖାଦ୍ୟ ରନ୍ଧନ, ଖାଦ୍ୟ ସାମଗ୍ରୀର ମାନ ନିର୍ଦ୍ଧାରଣ, ଶୃଙ୍ଖଳିତ ଖାଦ୍ୟ ପରିବେଷଣ, ଖାଦ୍ୟ ପଦାର୍ଥ ସଂରକ୍ଷଣ ପଦ୍ଧତି, ସ୍ୱଚ୍ଛତା ପାଳନ ଆଦି ବହୁବିଧ ବିଷୟରେ ଉପସ୍ଥିତ ପାଚିକା, ପାଚିକା ସହାୟିକାଙ୍କୁ ବୁଝାଇଥିଲେ । ଆୟୋଜିତ ଶିବିରରେ ପଥରା ସି ଆର ସି ସି ପ୍ରକାଶ ଚନ୍ଦ୍ର ସେଠୀ, ଲଙ୍ଗଳେଶ୍ଵର ସି ଆର ସି ସି ନିରଞ୍ଜନ ସେଠୀ, ଉସ୍ତାପଡା ସି ଆର ସି ସି ରାଜେନ୍ଦ୍ର କୁମାର ପଣ୍ଡା ପ୍ରମୁଖ ସହଯୋଗ କରିଥିଲେ।
ବଧିନୂଆପଲ୍ଲୀ, କେଶପୁର, କନକା, ଚିକିଲି, କୈରାଶି, ପଥରା, ଉସ୍ତାପଡା, ଦାନପୁର, କଞ୍ଚଣା, ସାବୁଳିଆ, ଟି. ବାଗଲପୁର ଆଦି କ୍ଲଷ୍ଟର ଅଧୀନସ୍ଥ ବିଦ୍ୟାଳୟ ଗୁଡିକରୁ ବହୁ ପାଚିକା, ପାଚିକା ସହାୟିକା ଯୋଗଦାନ କରିଥିଲେ ।

ରିପୋର୍ଟ-
ଡକ୍ଟର ଦ୍ଵାରିକାନାଥ ମହାରଣା
ଖଲ୍ଲିକୋଟ, ଗଞ୍ଜାମ