Odisha Janamata : ଭାଲୁ ଆକ୍ରମଣ ରେ ଜଣେ ବ୍ୟକ୍ତି ଗୁରୁତର ମେଡିକାଲ ରେ ଭର୍ତ୍ତି ||

ଭାଲୁ ଆକ୍ରମଣ ରେ ଜଣେ ବ୍ୟକ୍ତି ଗୁରୁତର ମେଡିକାଲ ରେ ଭର୍ତ୍ତି ||

18-Aug-2026

ସାଇକେଲ ରେ ଆସୁଥିବା ବେଳେ ପଛ ପଟରୁ ଆକ୍ରମଣ କଲା ଭାଲୁ |

ବର୍ତ୍ତମାନ ଗଞ୍ଜାମ ଜିଲ୍ଳାରେ ଭାଲୁ ସଂଖ୍ୟା କିଛି ମାତ୍ରାରେ କମି ଯାଇଥିଲେ ମଧ୍ୟ କିଛି ଅଞ୍ଚଳ ରେ ଏବେବି ଭାଲୁ ଭୟ ରହିଛି | ଏବଂ ଭାଲୁ ମାନେ ମଣିଷକୁ ଆକ୍ରମଣକରୁଛନ୍ତି | ଏପରି ଏକ ଘଟଣା ଘଟିଛି ଗଞ୍ଜାମ ଜିଲ୍ଲା ତାରସିଂ ଥାନା ତଥା ଉତ୍ତର ଘୁମୁସର ବନଖଣ୍ଡ ଗାଲେରୀ ବନାଞ୍ଚଳ ଅଧିନ କାଠଚିରା ଗ୍ରାମ ନିକଟରେ || ଭାଲୁ ଆକ୍ରମଣରେ ଜଣେ ବ୍ୟକ୍ତି ଆହତ ହୋଇଛନ୍ତି। ଆହତ ଜଣକ ହେଲେ କାଠଚିରା ଗ୍ରାମର ଦୁଖା ଗୌଡ଼(୫୫)। ବର୍ତ୍ତମାନ ଭଞ୍ଜନଗର ଉପଖଣ୍ଡ ଚିକିତ୍ସାଳୟରେ ତାଙ୍କର ଚିକିତ୍ସା ଚାଲିଛି। ସେ ଜମିରୁ କାମ ସାରି ସାଇକେଲରେ ଘରକୁ ଫେରୁଥିବା ସମୟରେ ନିକଟ ଜଙ୍ଗଲ ଭିତରୁ ଏକ ଭାଲୁ ପଛ ପଟୁ ଆସି ତାଙ୍କ ବାମ ଗୋଡ଼କୁ ଅଚାନକ କାମୁଡ଼ି ଦେଇଥିଲା। ସେ ତଳେ ଛିଟିକି ପଡ଼ିଯିବା ସହ ଚିତ୍କାର କରିବାରୁ ଭାଲୁ ତାଙ୍କୁ ଛାଡ଼ି ସେଠାରୁ ଦୌଡି ପଳାଇଥିଲା। ଏହାପରେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଭଞ୍ଜନଗର ମେଡିକାଲରେ ଭର୍ତ୍ତି କରାଯାଇଥିଲା। ଗୋଡ଼ ଖଣ୍ଡିଆ ଖାବରା ହେବ ସହ ତାଙ୍କର ଏକ ହାଡ ଭାଙ୍ଗି ଥିବା ପରିବାର ଲୋକ ପ୍ରକାଶ କରିଛନ୍ତି। ବନ ବିଭାଗ ଅଧିକାରୀ ଡାକ୍ତରଖାନାରେ ପହଞ୍ଚି ଘଟଣା ସମ୍ପର୍କରେ ପଚରା ଉଚୁରା କରିଥିଲେ। ଏଭଳି ରାସ୍ତା ଉପରେ ଭାଲୁ ଆକ୍ରମଣ ଘଟଣା ପରେ ସ୍ଥାନୀୟ ଅଞ୍ଚଳବାସୀ ଏକ ପ୍ରକାର ଭୟଭୀତ ରହିଥିବା ଜଣାପଡ଼ିଛି। ତେବେ ଉକ୍ତ ବନାଞ୍ଚଳରେ ଦୀର୍ଘ ଦିନ ହେଲା ରେଞ୍ଜର ପଦବୀ ଖାଲି ରହିଥିବା ବେଳେ ଅତିରିକ୍ତ ଦାୟିତ୍ୱରେ ଚାଲିଥିବା ଜଣାପଡ଼ିଛି। ହାତୀ ସାଙ୍ଗକୁ ଅନେକ ବନ୍ୟପ୍ରାଣୀ ଏହି ରେଞ୍ଜରେ ଚଳାଚଳ ରହିଥିବା ବେଳେ ପଡୋଶୀ ବନଖଣ୍ଡ ସହ ଏହାର ସୀମା ଲାଗିଛି। ବନଖଣ୍ଡର ଏହି ବନାଞ୍ଚଳର ଗୁରୁତ୍ୱ ରହିଥିବା ବେଳେ ସ୍ଥାୟୀ ରେଞ୍ଜର ନିଯୁକ୍ତିର ଆବଶ୍ୟକତା ରହିଛି।