Odisha Janamata : ବେଲଗୁଣ୍ଠା ଥାନା ଅଞ୍ଚଳରେ ବାଇକ ଦୁର୍ଘଟଣରେ ଯୁବକଙ୍କ ଛିଡିଗଲା ହାତ |

ବେଲଗୁଣ୍ଠା ଥାନା ଅଞ୍ଚଳରେ ବାଇକ ଦୁର୍ଘଟଣରେ ଯୁବକଙ୍କ ଛିଡିଗଲା ହାତ |

30-Aug-2025

ମୋଟରସାଇକେଲ ଦୁର୍ଘଟଣାରେ ଶରୀରରୁ ଛିଣ୍ଡିଗଲା ହାତ,

ଓଡିଶା ଜନ ମତ, ବ୍ରାହ୍ମପୁର କୈଳାଶ ଚନ୍ଦ୍ର ଚୌଧୁରୀ:

ଅପରାହ୍ଣ ୩ ଘଣ୍ଟା ସମୟରେ ଗଂଜାମ ଜିଲ୍ଲା ବେଲଗୁଣ୍ଠା ଥାନା ଉଢୁରା ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଯୁବକଙ୍କ ଦେହରୁ ହାତ ଅଲଗା ହୋଇଯାଇଛି I ଯୁବକ ଜଣଙ୍କ ହେଉଛନ୍ତି ଜଗନ୍ନାଥ ପ୍ରସାଦ ଥାନା ପଞ୍ଚଭୂତି ଗ୍ରାମର ଗୋବିନ୍ଦ ବିଷୋୟୀ I ସୂଚନା ପ୍ରକାରେ ଆଜି ଅପରାହ୍ଣରେ ଗୋବିନ୍ଦ ଏକ ମୋଟରସାଇକେଲ୍ ଯୋଗେ ବେଲଗୁଣ୍ଠା ପଟୁ ନିମପଦର ଶଶୁର ଘରକୁ ଯାଉଥିବା ସମୟରେ ଭାରସାମ୍ୟ ହରାଇ ଜଗନ୍ନାଥପ୍ରସାଦ ରାସ୍ତାର ଉଢୁରା ଗ୍ରାମ ଛକ ଠାରୁ ଅଳ୍ପ ଦୁରରେ ବହୁ ଦିନରୁ ରାସ୍ତାକଡ଼ରେ ରହିଥିବା ଏକ ଜେସିବି ମେସିନ ସହିତ ଧକ୍କା ହୋଇଥିଲା I ଫଳରେ ଗୋବିନ୍ଦଙ୍କ ବାମ ପଟ ହାତ କାନ୍ଧ ପାଖରୁ କିଛି ଅଂଶ ଛାଡ଼ି ଅବଶିଷ୍ଟ ଛିଣ୍ଡି ଯାଇ ମେସିନ ରେ ଝୁଲି ରହିଥିଲା I ସେଠାରେ ଗୋବିନ୍ଦ ପଡିଯିବା ସହ ବାଇକଟି ବାମ ପଟରୁ ବହୁ ଦୁରରେ ଡାହାଣ ପଟ ବିଲକୁ ଖସି ଯାଇଥିଲା I ସ୍ଥାନୀୟ ଲୋକେ ୧୦୮ ଆମ୍ବୁଲାନସ୍ କୁ ଖବର ଦେଇଥିଲେ ମଧ୍ୟ, ଦୀର୍ଘ ସମୟ ପର୍ଯ୍ୟନ୍ତ ଆମ୍ବୁଲାନସ ଆସି ନଥିଲା। ଅଞ୍ଚଳ ବାସୀ ଏକ ଅଟୋ ସାହାଯ୍ୟରେ ଗୋବିନ୍ଦଙ୍କ ପରିବାର ଲୋକ ସହିତ ଛିଣ୍ଡି ଯାଇଥିବା ହାତ ଧରି ଭଂଜନଗର ମେଡିକାଲକୁ ପଠାଇ ଥିଲେ । ଖବର ପାଇ ବେଲଗୁଣ୍ଠା ଥାନା ଅଧିକାରୀ ରେବତୀ ଶବରଙ୍କ ନିର୍ଦ୍ଦେଶକ୍ରମେ ଘଟଣାସ୍ଥଳରେ ଓ ଡାକ୍ତରଖାନାରେ ପହଞ୍ଚି ଘଟଣା ର ତଦନ୍ତ ଆରମ୍ଭ କରିଛନ୍ତି