Odisha Janamata : ଖଲ୍ଲିକୋଟ ବ୍ଳକରେ ଆରମ୍ଭ ହେଲା ଆଳୁ ଉତ୍ପାଦନ |

ଖଲ୍ଲିକୋଟ ବ୍ଳକରେ ଆରମ୍ଭ ହେଲା ଆଳୁ ଉତ୍ପାଦନ |

03-Feb-2025

ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକ ରେ ଆରମ୍ଭ ହେଲା ଆଳୁ ଉତ୍ପାଦନ |
*****************************
ଓଡିଶା ଜନମତ, ଖଲ୍ଲିକୋଟ, ମାଧବ ବେହେରା 3 /2: ସରକାରଙ୍କ ବହୁ ପ୍ରତିକ୍ଷୀତ ଆଳୁ ଉତ୍ପାଦନ ମିଶନ ଗଞ୍ଜାମ ଜିଲ୍ଲା ର ଖଲ୍ଲିକୋଟ ବ୍ଲକ ରେ ଆଳୁ ଉତ୍ପାଦନ ସଫଳ ହୋଇଥିବା ଜଣାପଡିଛି |ସୂଚନା ଅନୁଯାଇ ପଶ୍ଚିମ ବଙ୍ଗ ଓଡିଶା କୁ ଆଳୁ ପ୍ରଦାନ କ୍ଷେତ୍ର ରେ ଅବହେଳା ପ୍ରଦର୍ଶନ କରିବା ଫଳରେ ସମଗ୍ର ଓଡିଶା ରେ ଆଳୁ ସଙ୍କଟ ଦେଖାଦେବା ସହ ଆଳୁ ର ଅହେତୁକ ଦର ବୃଦ୍ଧି ଘଟିଲା |ତେବେ ଓଡିଶା ସରକାର ଆଳୁ ଉତ୍ପାଦନ ରେ ଆତ୍ମ ନିର୍ଭରଶୀଳ ହେବା ପାଇଁ ଉଦ୍ୟାନ କୃଷି ବିଭାଗ ଦ୍ୱାରା ଆଳୁ ଚାଷ ପାଇଁ ନିଷ୍ପତ୍ତି ନେଇଥିଲେ |ତଦନୁଯାଇ ଗଞ୍ଜାମ ଜିଲ୍ଲା ର ବିଭିନ୍ନ ବ୍ଲକ ରେ 500 ହେକ୍ଟର ତାପମାତ୍ରା ଅନୁକୂଳ ଜମି ରେ ଆଳୁ ଚାଷ ପାଇଁ ଚନ୍ଦ୍ରମୁଖୀ ନାମକ ଆଳୁ ବିହନ ବଣ୍ଟନ କରିଥିଲେ |ଯା ଫଳରେ ଖଲ୍ଲିକୋଟ ବ୍ଲକ ର ଉଦ୍ୟାନ କୃଷି ବିଭାଗ ତରଫରୁ ବ୍ଲକ ର ମଥୁରା, ବାଦପଲ୍ଲୀ ଓ କଞ୍ଚଣା ପଂଚାୟତ ସମେତ ବିଭିନ୍ନ ପଂଚାୟତ ରେ 23 ହେକ୍ଟର ଜମି ରେ ଆଳୁ ଚାଷ ପାଇଁ ପ୍ରାୟ 323 କୁଇଣ୍ଟାଲ ଆଳୁ ବିହନ ପଚାଶ ଭାଗ ରିହାତି ରେ ବଣ୍ଟନ କରାଯାଇଥିଲା |ଫଳରେ ଖଲ୍ଲିକୋଟ ବ୍ଲକ ର କଞ୍ଚଣା ପଂଚାୟତ ର ପିତାମ୍ବର ଜେନା ନାମକ ଜଣେ ଉଦ୍ୟମୀ ଚାଷୀ ଅନ୍ୟାନ୍ୟ ପନିପରିବା ଚାଷ ସହ ଗତ ତିନିମାସ ତଳେ ଆଳୁ ଫସଲ ପାଇଁ ନିଜ ଜମିରେ 0.19 ହେକ୍ଟର ଜମିରେ 2.3 କୁଏଣ୍ଟାଲ ଆଳୁ ବିହନ କୁ ଉଦ୍ୟାଙ୍କ କୃଷି ବିଭାଗ ର ସହକାରୀ ଉଦ୍ୟାନ କୃଷି ଅଧିକାରୀ ଙ୍କ ପରାମର୍ଶ କ୍ରମେ ଆବଶ୍ୟକ ପାତାଳି କରି ସାର କୀଟନାଶକ ଔଷଧ ଦେଇ ଆଳୁ ଚାଷ କରିଥିଲେ |ଚାଷୀ ପିତାମ୍ବର ଜେନା ଙ୍କ ଜମି ରେ 22 ଡଗ୍ରୀ ରୁ କମ ତାପମାତ୍ରା ରହିବା ସାଙ୍ଗକୁ ଚାଷ ପ୍ରଣାଳୀ ର ଠିକ ଉପଯୋଗ କରିବା ଫଳରେ ସେ ଆଳୁ ଚାଷ କରି ସଫଳତା ପାଇଥିବା ଜଣାପଡିଛି |ପରୀକ୍ଷା ମୂଳକ ଭାବେ କରିଥିବା ପ୍ରଥମ ପର୍ଯ୍ୟାୟ ଆଳୁ ଚାଷ କରି 13 କୁଇଣ୍ଟାଲ ଆଳୁ ଉତ୍ପାଦନ କରିଥିବା ଜଣାପଡିଛି |ଆଗକୁ ସରକାରୀ ସହଯୋଗ ମିଳିଲେ ଓ ଆବଶ୍ୟକ ବିହନ ଓ ସାର ମିଳିଲେ ଆଳୁ ଚାଷ କୁ ଦ୍ବିଗୁଣିତ କରିବେ ବୋଲି ଆଶା ରଖିଛନ୍ତି |ତେବେ ଅଦିନିଆ ବର୍ଷା ଓ ତାପମାତ୍ରା ନୟନ୍ତ୍ରଣ ଅଭାବ ରୁ ଖଲ୍ଲିକୋଟ ବ୍ଲକ ର ବାଦପଲ୍ଲୀ ଓ ମଥୁରା ପଭୃତି ପଂଚାୟତ ରେ ଆଳୁ ବିହନ ସଢ଼ି ଯିବା ଯୋଗୁଁ ଫସଲ ଅମଳ ରେ ବାଧା ଉପୁଜିଥିବା ପ୍ରକାଶ |ସେହିପରି ଆବଶ୍ୟଜ ଶୀତଳ ଭଣ୍ଡାର ଓ ଉତ୍ତମ ବଜାର ଅଭାବ ରୁ ଟମାଟୋ ଦର ପାଞ୍ଚ ଟଙ୍କା ଓ କୋବି ଦାମ 10 ଟଙ୍କା ରେ ଚାଷୀ ମାନେ ଶାଗ ମାଛ ଦର ରେ ବିକ୍ରି ଅଭାବୀ ବିକ୍ରି rs ଶିକାର ହେଉଥିବା ମଧୁରୁ ଚୁଆ, ଗୌରାଙ୍ଗ ପାଟଣା ଦିଆଁ ଦେଇ ଓ ପଭୃତି ଗ୍ରାମର ଚାଷୀ ମାନେ ଲୁହ ଭରା କାନ୍ଥରେ ପ୍ରକାଶ କରିବା ସହ ସେମାନଙ୍କ ପ୍ରଶ୍ରାମ ମୁଲ ର ପଚାଶ ଭାଗ ମଧ୍ୟ ବଂଚିବା କଷ୍ଟ ବୋଲି ପ୍ରକାଶ କରିଛନ୍ତି | ବିପରୀତ ଜଳବାୟୁ ଅନିୟମିତତା ବର୍ଷା ପାଗ କୁ ସୁହାଇଲା ଭଳି କୃଷି ବୈଜ୍ଞାନିକ ମାନେ ବିହନ ପ୍ରସ୍ତୁତ କରିବା ପାଇଁ ଚାଷୀ ମହଲ ରେ ଆଲୋଚନା ଜୋର ଧରିଛି | ବ୍ଲକ ର ମଥୁରା ଗ୍ରାମ ର ସନ୍ତୋଷ କୁମାର ସ୍ୱାଇଁ ଓ ପାରିନୁଆଁ ଗାଁ ର କବିତା ପ୍ରଧାନ ଆଳୁ ଉତ୍ପାଦନ କରି ବହୁତ ଖୁସି ଅନୁଭବ କରୁଥିବା ଦେଖିବାକୁ ମିଳୁଛି |