Odisha Janamata : ଖଲ୍ଲିକୋଟ ରେ ଆଞ୍ଚଳିକ ସ୍ତରୀୟ ସମୁହକ୍ରୀଡା ପ୍ରତିଯୋଗୀ ତା ଅନୁଷ୍ଠିତ |

ଖଲ୍ଲିକୋଟ ରେ ଆଞ୍ଚଳିକ ସ୍ତରୀୟ ସମୁହକ୍ରୀଡା ପ୍ରତିଯୋଗୀ ତା ଅନୁଷ୍ଠିତ |

31-Aug-2026

ଖଲ୍ଲିକୋଟ : ଆଂଚଳିକ ସ୍ତରୀୟ ସମୂହ କ୍ରୀଡା ପ୍ରତିଯୋଗିତା ଅନୁଷ୍ଠିତ

ଉଭୟ କ୍ରୀଡା ଓ କ୍ରୀଡ଼ାବିତଙ୍କ ବିକାଶରେ
ସମୂହ ବିକାଶ |

ଓଡିଶା ଜନ ମତ ବ୍ୟୁରୋ ,

କ୍ରୀଡା ତଥା କ୍ରୀଡାବିତଙ୍କ ବିକାଶ ହେଲେ ଶିକ୍ଷାର ବିକାଶ ହୋଇପାରିବ । ଏହି ପରିପ୍ରେକ୍ଷୀରେ ଖଲ୍ଲିକୋଟ ସ୍ଥିତ ଶ୍ରୀମର୍ଦ୍ଦରାଜ ଉଚ୍ଚ ବିଦ୍ୟାଳୟ ପରିସରରେ ଆଞ୍ଚଳିକ ସ୍ତରୀୟ କ୍ରୀଡା ପ୍ରତିଯୋଗିତା ଜୋନ୍:- ୧ ପକ୍ଷରୁ ଶୁଭ ଉଦଘାଟିତ ହୋଇଯାଇଛି । ଖଲ୍ଲିକୋଟ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ସତ୍ୟନାରାୟଣ ଦାସ ମୁଖ୍ୟ ଅତିଥି ରୂପେ ଯୋଗଦେଇ ପତାକା ଉତ୍ତୋଳନ କରି ପ୍ରତିଯୋଗିତାର ଶୁଭାରମ୍ଭ କରିଥିଲେ । ଏହି ଅବସରରେ ଆୟୋଜିତ ଉତ୍ସବରେ ବ୍ଲକ ସମୂହ କ୍ରୀଡା ପ୍ରତିଯୋଗିତାର ସମ୍ପାଦକ ପୀତବାସ ମହାପାତ୍ର ପ୍ରାକ ସୂଚନା ପ୍ରଦାନ କରିଥିଲା ବେଳେ ଗୋପପୁର ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ପ୍ରକାଶ ଚନ୍ଦ୍ର ବେହେରା ସ୍ଵତନ୍ତ୍ର ଅତିଥି, ଶ୍ରୀମର୍ଦ୍ଦରାଜ ଉଚ୍ଚ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଚନ୍ଦ୍ରକଳା ବେହେରା, ଆଂଚଳିକ ସାଧନ କେନ୍ଦ୍ର ସଂଯୋଜକ ଡକ୍ଟର ଦ୍ବାରିକାନାଥ ମହାରଣା ସମ୍ମାନୀତ ଅତିଥି ଭାବେ ଯୋଗଦାନ କରି ଛାତ୍ରଛାତ୍ରୀମାନେ କିଭଳି କ୍ରୀଡା ପ୍ରତି ଆକର୍ଷିତ ହେବେ, ସଫଳ କ୍ରୀଡାବିତ ସୃଷ୍ଟି କରି ପ୍ରୋତ୍ସାହିତ କରିବା, ଶାରିରୀକ ସୁସ୍ଥତା ଦିଗରେ କ୍ରୀଡାର ଆବଶ୍ୟକତା ଆଦି ବହୁବିଧ ଦିଗ ଉପରେ ସାରସ୍ବତ ବକ୍ତବ୍ୟ ପ୍ରଦାନ କରିଥିଲେ । ଅନୁଷ୍ଠିତ ପ୍ରତିଯୋଗିତାରେ ଆଭାସ, ମଥୁରା, ଚିକିଲି, କନକା, ବଧିନୂଆପଲ୍ଲୀ କ୍ଲଷ୍ଟର୍ ଅଧୀନସ୍ଥ ପ୍ରାଥମିକ, ଉଚ୍ଚ ପ୍ରାଥମିକ, ମାଧ୍ୟମିକ, ଉଚ୍ଚ ମାଧ୍ୟମିକ ବିଦ୍ୟାଳୟରେ ପଠନରତ ୧୪ ବର୍ଷରୁ କମ୍, ୧୭ ବର୍ଷରୁ କମ୍ ବାଳକ, ବାଳିକା ଦୌଡ ପ୍ରତିଯୋଗିତା, ଲମ୍ବ ଡିଆଁ, ଉଚ୍ଚ ଡିଆଁ, ଡିସକସ ଥ୍ରୋ, ଜାଭେଲିନ୍ ଥ୍ରୋ ଆଦି ପ୍ରତିଯୋଗିତାରେ ବହୁ ସଂଖ୍ଯାରେ ଅଂଶଗ୍ରହଣ କରିଥିଲେ । କ୍ରୀଡା ପ୍ରତିଯୋଗିତାରେ ଆଞ୍ଚଳିକ ସମ୍ପାଦକ ଆଶୁତୋଷ ପ୍ରଧାନ, ଶାରିରୀକ ଶିକ୍ଷା ପ୍ରଶିକ୍ଷକ ସୁକାନ୍ତ କୁମାର ବେହେରା, ଜ୍ଯୋତ୍ସ୍ନାବାଳା ସେନାପତି, ସୁବାସ ଚନ୍ଦ୍ର ସାହୁ, ମହନ୍ତ କୁମାର ଜେନା, ରଜତ କୁମାର ସାମନ୍ତ, ପ୍ରଶିକ୍ଷିକା ମଧୁମିତା ଦାଶ, ଦୀପ୍ତିମୟୀ ପାତ୍ରଙ୍କ ସମେତ ବହୁ ଶିକ୍ଷକ ଶିକ୍ଷୟତ୍ରୀ ଯୋଗ ଦେଇଥିଲେ ।

ରିପୋର୍ଟ:-
ଡକ୍ଟର ଦ୍ବାରିକାନାଥ ମହାରଣା
ଖଲ୍ଲିକୋଟ, ଗଂଜାମ