Odisha Janamata : ବୁଗୁଡ଼ା ଠାରେ ମହା ସମାରୋହ ରେ ପାଳିତ ହେଲା ଠାକୁର ଅନୁକୂଳ ଚନ୍ଦ୍ର ଙ୍କ ଜନ୍ମ ମହୋତ୍ସବ |

ବୁଗୁଡ଼ା ଠାରେ ମହା ସମାରୋହ ରେ ପାଳିତ ହେଲା ଠାକୁର ଅନୁକୂଳ ଚନ୍ଦ୍ର ଙ୍କ ଜନ୍ମ ମହୋତ୍ସବ |

09-Mar-2026

ଠାକୁର ଅନୁକୂଳ ଚନ୍ଦ୍ର ଙ୍କ ଜନ୍ମ ମହୋତ୍ସବ ମହାସମାରୋହ ରେ ପାଳିତ,

ଓଡିଶା ଜନ ମତ,ବୁଗୁଡ଼ା: ୯।୩ ଡ. କୁମୁଦ ଚନ୍ଦ୍ର ବେହେରା ::--

ସ୍ଥାନୀୟ ସତସଙ୍ଗ କେନ୍ଦ୍ର ପକ୍ଷରୁ ସୂର୍ଯ୍ୟନଗରସ୍ଥିତ ଉତ୍ସବ ପ୍ରାଙ୍ଗଣ ରେ ଶ୍ରୀ ଶ୍ରୀ ଠାକୁର ଅନୁକୂଳ ଚନ୍ଦ୍ର ୧୩୮ତମ ଜନ୍ମ ମହୋତ୍ସବ ଓ ବ୍ଲକ ସ୍ତରୀୟ ୧୬ ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଉକ୍ତ ମହୋତ୍ସବ ର ବ୍ରହ୍ମ ମୁହୂର୍ତ୍ତ ରେ ବେଦ ମାଙ୍ଗଳିକ, ପ୍ରତ୍ୟୁଷ ରେ ଉଷା କୀର୍ତ୍ତନ , ପ୍ରାତଃ କାଳ ରେ ସମବେତ ଉଷା ବିନତି ପ୍ରାର୍ଥନା , ପୂର୍ବାହ୍ନ ରେ ନଗର କୀର୍ତ୍ତନ ସହ ସତସଙ୍ଗ ସଦଲୋଚନା କରାଯାଇଥିଲା । ବୁଗୁଡ଼ା ସତସଙ୍ଗ ର ଆୟୋଜିତ ଏହି ମହୋତ୍ସବ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ , ମୁଖ୍ୟ ବକ୍ତା ଭାବେ ନିରଞ୍ଜନ ବିଶ୍ଵାଳ ଯୋଗ ଦେଇ ଠାକୁର ଅନୁକୂଳଚନ୍ଦ୍ର ଙ୍କ ଆଦର୍ଶ ରେ ଅନୁପ୍ରାଣିତ ହୋଇ ଶୃଙ୍ଖଳିତ ଜୀବନଚର୍ଯ୍ୟା ଗ୍ରହଣ କରିବା ଉପରେ ଗୁରୁତ୍ୱାରୋପ କରିଥିଲେ । ଉକ୍ତ କାର୍ଯ୍ୟକ୍ରମ ରେ ଯାଜକ ବିଘ୍ନେଶ ଦୋରା ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ପରିଶେଷରେ ଉତ୍ସବ କମିଟି ସଭାପତି ଦୁର୍ଗା ମାଧବ ପଣ୍ଡା ଧନ୍ୟବାଦ୍ ଅର୍ପଣ କରିଥିଲେ । ଏହି କାର୍ଯ୍ୟକ୍ରମ ରେ ମାତୃମଣ୍ଡଳୀ ସମେତ ବହୁ ଶ୍ରଦ୍ଧାଳୁ ଙ୍କ ସମାବେଶ ଘଟିଥିଲା ବେଳେ ପରିଚାଳନା ରେ ସତସଙ୍ଗ ର ଗୁରୁ ଭାଇ ମାନେ ସକ୍ରିୟ ସହଯୋଗ କରିଥିଲେ ।