Odisha Janamata : ଏକ ଅଟୋ କୁ ବାଲି ବୋଝେଇ ଡମ୍ପର ଧକ୍କା ଦେବା ଫଳରେ ଅଟୋରେ ବସିଥିବା 3ଜଣ ଗୁରୁତର |

ଏକ ଅଟୋ କୁ ବାଲି ବୋଝେଇ ଡମ୍ପର ଧକ୍କା ଦେବା ଫଳରେ ଅଟୋରେ ବସିଥିବା 3ଜଣ ଗୁରୁତର |

24-Jan-2026

ବାଲି ଭର୍ତି ଡମ୍ପର ଏକ ଅଟୋ କୁ ଧକ୍କା ଦେବା ଫଳରେ ରେ ଅଟୋର ୩ ଗୁରୁତର,

ଓଡିଶା ଜନ ମତ ବ୍ୟୁରୋ,

ଡମ୍ପର ଚାଳକ ଙ୍କ ବେପରୁଆ ଗାଡି ଚାଳନା ଯୋଗୁଁ ବହୁ ଦୁର୍ଘଟଣା ଘଟୁଛି | ଯାହାଫଳରେ ଅଧିକାଂଶ ଲୋକ ଆହାତ ହେବାସହ ମୃତ୍ୟୁ ବରଣ କରୁଛନ୍ତି | ଏପରି ଏକ ଘଟଣା ଘଟିଛି ଜଳେଶ୍ଵର ମ୍ୟୁନିସିପାଲଟିର ବଡବଜାର ସତ୍ୟନାରାୟଣ ମନ୍ଦିର ନିକଟରେ ଏକ ଅଟୋକୁ ବିପରିତ ଦିଗରୁ ଆସୁଥିବା ଏକ ବାଲି ଭର୍ତି ଡମ୍ପର ଧକ୍କା ଦେବାଫଳରେ ଡ୍ରାଇଭର ସହିତ ୩ଜଣ ଗୁରୁତର ହୋଇ ବାଲେଶ୍ବର ସ୍ଥାନାନ୍ତର ହୋଇଥିବା ଜଣାଯାଇଛି । ସୂଚନା ଅନୁସାରେ ମୋହନପୁର ଥାନା ଅନ୍ତର୍ଗତ ସାତସଣ୍ଡା ଗ୍ରାମର ଆରତୀ ପ୍ରମାଣିକ (୫୧ ) ( କମଳ ମା ଣି କ (୫୫ ) ଓଡି ୦ ୧- କେ ୧୭୪୧ ଅଟୋ ଯୋଗେ ଜଳେଶ୍ବର ଷ୍ଟେସନକୁ ଆସୁଥିଲେ । ଷ୍ଟେସନବଜାର ଆଡୁ ଏକ ବାଲି ବୋଝେଇ ଡମ୍ପର ଦ୍ରୁତଗତିରେ ଆସି ସତ୍ୟନାରାୟଣ ମନ୍ଦିର ନିକଟରେ ସମ୍ମୁଖପଟୁ ଧକ୍କା ଦେଇ ଚମ୍ପଟ ମାରିଥିବା ପ୍ରତ୍ୟେକ୍ଷଦର୍ଶୀଙ୍କ ସୂତ୍ରରୁ ପ୍ରକାଶ। ନିମପୁର ଗାଁର ଅଟୋଚାଳକ ମାଧବ ଜେନା (୩୫)ଙ୍କ ସହିତ ଦୁଇ ଆରୋହୀଙ୍କୁ ଗୁରୁତର ଭାବେ ତୁରନ୍ତ ଜିକେଭଟ୍ଟର ହସ୍ ପିଟାଲକୁ ନିଆଯାଇଥିଲା ।ଅବସ୍ଥା ସଙ୍କଟାପନ୍ନ ଥିବାରୁ ବାଲେଶ୍ଵର ମୁଖ୍ୟ ଡାକ୍ତରଖାନାକୁ ପଠାଇ ଦିଆଯାଇଛି । ନୂତନ କିରଣ ସାମାଜିକ ସଂଗଠନର ମୁଖ୍ୟ କୁମାର ସତ୍ୟଜିତ୍ ବେଜଙ୍କ ନେତୃତ୍ୱରେ ଅନ୍ୟମାନେ ଗୁରୁତରମାନଙ୍କୁ ହସ୍ ପିଟାଲକୁ ଆଣିବା ସହିତ ପୁଲିସ କୁ ଖବର ଦେଇଥିଲେ | ସହରରେ ଭାରିଯାନ ଚଳାଚଳ ପ୍ରତିବନ୍ଧକ ଥିବା ବେଳେ ବେଧଡକ ପାଲ ନଥୁବା ଯାନରେ ବାଲି ବ୍ୟାପକ ପରିବହନ ହେଉଛି। ଏନେଇ ବହୁ ସମୟ ଧରି ଦୁର୍ଘଟଣା ସ୍ଥଳରେ ସ୍ଥାନୀୟ ବାସୀ ସଡ଼କ ଅବରୋଧ ସହ ଘୋର ପ୍ରତିବାଦ କରିଥିଲେ।ଘଟଣାସ୍ଥଳରୁ ୩ଟି ଡମ୍ପର ଚମ୍ପଟ ମାରିଥିବା ବେଳେ ଜଳେଶ୍ଵର ଥାନା ସମ୍ମୁଖଦେଇ ପ୍ରତିଦିନ ରାତିରେ ଶହ ଶହ ବାଲି ବୋଝେଇ ଡମ୍ପର ଦ୍ରୁତଗତିରେ ଯାଉଥିଲେ ମଧ୍ୟ ସେଥ‌ିପ୍ରତି କାହାରି ନିଘା ନଥିବା ସ୍ଥାନୀୟ ସହରବାସୀ ଅଭିଯୋଗ କରିଛନ୍ତି । ଏହି ମୁଖ୍ୟ ରାସ୍ତା ଦେଈ ବାଲି ବୋଝେଇ ଟ୍ରକ, ଡ଼ମ୍ପରଚଳାଚଳ ବନ୍ଦ ନହେଲେ ଆଗାମୀ ଦିନରେ ଅଞ୍ଚଳ ବାସୀ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି |