Odisha Janamata : ଅର୍ଦ୍ଧନିର୍ମିତ କୁଆଁରୀଆ ସେତୁ ଉପରେ ସର୍ବ ସାଧାରଣ ଯାତାୟତ ପାଇଁ ମନା କଲା ବ୍ଲକ ପ୍ରଶାସନ |

ଅର୍ଦ୍ଧନିର୍ମିତ କୁଆଁରୀଆ ସେତୁ ଉପରେ ସର୍ବ ସାଧାରଣ ଯାତାୟତ ପାଇଁ ମନା କଲା ବ୍ଲକ ପ୍ରଶାସନ |

08-Aug-2026

ବ୍ଲକ ପ୍ରଅର୍ଦ୍ଧ ନିର୍ମିତ ସେତୁ ଉପରେ ଜନ ସାଧାରଣ ଙ୍କ ଯାତାୟତ ଶାସନ ତରଫରୁ ଅର୍ଦ୍ଧ ନିର୍ମିତ କୁଆଁରିଆ ସେତୁ ଉପରେ ଜନ ସାଧାରଣ, କାଉଡିଆ ଙ୍କ ଯାତାୟାତ ଉପରେ ଲାଗିଲା ଅଙ୍କୁଶ |

ଖଣ୍ଡପଡ଼ା ବ୍ଲକ ଅଧୀନ ବେଣାଗାଡିଆ ଗ୍ରାମର ବରକୋଳି ଛକ ଠାରୁ ତେନ୍ତୁଳିଆପଲ୍ଲୀ ଓ ପଥରଦ୍ବାର ଗ୍ରାମ ଦେଇ କଣ୍ଟିଲୋ ପାଟଣା ଗ୍ରାମକୁ ସଂଯୋଗ କରୁଥିବା ରାସ୍ତାରେ ଅବସ୍ଥିତ ନୂତନ କୁଆଁରିଆ ସେତୁଟି ଅର୍ଦ୍ଧ ନିର୍ମିତ ଅବସ୍ଥାରେ ରହିଥିବା ଜଣାପଡିଛି।ତେବେ ଉକ୍ତ ସେତୁ ଉପର ଦେଇ ଶହ ଶହ ସଂଖ୍ୟାରେ କାଉଡ଼ିଆ ପାଣି ଭାର ନେଇ ବିଭିନ୍ନ ଶୈବପୀଠକୁ ଯାତ୍ରା କରୁଥିବା ବେଳେ ସ୍ଥାନୀୟ ଜନସାଧାରଣ ମଧ୍ଯ ସେତୁ ପାର୍ଶ୍ବସ୍ଥିତ ବାଉଁଶ ସିଡି ଦେଇ ଅପରପାର୍ଶ୍ବକୁ ବିପଦଶଙ୍କୁଳ ଅବସ୍ଥାରେ ଯାତାୟାତ କରୁଥିବା ଜଣାପଡିଛି। ଏ ସଂର୍ପକରେ ସ୍ଥାନୀୟ ପ୍ରଶାସନ ଓ ପୁଲିସ ପ୍ରଶାସନ ଅବଗତ ହେବା ପରେ ଉକ୍ତ ସେତୁ ଦେଇ ଯାତାୟାତ ଉପରେ କଟକଣା ଲାଗୁ କରିଥିବା ଜଣାପଡିଛି।ସୂଚନାଯୋଗ୍ଯ କଣ୍ଟିଲୋ ପାର୍ଶ୍ବସ୍ଥ ମହାନଦୀ ଘାଟରୁ ହଜାର ହଜାର ସଂଖ୍ୟାରେ କାଉଡ଼ିଆ ପାଣି ଭାର ଉଠାଇବା ପରେ ଦୁରତ୍ବ କମ ଦୃଷ୍ଟିରୁ ଉକ୍ତ ଅର୍ଦ୍ଧ ନିର୍ମିତ କୁଆଁରିଆ ସେତୁ ଦେଇ ବିପଦଶଙ୍କୁଳ ଅବସ୍ଥାରେ ଯାତାୟାତ କରୁଥିବା ନେଇ ନଜରକୁ ଆସିବା ପରେ ପ୍ରଶାସନ କଡା ପଦକ୍ଷେପ ଗ୍ରହଣ କରିଥିବା ଜଣାଯାଇଛି।କଣ୍ଟିଲୋ ଫାଣ୍ତି ଅଧିକାରୀ ଉକ୍ତ ଅର୍ଦ୍ଧ ନିର୍ମିତ କୁଆଁରିଆ ସେତୁ ନିକଟରେ ଶନିବାର ଦିନ ତମାମ ଉପସ୍ଥିତ ରହି ପାଣି ଭାର ନେଇ ଯାଉଥିବା କାଉଡ଼ିଆ ମାନଙ୍କୁ ବାରଣ କରିବା ସହ ସ୍ଥାନୀୟ ଅଞ୍ଚଳବାସୀଙ୍କୁ ଏ ନେଇ ମଧ୍ଯ ସଚେତନ କରିଥିବା ସୂଚନା ମିଳିଛି।ପ୍ରକାଶଥାଉକି ଗତ ୫ ତାରିଖରେ ବିପଦଶଙ୍କୁଳ କୁଆଁରିଆ ସେତୁ ଦେଇ କାଉଡ଼ିଆଙ୍କ ଯାତାୟାତ ସଂର୍ପକିତ ଏହି ଖବର ଗଣମାଧ୍ୟମରେ ପ୍ରକାଶ ପାଇଥିଲା।ଅପରପକ୍ଷେ ଯୁଦ୍ଧକାଳୀନ ଭିତ୍ତିରେ ଉକ୍ତ ସେତୁ ନିର୍ମାଣ କାର୍ଯ୍ଯ ଶେଷ ନିମନ୍ତେ ଗ୍ରାମ୍ଯ ଉନ୍ନୟନ ବିଭାଗ ଉଚ୍ଚ କର୍ତ୍ତୃପକ୍ଷ, ନୟାଗଡ ଅଧିକ୍ଷଣ ଯନ୍ତ୍ରୀ ଓ ଜିଲ୍ଲାପାଳ ଦୃଷ୍ଟି ଦେବାକୁ ଖଣ୍ଡପଡ଼ା ଅଞ୍ଚଳବାସୀ ଦାବି କରିଛନ୍ତି।